မတ်ပဲ၄၅ရက်သား မှာ အရွက်အဲ့လိုဝေးဝေးတစ်ပင်ဖြစ်ေနတယ် တစ်ပင်လုံးမဖြစ်ဘဲ အရွက်တစ်ကိုင်းကညိုးကျနေတယ် နောက်တစ်...

Question

မတ်ပဲ၄၅ရက်သား မှာ အရွက်အဲ့လိုဝေးဝေးတစ်ပင်ဖြစ်​ေနတယ် တစ်ပင်လုံးမဖြစ်ဘဲ အရွက်တစ်ကိုင်းကညိုးကျနေတယ် နောက်တစ်ကိုင်းကျအရွက်နားတွေကနေစပြီးခြောက်ပြီးမဲလာတယ်တစ်ဖြေးဖြေးတစ်ကိုင်းလုံးခြောက်ပြီးမဲသွားတယ် ကျန်နေတဲ့အကိုင်းတွေကျဘာမှမဖြစ်ဘူး မဖြစ်သေးတာလာ ဘာရောဂါလဲဘယ်လိုဆေးမျိုးဖျန်းသင့်လဲဗျ

သော်ဇင် · Accepted Answer

@Saw Samson မတ်ပဲပင်တွင် မှည့်ပြောက်စွန်းနှင့် ကိုင်းဖျားခြောက်ရောဂါ (Anthracnose and Dieback) မှိုရောဂါ စတင်ကျရောက်နေခြင်းဖြစ်ပြီး အချိန်မီ မထိန်းချုပ်ပါက ကျန်အကိုင်းများနှင့် ဘေးပင်များသို့ လျင်မြန်စွာ ကူးစက်နိုင်ပါတယ်။ ဦးစွာ မဲခြောက်နေသော ရောဂါရအကိုင်းနှင့် အရွက်များကို ဖြတ်တောက်ပြီး စိုက်ခင်းပြင်ပတွင် မီးရှို့ဖျက်ဆီးပါ။ ထို့နောက် တီဗျူကိုနာဇိုး + ထရိုင်ဖလောက်စီစထရိုဘင် (Tebuconazole + Trifloxystrobin) သို့မဟုတ် အဇိုဇီစထရိုဘင် + ဒိုင်ဖီနိုကိုနာဇိုး (Azoxystrobin + Difenoconazole) ကဲ့သို့ ပင်လုံးပြန့်မှိုသတ်ဆေး တစ်မျိုးမျိုးကို ၇ ရက်မှ ၁၀ ရက်ခြား တစ်ကြိမ်ဖြင့် ၂ ကြိမ်ခန့် အရွက်အောက်မျက်နှာပြင်ပါ မကျန် နှံ့စပ်အောင် ပက်ဖျန်းပေးပါ။ ရောဂါကျနေချိန်တွင် ပုလဲမြေဩဇာ အလွန်အကျွံကျွေးခြင်းကို ရှောင်ကြဉ်ပြီး ပိုတက်စီယမ်ပါဝင်သော အားဆေးကို အသုံးပြုပေးပါ။အပင်ခံနိုင်ရည်ရှိစေရန် ပိုတက်စီယမ် (Potassium) နှင့် အနည်းလိုအာဟာရဓာတ်များ ပါဝင်သော ရွက်ဖျန်းအားဆေးကို အသုံးပြုပေးနိုင်ပါတယ်။ မှိုဆေးကိုတော့တစ်ကြိမ်လောက်ဖျန်းပြီး ရောဂါဆက်ပြန့်မပြန့်စောင့်ကြည့်နိုင်သလို တစ်ပင်တစ်လေဖြစ်တာမို့ အရင်ကမှိုဆေးလည်းဖျန်းပက်ကာကွယ်ပြီးသားရှိတယ်ဆိုလည်း ဆေးမဖျန်းသေးဘဲစောင့်ကြည့်တာမျိုးလုပ်နိုင်ပါတယ်။ ရောဂါကျအရွက်တွေတော့ အဝေးမှာဖယ်ရှားပေးပေါ့။ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ

သော်ဇင် · Answer

ဖျန်းပေးလို့ရပါတယ်ခင်ဗျာ @Saw Samson

Saw Samson · Answer

ဒီဆေးနဲ့ဖျန်းလို့ရလား

ဖြေကြားချက် ၄ ခု