ကွမ်းပင်အခုလိုဖြစ်နေလို့ပါ ခုလက်ရှိတော့ ပုံထဲကဆေး ဖျန်းထားပါတယ် အကြံပေးပါအုံးဆရာ

ပုံပါကွမ်းရွက်တွင် တွေ့ရသော လက္ခဏာမှာ အဝါရောင်အနားရစ်ပါသည့် ရေစိုနာအမည်းကွက်များဖြစ်ပြီး ၎င်းသည် ကွမ်းခြံများတွင် အဖြစ်များသော ဘက်တီးရီးယား ဆီစွန်းရောဂါ (ရိုးမဲ/ဆစ်ပြုတ်ရောဂါ) ဖြစ်ပါတယ်။ လူကြီးမင်းအနေဖြင့် Bismerthiazole ဖျန်းထားခြင်းမှာ မှန်ကန်သော်လည်း ရောဂါငြိမ်စေရန်အတွက် (၅) ရက်မှ (၇) ရက်အကြာတွင် အဆိုပါဆေးကို နောက်ထပ်တစ်ကြိမ် ထပ်မံဖျန်းပေးရန် လိုအပ်ပါတယ်။ သို့မဟုတ်နောက်တစ်ပတ်တွင် ဘက်တီးရီးယားနှင့် မှိုကိုပါ ပူးတွဲနှိမ်နင်းနိုင်သော ကော့ပါးအခြေခံဆေးများ (Copper Oxychloride / Copper Hydroxide) ကို ဖျန်းမယ်ဆိုလည်းရပါတယ်။ထို့ပြင် ရောဂါကူးစက်မှုကို ဖြတ်တောက်နိုင်ရန် ရောဂါကျရွက်များကို ဆွတ်ခူး၍ ခြံပြင်ပတွင် မီးရှို့ဖျက်ဆီးပစ်ရမည်ဖြစ်ပြီး၊ ရောဂါ ပိုမိုဆိုးရွားစေတတ်သည့် ယူရီးယား (နိုက်ထရိုဂျင်) မြေဩဇာ ကျွေးခြင်းကို လုံးဝရပ်နားထားကာ အပင်ခံနိုင်ရည်တိုးစေရန် ပိုတက်ရှ်မြေဩဇာကို ပြောင်းလဲကျွေးပေးရပါမယ်။