မြေပဲအထွက်တိုးအောင်လုပ်နည်း

တစ်ဧကလျှင် အပင်ဦးရေ ၁ သိန်းမှ ၁ သိန်း ၁ သောင်း ပြည့်မီရန်အတွက် ပင်ထောင်/ပင်ပြန့် အမျိုးအစားအလိုက် တန်းကြား၊ ပင်ကြား (ဥပမာ - ၁၅ လက်မ x ၄ လက်မ သို့မဟုတ် ၁၂ လက်မ x ၄ လက်မ) စိုက်စနစ်မှန်ကန်ရပါမည်။ မြေပဲသည် ကယ်လ်စီယမ်နှင့် ဘိုရွန်ဓာတ်ကို အထူးကြိုက်နှစ်သက်သဖြင့် မြေပြင်ချိန်တွင် ထုံးထည့်ခြင်းနှင့် သက်တမ်း ၃၅ ရက် ဝန်းကျင် မြေပဲမြစ်ဆွယ်ချချိန်တွင် ဂျစ်ဆမ် (Gypsum) ထည့်ပေးခြင်းဖြင့် အဆန်မအောင်ခြင်းနှင့် လေဥ ဥခြင်းကို ကာကွယ်နိုင်ပါသည်။ ပန်းပွင့်ချိန်တွင် ပေါင်းမြက်ကင်းစင်နေစေရန် ရက် ၂၀ နှင့် ရက် ၃၀ သားများတွင် ကြားတိုက်ဘောင်လုံးပေးခြင်းနှင့် အပင်ပေါက်စအဆင့်တွင် မြေအောင်းပိုးနှင့် မှိုရောဂါများအတွက် မျိုးစေ့လူးနယ်စိုက်ပျိုးခြင်းကို စနစ်တကျ ပြုလုပ်ခြင်းဖြင့် မြေပဲအထွက်နှုန်းကို သိသိသာသာ တိုးတက်စေနိုင်ပါသည်။အထက်ကဆောင်းပါးနှစ်ခုမှာလည်း လေ့လာကြည့်ပါဦးဗျ။