ငါးခူ သားဖောက်နည်းနှင့် သားပေါက်ပြုစုနည်း
ငါးခူငါးဟာ လူကြိုက်များတဲ့ ငါးအမျိုးအစားထဲမှာ ပါဝင်ပြီး စျေးကွက်မှာလည်း ဝယ်လိုအားကောင်းမွန်တဲ့ ငါး တစ်မျိုး ဖြစ်ပါတယ်..။ ငါးခူငါးကို သဘာဝအတိုင်းရော၊ ဆေးထိုးသားဖောက်တဲ့နည်းနဲ့ပါသားဖောက်မွေးမြူလို့ ရနေပြီမို့ သားဖောက်မွေးမြူလိုသူတွေအတွက် ငါးခူသားဖောက်နည်းကို ပြောပြပေးပါ့မယ်..။
ငါးမျိုးစုဆောင်းခြင်း
ငါးခူပေါက်ကလေးတွေကို မိုးရာသီမှာ လယ်ကွင်းတူးမြောင်းနဲ့ ရေလျှံကွင်းတွေကနေ အလွယ်တကူ စုဆောင်း ရရှိ နိုင်ပါတယ်..။ ဒါမှမဟုတ် မွေးမြူရေးကန်များအတွင်း သဘာဝ ကျင်းများကဲ့သို့ ဖန်တီးပြီးလည်း သားဖောက်နိုင် ပါတယ်..။
သဘာဝနည်းဖြင့် သားဖောက်နည်း
ငါးခူငါးသားဖောက်ရန်အတွက် အရွယ်ရောက်သော ၁နှစ် သားအရွယ် ကိုယ်ထည်အလျား ၈ လက်မမှ ၁၂ လက်မ ရှိ ငါးခူ အထီးနဲ့အမကြီးများကို ရွေးချယ်ထည့်သွင်းရပါမည်။ အချိုးအစားမှာ အထီး၂ ကောင်လျှင် အမ ၁ ကောင် နှုန်း ဖြစ်ပါတယ်..။ ပြုလုပ်ထားတဲ့ ကျင်းအရေအတွက်နဲ့အညီ ငါးများကို အစုံလိုက်ထည့်ပေးပါ။ ၃ ရက်လျှင် ၁ကြိမ်ကျ ကျင်းများကို စစ်ဆေးကြည့်ခြင်းအားဖြင့် ဥချပြီးမပြီး သိနိုင်ပါတယ်..။ ဥချသောအခါ တစ်ကျင်းလျှင် ငါးခူဥပေါင်း ၂၀၀၀ မှ ၅၀၀၀ အထိ ဥနိုင်ပါတယ်..။
ဆေးထိုးသားဖောက်နည်း
ငါးခူငါးကို ဆေးထိုးသားဖောက်ပြုလုပ်လိုလျှင် ၁ နှစ်သားအရွယ်ငါးခူကြီးများကို ရွေးချယ်ရပါမယ်..။ ငါးခူ အမရဲ့ ပျှမ်းမျှအလေးချိန်မှာ ၁၂ ကျပ်သားခန့်ရှိပြီး အလျားမှာ ၁၀ လက်မခန့်ရှိရပါမယ်..။
ငါးခူအထီးရဲ့ ပျှမ်းမျှ အလေးချိန်မှာ ၁၀ ကျပ်သားခန့်ရှိပြီး အလျားမှာ ၉ လက်မခန့် ရှိရပါမယ်..။ ငါးထီးရဲ့ မျိုးရည် ဟာ မပျစ်မကျဲဖြစ်ပါက အနေတော်ဖြစ်ပါတယ်..။ ငါးမရဲ့ဥတွေဟာ တစ်လုံးချင်းဖြစ်ရင်လည်း သင့်လျော်ပါတယ်။
ဆေးထိုးတဲ့အခါမှာ ငါးမကို ၂ ကြိမ်နှင့် ငါးထီးကို ၁ကြိမ်ထိုးပေးရပါမယ်..။ ငါးမကို ပထမအကြိမ်ဆေးထိုးရာမှာ ငါးခူမှရသောအကျိတ်ဟိုမုန်းဆေး ၆ မီလီဂရမ်ထိုးပြီး နောက် ၆ နာရီ အကြာမှာ ဒုတိယအကြိမ် ၉ မီလီဂရမ်ကို ထိုးရပါမယ်..။ ငါးမကို ဒုတိယအကြိမ် ဆေးထိုးပြီးတဲ့အခါ ငါးထီးကို အကျိတ်ဟိုမုန်းဆေး ၆ မီလီဂရမ် ထိုးပေး ရပါမယ်။
ဆေးထိုးပြီးသားငါးအစုံကို အသင့်ပြင်ထားတဲ့ ငါးလှောင်ကန်အတွင်းသို့ ထည့်ပါ ။ ဥများတွယ်ကပ်နိုင်စေရန် ငါး ကန်အတွင်းမှာ မြက်ပင်၊ ပင်လယ်ကဗွီးရွက် စတဲ့ အပင်များကိုထည့်ထားပေးရပါမယ်..။
ဆေးထိုးပြီး ၁၄ နာရီမှ ၁၆ နာရီအတွင်း ငါးများမိတ်လိုက်၍ ဥချကြပါလိမ့်မယ်..။ ငါးတစ်စုံလျှင် ပျှမ်းမျှအားဖြင့် ဥ ၄၀၀ဝ ခန့် ဥချနိုင်ကြပါတယ်..။ ငါးများမိတ်လိုက်တဲ့အချိန်မှာ ရှိသင့်တဲ့အပူချိန်မှာ ၂၅ ဒီဂရီစင်တီဂရိတ်မှ ၃၀ ဒီဂရီစင်တီဂရိတ်ဖြစ်ရင် ကောင်းပါတယ်..။
ဥချပြီး နာရီ ၂၀ အကြာမှာတော့ ငါးသားပေါက်ကလေးများ ပေါက်ဖွားလာပါမယ်..။
ငါးကလေးများကို အလျား ၁၀ ပေ၊ အနံ ၆ ပေ၊ အနက် ၂ပေရှိ အုတ်ကန်ငယ်အတွင်းမှာ ပြုစုနိုင်ပါတယ်..။ ကန်ငယ်တစ်ခုတွင် ငါးသားပေါက်ကလေးများ ၁၅၀၀၀ မှ ၂ဝဝဝဝ အထိ ထည့်သွင်းပြုစုနိုင်ပါတယ်..။
နေ့စဉ် ဖွဲနု ၃၀ ကျပ်သား၊ ပဲဖတ် ၁၅ ကျပ်သား၊ အသားဓာတ်ဖြစ်သော ငါးနုတ်၊ ပုစွန်ဆိတ် ၆၅ ကျပ်သားကို ရော ကြိတ်ကျွေးပါက ရက်သတ္တ၂ ပါတ်အကြာတွင် ၁ လက်မမှ ၁ လက်မခွဲ အရွယ်ထိ ကြီးထွားလာသော ငါးသန်ကလေးများဖြစ်လာပါမယ်..။
Ref: ငါးလုပ်ငန်းဦးစီးဌာန။
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။
KyawWin Htay
လွန်ခဲ့သော ၃ နှစ် ကငါးသားဖောက်နည်းသင်တန်းရှိရင်ညွှန်းပေးပါလား ရန်ကုန်မြို့မှာ
နေပိုင်
လွန်ခဲ့သော ၃ နှစ် က3လက်မ
thanzawlin lin
လွန်ခဲ့သော ၄ နှစ် ကထိုးရတဲ့ဆေးအမည်လေပြောပြပေးပါအုဗျ
ကိုထူး
လွန်ခဲ့သော ၄ နှစ် ကဟော်မုန်းဆေးအမည်ပါထည့်ပြောပေးပါလား
အောင်သာစိန်
လွန်ခဲ့သော ၄ နှစ် ကပေါက်လာတဲ့ ငါးမှုန်တွေကို ကန်ရွှေ့ဖို့က ဘယ်အချိန်လောက်မှာရွှေ့သင့်သလဲဗျ
ဆက်စပ်မေးခွန်းများ
မွန်ပြည်နယ်မုတ္တမတွင်ငါမွေးမည်ဆိုပါကဘယ်ငါးအမျိုးစားကအသင့်တော်ဆုံးလဲဘယ်ငါးအမျိုးစားကဈေးပိုကောင်းလဲဈေးကွက်ကိုရောဘယ်လိုရောင်းရလဲ
Win Min Htwe • ဖြေကြားချက် 2 ခု
မွေးမြူရေ
aung zin oo • ဖြေကြားချက် 0 ခု
ငါး.ဘယ်လိုပုံစံနဲ့မွေးမြူရမလဲဆိုတာသိချင်လို့ပါ
sawkyawshwe • ဖြေကြားချက် 0 ခု
ဒီနေ့ ငါးဈေးနှုန်းတွေသိချင်ပါတယ်
Tun Wanna Kyaw • ဖြေကြားချက် 1 ခု
တာပေါ်လစ်နဲ့ ငါးရှဥ့် အကောင်ရေ ၅ ရာ မွေးချင်လို့ပါ ငါရှဥ်ကန်လုပ်နည်းလေးပြေားပြပေးပါ သားပေါက်ရောင်းမဲ့သူရှိလဲ လမ်ညွှန်ပေးပါ ဧရာဝတီတိုင်း ဘိုကလေး ကပါ
ခိုင်ဇော် • ဖြေကြားချက် 1 ခု
.jpg)
Farm Link Co.,Ltd
ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....
နောက်ဆုံး ဆောင်းပါးများ
More from နှင်းဖြူဖြူ
အားလုံး
အသံ
ရေငန်ငါးတစ်မျိုးဖြစ်တဲ့ ငါးပုလဲ(ခေါ်) ဆင်နားရွက်ငါး၏ ထူးခြားသောသဘာဝ
07/08/2026
ဇီဝမျိုးစုံမျိုးကွဲများ ပေါကြွယ်ဝသော လန်ပိအဏ္ဏဝါအမျိုးသားဥယျာဉ်
27/03/2026
ငါးဝမ်းပူ၏ ထူးခြားသောသဘာဝနှင့် အသုံးဝင်ပုံ
23/03/2026
ကင်ဆာကိုပျောက်စေနိုင်သည်ဟု သိပ္ပံပညာရှင်များတွေ့ရှိထားသည့် ရေပုတ်သင်၏ ထူးခြားသဘာဝ
19/02/2026
မြန်မာမြေက မွေးဖွားခဲ့သော ရှားပါးရတနာ — မြန်မာ့ကြယ်လိပ်
26/01/2026
