စပါးအစေ့တွေကို ဘယ်လို မျိုးအောင်မအောင် စစ်ရလဲ ပြီးတော့ အိမ်မှာရှိတဲ့ ဆန်တွေ၊စပါး‌အစေ့တွေကိုရော စိုက်လို့ရလား

စပါးမျိုးစေ့ အောင်၊ မအောင်နှင့် အပင်ပေါက်နိုင်စွမ်းရှိ၊ မရှိကို အိမ်တွင် အလွယ်တကူ နည်းလမ်းနှစ်မျိုးဖြင့် စမ်းသပ်နိုင်ပါတယ်။ ပထမနည်းလမ်းမှာ စပါးစေ့များကို ရေထဲထည့်၍ မွှေပေးခြင်းဖြစ်ပြီး ရေပေါ်ပေါ်လာသော အဖျင်းများနှင့် မအောင်သောအစေ့များကို ခပ်ထုတ်ကာ ရေအောက်နစ်သော အောင်စေ့များကိုသာ ရွေးချယ်ရပါမည်။ ဒုတိယနည်းလမ်းမှာ ထိုအောင်စေ့များထဲမှ အစေ့ ၁၀၀ ကို ရေစိုဂုံနီအိတ်တွင် တင်၍ ၃ ရက်မှ ၅ ရက်အထိ အစိုဓာတ်ပေးကာ အပင်ဖောက် စမ်းသပ်ခြင်းဖြစ်ပြီး အပင်ပေါက်နှုန်း ၈၀% ကျော်ပါက မျိုးအောင်နှုန်း ကောင်းမွန်သည်ဟု သတ်မှတ်နိုင်ပါသည်။ အိမ်ရှိဆန်နှင့် စပါးစေ့များကို ရောစိုက်ရန်ကိစ္စတွင်မူ စပါးခွံကြိတ်ပြီးသား "ဆန်" သည် မျိုးသန္ဓေမရှိတော့သဖြင့် မြေကြီးထဲတွင် ပုပ်သွားမည်ဖြစ်ကာ လုံးဝ အပင်မပေါက်နိုင်ပါ။ အိမ်ရှိ "စပါးစေ့" များကိုမူ စိုက်ပျိုးနိုင်သော်လည်း အမျိုးအစားမတူဘဲ ရောစိုက်ပါက သက်တမ်းမညီခြင်း၊ အမြင့်မတူခြင်းတို့ကြောင့် အထွက်နှုန်းကျဆင်းပြီး ရိတ်သိမ်းရခက်ခဲစေသဖြင့် မျိုးမရောဘဲ သီးသန့်သာ စိုက်ပျိုးသင့်သည်။မျိုးကောင်းမျိုးသန့်သာဝယ်ယူစိုက်ပျိုးသင့်ပါတယ်၊ သို့မဟုတ် မိမိကိုယ်တိုင် မျိုးကောင်းမျိုးသန့်ဖြစ်အောင်လက်ကွက်အနည်းငယ်ကို ဂရုစိုက်ပြီး မိမိကိုယ်တိုင် မျိုးကောင်းမျိုးသန့်ထားပြီးသုံးနိုင်ပါတယ်ခင်ဗျာ။