ဘိုကိတ်ပဲကို ခုတ်ဖုံးစနစ်ဖြင့် စိုက်လို့ရမရကိုသိချင်ပါတယ်

ဘိုကိတ်ပဲ (ပဲလွမ်းပြာ) ကို ရိုးပြတ်ပေါ်တွင် အစေ့ချပြီး ကောက်ရိုးဖြင့် ပြန်လည်ခုတ်ဖုံးစိုက်ပျိုးသည့် “ခုတ်ဖုံးစနစ်” ဖြင့် လက်တွေ့စိုက်ပျိုးအောင်မြင်သည့် မှတ်တမ်းမှတ်ရာများ မရှိသဖြင့် စိုက်ပျိုးရန် မသင့်တော်ပါဘူး။ အဘယ်ကြောင့်ဆိုသော် ခုတ်ဖုံးစနစ်သည် မြေဆီလွှာအစိုဓာတ်ကို အလွန်အမင်း ထိန်းသိမ်းပေးသောကြောင့် ရေဝပ်ခြင်းနှင့် အစိုဓာတ်လွန်ကဲခြင်းဒဏ်ကို လုံးဝမခံနိုင်သော ဘိုကိတ်ပဲမျိုးစေ့များ အညှောက်မထွက်ဘဲ အမြစ်ပုပ်ကာ သေကြေပျက်စီးသွားတတ်သောကြောင့် ဖြစ်ပါတယ်၊ ဤခုတ်ဖုံးစနစ်သည် အပင်ပေါက်နှုန်းမြန်ပြီး လျင်မြန်စွာ ပေါက်ရောက်နိုင်သော ပဲတီစိမ်းနှင့် မတ်ပဲတို့အတွက်သာ သင့်တော်ပြီး၊ ဘိုကိတ်ပဲကိုမူ ထွန်ရေးညက်ညက်ဖြင့် စနစ်တကျ အစေ့ချစိုက်ပျိုးမှသာ အောင်မြင်နိုင်ပါလိမ့်မယ်။