တရုတ်ကြောင့် ခရမ်းရွှေဝါပဲတီစိမ်း ဈေးဆက်တိုက် တက်လာ
ပြည်တွင်း ပဲတီစိမ်းဈေးကွက်မှာ ဈေးနှုန်းဆက်တိုက်အကျပြခဲ့တဲ့ ရန်ကုန်တိုင်း ခရမ်းဒေသထွက် ပဲတီစိမ်း (ခရမ်းရွှေဝါ) နဲ့ ရေဆင်းတို့ဟာ ယခုရက်ပိုင်းမှာ ဈေးနှုန်း ဆက်တိုက် မြင့်တက်လာနေတယ်လို့ ခရမ်းတောင် သူတွေဆီက သိရပါတယ်။
လက်ရှိမှာ ခရမ်းပဲတီစိမ်းကို ကြိုပွင့်စနစ်နဲ့ ရောင်းချထားတဲ့ ပွဲစားတွေအနေနဲ့ ပဲအပ်ရမယ့်ကာလ နီးလာပြီဖြစ်တာကြောင့် ဝယ်လိုအားကောင်းပြီး ဈေးကွက်အတက်ဘက် ပြန်ရောက်လာတာ ဖြစ်တယ်လို့ သိရပါတယ်။
"သူတို့ ပဲအပ်ရရင် နှစ်တိုင်းပဲ ဈေးတက်တယ်။ ကြိုတင်ပဲတွေကို ပဲမပေါ်ခင် တစ်လအလိုက တစ်တင်းကို ၁၁၀,၀၀၀ ကျပ်နဲ့ ပွဲစားတွေ ကြိုရောင်းထားကြတယ်။ လယ်သမားတွေ ဒီနှစ် ပဲထွက်ဆုတ်ကြတော့ ပဲက ထင်သလောက် မြို့ပေါ် တက်မလာဘူး။ အပ်ချိန်က နီးလာပြီဆိုတော့ ကြိုရောင်းသမားတွေ အပြိုင်အဆိုင် ဝယ်ကုန်လို့ ဖြစ်တာပါ" လို့ ခရမ်းပဲတီစိမ်း စိုက်တောင်သူကြီး ဦးဌေးက ပြောပါတယ်။
တရုတ်ကလည်း ခရမ်းပဲတီစိမ်းကို ဝယ်လိုအား ကောင်းလာတဲ့အတွက်ကြောင့်လည်း ခရမ်းပဲတီစိမ်း ဈေးကွက် တက်လာတာ ဖြစ်တယ်လို့ သိရပါတယ်။
"တရုတ်တွေက အခု ကိုယ်တိုင် ခရမ်းကို အဝယ်ဆင်းလာတယ်။ တောင်သူတွေကလည်း ပဲကို ထိန်းရောင်းတော့ ဈေးကမတက်ဘဲ ရှိမလဲ" လို့ တောင်သူတစ်ဦးက ဆိုပါတယ်။
လက်ရှိမှာ ပွဲရုံတွေ၊ ပွဲစားနဲ့ ကုန်သည်တွေဆီမှာ ခရမ်းရွှေဝါ ပဲတီစိမ်းဟာ ပိဿာ ၂၀ တစ်တင်းကို ၁၂၂,၀၀၀ ကျပ်အထိ ရှိလာပြီး ရေဆင်းပဲတီစိမ်းက ၁၁၃,၀၀၀ ကျပ်မှ ၁၁၇,၀၀၀ ကျပ်အထိ ဈေးပေါက်နေတယ်လို့ သိရပါတယ်။ ယခင် ဖေဖော်ဝါရီ ဒုတိယပတ် က ခရမ်းပဲတီစိမ်း ဈေးကွက်မှာ ခရမ်းရွှေဝါ ၉၈,၀၀၀ ကျပ်မှ ၉၉,၀၀၀ ကျပ် ဝန်းကျင်သာ ရှိခဲ့တာ ဖြစ်ပါတယ်။
ဒီနှစ် ဆောင်းပဲတီစိမ်းရာသီမှာ အပင်တွေသေခြင်း၊ ကြွက်ကိုက်ခြင်းစတဲ့ အခြေအနေတွေကြောင့် ပဲတီစိမ်း အထွက်နှုန်း သိသိသာသာ လျော့ကျခဲ့ပါတယ်။ ဒါကြောင့် တောင်သူအချို့က လယ်က ထွက်သမျှ ပဲကို ပွဲရုံတွေဆီ အကုန်ထုတ်ရောင်းမယ့်အစား ငွေကြေးလိုအပ်သလောက်သာ ရောင်းချပြီး ဈေးအတက် ကို စောင့်နေကြတယ်လို့ သိရပါတယ်။
ခရမ်းရွှေဝါနဲ့ ရေဆင်းဟာ ခရမ်းဒေသမှာသာ ဈေးတက်နေတာဖြစ်ပြီး ရန်ကုန် ဘုရင့်နောင် ကုန်စည်ဒိုင် ဈေးကွက်မှာတော့ ခရမ်းရွှေဝါ တစ်ပိဿာကို ၅,၄၁၅ ကျပ် (အကျဈေး) မှာပဲ ဆက်ရှိနေပါသေးတယ်။
AMIA (ဈေးကွက်နှင့် သတင်းအေဂျင်စီ)မှ အစိမ်းရောင်လမ်းဆော့ဝဲသို့ ပေးပို့ထားသော အစိမ်းရောင်လမ်း၏ မူပိုင်ဆောင်းပါးဖြစ်သဖြင့် ဆောင်းပါးများ၊ သတင်းများ ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်ဟု” ထည့်ပေးပါရန် မေတ္တာရပ်ခံအပ်ပါသည်။
ဆက်စပ်အကြောင်းအရာ၊ မေးခွန်းများနှင့် ဆောင်းပါးများကို ဆက်လက်ဖတ်ရှုနိုင်ပါသည်။
အကြောင်းအရာ 1
ပြည်တွင်းသီးနှံဈေးကွက်
ဆက်စပ်မေးခွန်းများ
ပဲပင်စည်ထိုးယင်ဝင်နေလို့ဗျား ဘယ်လိုဆေးတွေဖျန်းရမလဲဗျ အကူအညီလေးရအောင် ဖြေပေးကြပါအုံး...
နေရောင်အောက်က ဘဝသမား • ဖြေကြားချက် 0 ခု
အရင်နှစ်ကမြစ်ခြောက်ဆွေးရောဂါတေကြောင့်အပင်တေသေပါတယ် ဘယ်လိုမျိုးစေ့လူးနယ်ဆေးကိုသုံးရမလဲဗျ ပဲတီစိမ်းကိုထွန်ခင်းလုပ်မှာပါ
ဦးစောမောင်ဌေး • ဖြေကြားချက် 4 ခု
ဆရာတို့ခင်ဗျာ ပြောင်းပင်များ ပြောင်းဖူး ဖူးချိန်တွင် မုန့်ဖုတ်ဆော်ဒါအား အပင်ခြေပုံခြင်း ဖြင့်လည်းကောင်း အရည်ဖျော်၍ ဖျန်းပေးခြင်းဖြင့်လည်းကောင်း အဖူးထွားသည်ဟု ပြောကြပါသည်။ သို့ဖြစ်ပါ၍ ထိုအယူအဆမှာ မှန်ကန်ခြင်း ရှိ/မရှိ သိပါရစေဗျာ။ ပြောင်းစိုက်ပျိုးရေးအတွက် အသင့်တော်ဆုံးဖြစ်မယ့် မြေသြဇာကိုလည်း သိပါရစေခင်ဗျာ။ အောက်ပါပုံတွင် ပါရှိသော ပြောင်းပင်တွင်ကျရောက်နေသည့် မှိုရောဂါအတွက် မည်သို့ကုသရမည် ဆိုသည်ကိုလည်း ညွှန်ကြားပေးပါခင်ဗျာ။
ဦးနိုင်လင်းထွန်း • ဖြေကြားချက် 2 ခု
သဘာဝမြေသြဇာကို ကိုယ်တိုင်ထုတ်လုပ်ရောင်းချချင်တာပါ။ဘယ်လိုအရာတွေကိုပေါင်းစပ်ထုတ်လုပ်ရမလဲဗျ နည်းပညာသိသူများမျှဝေပေးပါဦး
YeMinZaw • ဖြေကြားချက် 4 ခု
ထရိုင်ကိုဒါးမားဘယ်မှာဝယ်ရမလဲ မှုံရွာကပါ မှိုကြချိန်အသုံးပြုလို့အဆင်ပြေးလားဗျ
ko moe • ဖြေကြားချက် 1 ခု
Farm Link Co.,Ltd
ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....
နောက်ဆုံး ဆောင်းပါးများ
တစ်ပတ်စာ ဈေးကွက်သုံးသပ်ချက် (၁၆-၂၀.၁၁.၂၀၂၆)
20/11/2026
စိုက်ခင်းအတွင်း နွားချေးအစိမ်း သုံးမိရင် ကြုံရမယ့် အန္တရာယ် ၃ မျိုး
20/11/2026
ရှမ်းပြည်ထွက် ကုန်စိမ်းများ ဈေးတက်နေ
19/11/2026
အရည်အသွေးကောင်းပြီး အထွက်နှုန်းမြင့်သည့် သီးနှံစိုက်ခင်းများကို ရရှိစေသည့် ဇီဝမြေဩဇာဆိုသည်
19/11/2026
ဝက်ခြံဖမ်းဈေး ကျဆင်းသော်လည်း အသားဈေး ကျပ် ၃၀,၀၀၀ အထက်တွင် ရှိနေ
18/11/2026
More from AMIA
အားလုံး