နောက်ဆုံး ဆောင်းပါးများ စိုက်ပျိုးရေး မွေးမြူရေး ရေလုပ်ငန်း အထွေထွေ ဗဟုသုတ သတင်း နည်းပညာမိတ်ဖက်အဖွဲ့များ

အားလုံးကြည့်ရန် လယ်ယာသုံးစက်ပစ္စည်း 11 မြေဆီလွှာ 165 အပင်အာဟာရ 297 စိုက်ပျိုးနည်း 396 ပိုးမွှားရောဂါ 445 စိုက်ပျိုးစီးပွား 54 ခေတ်သစ်စိုက်ပျိုးရေး 49 ရိတ်သိမ်းချိန်လွန်နည်းပညာ 49 တန်ဘိုးမြှင့်ထုတ်ကုန် 150 စိုက်ပျိုး ရေ 49 စိုက်ပျိုး ဗဟုသုတ 853

နေကြာမျိုးနွယ်ဝင် Vincent’s Choice ဆိုတာ…..

မဆုမြတ်ခင် • 05/10/2020

Helianthus annuus လို့ သိပ္ပံအမည်တွင်တဲ့ နေကြာပန်းလေးတစ်မျိုးကိုတော့ တစ်ကမ္ဘာလုံးက Vincent’s Choice ရယ်လို့ အမည်ပေးခေါ်ဝေါ်ကြပါတယ်။ သူက ပုံမှန်မြင်တွေ့နေကျ နေကြာပန်းကလေးတွေနဲ့ ပုံသဏ္ဍာန်ခပ်ဆင်ဆင်တူပေမယ့်လည်း တစ်မူကွဲပြားပြီး လှပပါတယ်။ ဒါ့ကြောင့်လည်း သူ့ကို ဆီထွက်သီးနှံအဖြစ် မစိုက်ပျိုးကြဘဲ cut flower အနေနဲ့ အသုံးပြုဖို့ စိုက်ပျိုးကြတာပဲဖြစ်ပါတယ်။ cut flower ဆိုတာဟာ ပန်းအနေနဲ့ အသုံးပြုဖို့ပါ။ အခုနောက်ပိုင်း တော်တော်များများက လက်ဆောင်ပန်းစည်းတွေလုပ်တဲ့အခါမှာ ဒီ Vincent’s choice ပန်းလေးတွေကို အသုံးများလာကြတာ သတိထားမိကြမှာပါ။ ဒါ့ကြောင့် ဦးကြီးတို့အနေနဲ့ ဗဟုသုတလည်းရ ကိုယ်တိုင်လည်းစိုက်ပျိုးနိုင်အောင်လို့ ဒီပန်းလေးကို ဘယ်လိုစိုက်ပျိုးနိုင်လဲ၊ ဘယ်လိုခူးဆွတ် ထိန်းသိမ်းနိုင်လဲ အစရှိတဲ့ အကြောင်းအရာတွေကို ဒီဆောင်းပါးမှာ ဖော်ပြပေးသွားမှာပဲ ဖြစ်ပါတယ်။

ဒီ Vincent’s Choice နေကြာပင်လေးတွေဟာ တစ်ရာသီခံပင်အမျိုးအစားဖြစ်ပြီး အပင်အရပ်မြင့်တဲ့အထဲ ပါဝင်ပါတယ်။ တစ်ရာသီခံအပင်ဖြစ်လို့ ကြီးထွားနှုန်းလည်းမြန်ပါတယ်။ ပန်းတစ်ပွင့်ချင်းစီဟာဆိုရင် ၁၂ လက်မလောက် အကျယ်ရှိပြီး နေကြာမျိုးရင်းဖြစ်တာကြောင့် နေကိုလည်း အရမ်းကြိုက်ပါတယ်။ သူ့ရဲ့ ပန်းပွင့်လေးတွေက နေထွက်တဲ့ဘက်ကို မျက်နှာမူပြီး နေလုံးသွားရာနောက် တောက်လျှောက်လိုက်တတ်ပါတယ်။ သူတို့ဟာ စိုက်ပြီး ၅၅ ရက်လောက်ကနေစကာ ပန်းပွင့်လေးတွေ ပွင့်တတ်ကြပါတယ်။ သူတို့စပွင့်ပြီဆိုတာနဲ့ ပန်းပွင့်တွေက မရပ်မနား ဆက်တိုက်ပွင့်နိုင်ကြပါတယ်။

စိုက်ပျိုးရာသီ

အဓိကကတော့ ပူနွေးတဲ့ရာသီဥတုမှာ စိုက်နိုင်ပါတယ်။ အများစုကတော့ ဧပရယ်မှ ဂျူလိုင်လလယ်အတွင်း စိုက်ကြပါတယ်။ တစ်ချို့ဒေသတွေမှာတော့ မတ်လလယ် ဒါမှမဟုတ် ဧပရယ်လအစပိုင်းလောက်မှာ စိုက်ပျိုးကြပါတယ်။

စိုက်ပျိုးမည့်နေရာရွေးချယ်ခြင်းနှင့် ပြင်ဆင်ခြင်း

• နေကြာမျိုးရင်းဖြစ်တဲ့အတွက် သူ့ကို နေရောင်ခြည်ကောင်းကောင်းရတဲ့နေရာမှာ စိုက်ပေးဖို့ လိုအပ်ပါတယ်။ တစ်နေ့တာနေရောင်ခြည် ၆ နာရီမှ ၈ နာရီကြာရရှိနိုင်မယ့် နေရာမျိုးဖြစ်ဖို့ လိုအပ်ပါတယ်။

• ရေစီးဆင်းမှုကောင်းပြီး ရေသွင်းရေထုတ်လုပ်လို့ကောင်းတဲ့ မြေမျိုးဖြစ်ဖို့ လိုအပ်ပါတယ်။ အထူးသဖြင့် မိုးရွာပြီးတဲ့အခါ ရေအိုင်မကျန်ခဲ့တဲ့ မြေမျိုးဖြစ်ရပါမယ်။

• ဒီအပင်တွေက မြေသိပ်မရွေးပါဘူး။ ဒါပေမယ့် အရမ်းမသိပ်သည်းတဲ့ မြေမျိုးဖြစ်ဖို့တော့ လိုအပ်ပါတယ်။ ဘာလို့ဆို သူ့ရဲ့အမြစ်တွေက ရှည်လျားပြီး မြေအောက်ကို နက်နက်ဆင်းတတ်ပါတယ်။

• ဒါ့ကြောင့် မြေပြင်တဲ့အခါမှာ အနက် ၂ ပေ တူးပေးဖို့ လိုအပ်ပါတယ်။

• သူက မြေချဉ်တာကို မကြိုက်ပေမယ့် နည်းနည်းချဉ်တာကိုတော့ လက်ခံနိုင်ပါတယ်။ အကြိုက်ဆုံးအနေထားကတော့ pH 6-7.5 လောက်ပဲ ဖြစ်ပါတယ်။ သူကချဉ်တာထက်စာရင် ငန်တဲ့ဘက်ကို ပိုကြိုက်ပါတယ်။

• သူ့ကို စိုက်မယ်ဆိုရင် မြေဆီဩဇာများများထည့်ထားပေးဖို့ လိုအပ်ပါတယ်။ ဒါ့ကြောင့် မြေပြင်တဲ့အခါမှာ တူးထားတဲ့ မြေကြီးထဲကို မြေဆွေးတွေ မြေဩဇာတွေရောပြီးထည့်ထားဖို့ လိုအပ်ပါတယ်။

• နောက်တစ်ချက်က သူတို့ကို စိုက်တော့မယ်ဆိုရင် လေကွယ်တဲ့နေရာဖြစ်ဖို့ လိုအပ်ပါတယ်။ ခြံစည်းရိုးတွေ ဒါမှမဟုတ် အဆောက်အအုံတစ်ခုခုနားတွေကပ်စိုက်ရင်တော့ ပိုအဆင်ပြေပါတယ်။ ဘာလို့ဆို သူတို့က လေပြင်းဒဏ်ကို မခံနိုင်လို့ပါ။

စိုက်ပျိုးခြင်း

• သူ့ကို စိုက်မယ်ဆိုရင်တော့ ပြင်ပြီးသားမြေကို လက်နဲ့ အနက် ၁ လက်မကနေ ၁ လက်မခွဲလောက် ထိုးလိုက်ပြီး အစေ့ကို ထည့်စိုက်နိုင်ပါတယ်။ တစ်စေ့နဲ့ တစ်စေ့ကိုတော့ ၆ လက်မခြားပြီး စိုက်နိုင်ပါတယ်။

• တစ်ကျင်းမှာဆိုရင် နှစ်စေ့ သုံးစေ့ ထည့်စိုက်နိုင်ပြီး အပင်အမြင့် ၆ လက်မလောက်ရောက်လာတဲ့အချိန်မှာတော့ အသန်ဆုံးအပင်ကိုချန်ပြီး ကျန်တဲ့အပင်တွေကို မှုန်းပေးနိုင်ပါတယ်။

• မိမိစိုက်တဲ့ မျိုးပေါ်မူတည်ပြီး တစ်တန်းနဲ့ တစ်တန်းကြားကို ၃၀ လက်မလောက် ခြားပေးနိုင်ပါတယ်။ တစ်ချို့မျိုးတွေက ကိုင်းတွေဖြာတတ်တာကြောင့် ပင်ကြားတန်းကြား ကျယ်ကျယ်ထားပေးဖို့ လိုအပ်ပါတယ်။ ပုံမှန်အားဖြင့် ပင်ကြားအနေနဲ့ ၆ လက်မစီ ထားပေးနိုင်ပါတယ်။

• ပြီးတော့ စိုက်ချိန်မှာ မြေဩဇာနည်းနည်းထည့်ပေးထားတာက အပင်တွေကို ပိုပြီးကြံ့ခိုင်သန်မာစေပါတယ်။

• သတိထားရမယ့် အချက်က မျိုးစေ့တွေကို ငှက်တွေချီနိုင်တာကြောင့် အပင်မပေါက်ခင်အထိ အပေါ်ကနေ ပိုက်ကွန်အုပ်ထားဖို့ လိုပါတယ်။

အပင်ပြုစုခြင်း

• အပင်ငယ်စဉ်မှာ အမြစ်ဇုန်ထိရောက်နိုင်အောင် ရေလောင်းပေးရပါမယ်။ အဲ့ဒီအရွယ်မှာဆိုရင် အမြစ်က ၃ လက်မကနေ ၄ လက်မအနက်လောက် ရောက်နိုင်ပါတယ်။

• အပင်ငယ်တုန်းမှာ ခရုနဲ့ ပက်ကျိအန္တရာယ်ကိုလည်း ကာကွယ်ဖို့လိုအပ်ပါတယ်။ ဒါကြောင့် ပင်စည်ပတ်ပတ်လည်မှာ မျှားစာချတာမျိုး လုပ်သင့်ပါတယ်။

• အပင်ကြီးထွားလာပြီဆိုရင်တော့ ရေကို အကြိမ်ကြိမ်လောင်းဖို့ မလိုအပ်တော့ပါဘူး။ ဒါပေမယ့် ရာသီဥတုပေါ်မူတည်ပြီး တစ်ပတ်မှာ တစ်ကြိမ်လောက်တော့ လောင်းပေးရပါမယ်။ လောင်းတဲ့အခါမှာလည်း ရေဂါလံနဲ့ချီပြီး ရွှဲရွှဲလောင်းပေးဖို့ လိုအပ်ပါတယ်။ ဘာလို့ဆို သူ့ရဲ့အမြစ်က တော်တော်လေးနက်နက်ထိ ဆင်းနိုင်လို့ပါ။

• အပင်ပိုကောင်းစေချင်ဇောနဲ့ မြေဩဇာအများကြီးကျွေးဖို့ မလိုအပ်ပါဘူး။ အဲ့လိုအများကြီးကျွေးတာက အူကွဲ(ပင်စည်ကွဲ)စေတတ်ပါတယ်။

• ပြီးတော့ ပင်စည်ခြေရင်းကပ်ပြီး မြေဩဇာပုံကျွေးတာမျိုး ရှောင်သင့်ပါတယ်။ ကျွေးမယ်ဆိုရင် ၁၈ လက်မလောက် ပင်ခြေကနေခွာပြီး ပတ်လည်လမ်းကြောင်းလေးလုပ်ကာ ကျွေးသင့်ပါတယ်။

• ဒီအပင်တွေက အပင်ရှည်မျိုးတွေဖြစ်တဲ့အတွက် ခဏတစ်ဖြုတ်လောက် ဝါးတိုင်တွေ ထောက်ထားပေးဖို့ လိုအပ်ပါတယ်။ ပင်စည်တွေ ပြန်ပြီးတောင့်တင်းလာပြီဆိုရင်တော့ ဝါးတိုင်တွေကို ဖြုတ်နိုင်ပါတယ်။

ဖျက်ပိုးနှင့် ရောဂါများ

• ဖျက်ပိုးတွေအနေနဲ့ဆိုရင်တော့ သိပ်ကျတာမရှိပါဘူး။ ဒါပေမယ့် တစ်ခါတစ်လေမှာ ခဲရောင်ဖလံသေးသေးလေးတွေတော့ ကျတတ်ပါတယ်။ သူတို့က ပန်းပွင့်ထဲမှာ ဝင်ပြီးဥကြပါတယ်။ ဆေးဖျန်းစရာမလိုတဲ့အတွက် အဲ့လိုအကောင်လေးတွေတွေ့ခဲ့ရင် အပင်ကနေကောက်ပြီး လွှတ်ပစ်လိုက်ပါ။ ဒါမှမဟုတ် ဖျက်ဆီးပစ်လိုက်ပါ။

• အခြားအဖျက်အနေနဲ့ ရှိတတ်တာကတော့ ငှက်တွေ၊ ရှဉ့်တွေနဲ့ သမင်တွေပဲဖြစ်ပါတယ်။ ငှက်တွေရှဉ့်တွေ အတွက်ကတော့ အပင်မပေါက်ခင်အထိ ပိုက်ကွန်စအုပ်ထားဖို့လိုမှာဖြစ်ပြီး သမင်တို့ ဆိတ်တို့ နွားတို့လိုသတ္တဝါတွေအတွက်တော့ ဝိုင်ယာကြိုးတွေတားပြီး ကာကွယ်နိုင်ပါတယ်။

• ရောဂါအနေနဲ့ကတော့ ဒေါင်းနီးမှိုရောဂါ၊ သံချေးရောဂါနဲ့ ဖားဥမှိုရောဂါတွေ ကျတတ်ပါတယ်။ မှိုရောဂါတွေ ဖြစ်တာကြောင့် ကျရောက်တာကိုသိတာနဲ့ ချက်ချင်း သက်ဆိုင်ရာမှိုသတ်ဆေးတစ်မျိုးမျိုးကို စနစ်တကျ ဖျန်းပေးဖို့ လိုအပ်ပါတယ်။

ရိတ်သိမ်ခြင်းနှင့် သိုလှောင်ခြင်း

• အိမ်တွင်းအလှဆင်ပန်းထိုးဖို့အတွက်ရည်ရွယ်ပြီး ဖြတ်မယ်ဆိုရင်တော့ ပင်စည်မကြီးကနေ ဖြတ်ရမှာဖြစ်ပါတယ်။ ဖြတ်တဲ့အခါမှာလည်း ပန်းဖူးလေးတွေဟာ မကြာခင်ပွင့်တော့မယ့်အနေအထားရှိရပါမယ်။

• ပန်းဖြတ်တဲ့အခါ မနက်ပိုင်းစောစောဖြတ်ပေးဖို့ လိုအပ်ပါတယ်။ ဘာလို့ဆို နေ့လည်ပိုင်းသာဖြတ်ခဲ့ရင် ပန်းပွင့်လေးတွေက ညှိုးသွားနိုင်လို့ပါ။

• ဖြတ်ပြီးသားပန်းပွင့်တွေကို ကိုင်တဲ့အခါမှာလည်း ညင်ညင်သာသာကိုင်ဖို့ အရေးကြီးပါတယ်။

• ပန်းပွင့်တွေကို ပုံမှန်အခန်းအပူချိန်အောက်မှာ ရေစိမ်ပေးထားမယ်ဆိုရင် အနည်းဆုံး တစ်ပတ်လောက်ခံပါတယ်။

• ပန်းပွင့်တွေရဲ့ ခေါင်းပိုင်းဟာ ဝိတ်များတာဖြစ်လို့ သူတို့ကို ဝိတ်မျှဖို့ဆိုရင် ရေထည့်စိမ်ထားရမယ့်ခွက်က မြင့်နေဖို့ လိုအပ်ပါတယ်။

• ပြီးရင်တော့ ရေကို နေ့တိုင်း ပုံမှန်လဲပေးရပါမယ်။ အဲ့ဒါမှသာ ပန်းပွင့်တွေက ရက်အတော်ကြာ လန်းနေနိုင်မှာ ဖြစ်ပါတယ်။

Reference

https://www.almanac.com/plant/sunflowers#:~:text=Sunflowers%20should%20be%20planted%201,varieties%20that%20will%20branch%20out.

https://www.gardenia.net/plant/helianthus-annuus

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

myat tthu

လွန်ခဲ့သော ၉ လ က

မျိုးစေ့ရရှိနိုင်မယ်ဆိုရင်လိုချင်ပါတယ်

Saw Chit

လွန်ခဲ့သော ၂ နှစ် က

စိုက်လျင်ရေစိမ်ရပါသလား အချိန်ဘယ်လောက်ပါလဲ

mmk

လွန်ခဲ့သော ၃ နှစ် က

မျိုးစေ့ကို ဘယ်မှာဝယ်လို့ရနိုင်လဲ

အမောင်လယ်သမား

လွန်ခဲ့သော ၄ နှစ် က

ကျေးဇူးတင်ပါတယ်

ဆက်စပ်ဆောင်းပါးများ

စိုက်ပျိုးနည်း

မောင်နီပြောတဲ့ ခရမ်းချဉ်စင်တင်နည်း

Htunn Winn Kyaw

စိုက်ပျိုးနည်း

အစေ့ထုတ်ပြောင်း အထွက်တိုးစေမည့် စိုက်ပျိုးနည်းပညာ

Soe Myint

စိုက်ပျိုးနည်း

ကိုယ့်ရဲ့ဝင်ငွေရသီးနှံ ပျက်ဆီးဆုံးရှုံးမှုနည်းအောင် ထောင်ချောက်သီးနှံ နှင့် ပိုးပြေးပင်တွေကို ဘယ်လို တွဲဖက်စိုက်ပျိုးကြမလဲ

Thein Soe Min

ဆက်စပ်မေးခွန်းများ

လေးစားရပါသော တောင်သူကြီးများခင်ဗျာ... ဖရဲစစိုက်မှာမို့ ဖရဲအထွက်ကောင်းတဲ့ စိုက်ပျိုးနည်းလမ်းဝေမျှပေးပါအုံး ခင်ဗျာ...တောင်သူကြီးများခကျန်းမာ ချမ်းသာကြပါစေ...ခင်ဗျာ။

U BHONE THWE HTAN • ဖြေကြားချက် 1 ခု

ပုံပါအတိုင်းဖြစ်ပြီး သေနေလို့ပါဗျ ဆေးလဲတစ်ခါမှ မဖျန်းရသေးတော့ ဆေးဖျန်းချင်ပါတယ် ပိုးသတ်ဆေးနဲ့ မှိုဆေးလေးညွှန်းပါ အကြံပေးပါဗျ

Aung Zay • ဖြေကြားချက် 4 ခု

ဆရာတို့ခင်ဗျ ဘူး ခဝဲ ရုံးပတီတီတို့မှာဒေါင်းနီးမှိုကာကွယ်ဆေးကိုဘယ်အချိန်မှာသုံးရမှာလဲခင်ဗျ ဘယ်ဆေးကိုသုံးရမှာလဲခင်ဗျ အလင်းပြပေးပါ🙏

မောင်ကျော်ခိုင် • ဖြေကြားချက် 1 ခု

ဒီနှစ် ကြက်သွန်နီစိုက်ခင်းကို အပင်အဟာရအတွက် ဂျီဗာမရူသမ်နဲ့ ဓာတ်မြေဩဇာတွဲ လှေးပိုးအတွက် သဘာဝပိုးသတ်ဆေးများ အထူးသဖြင့် နွားသေး+မီးခိုးပေါင်းခံရည် မှိုရောဂါအတွက် ထရိုင်ကိုဒါးမားနဲ့ ထုံးကန့်ဆေးရည်(ထုံးကန့်ဆေးက ဒေါင်းနီးနဲ့ တောက်တဲ့မြှီးကို ကောင်းကောင်းနိုင်လား ဒီမှိုရောဂါကို မနိုင်မှာ စိုးလို့ပါ ဒါကို အဓိက သိပါရစေဆရာ ပြီးတော့ ထုံးကန့်ဆေးက ဆေးယဥ်ပါးမှုဖြစ်တက်ပါသလား) ပေါင်းပင်အတွက်တော့ ပေါင်းသတ်ဆေး သုံးဖြစ်မယ်ထငိပါတယ်

Khing Hein • ဖြေကြားချက် 2 ခု

မတ်ပဲ ပွင့်ထွေးပိုးအရမ်းဆိုးနေလို့ အကိုင်းထဲတောင်ဝင်နေတယ် ဘာဆေးဖျန်းရမလဲ အပွင့်ကလှိုင်လှိုင်မပွင့်သေးဘူး ၅၀ရက်သားပါ ဆေးကောင်းတွေသုံးရမလား အပွင့်လှိုင်မှဆေးကောင်းသုံးရမလား ဆေးဆိုင်ကအပွင့်မလှိုင်သေးရင်ပေးစားလိုက်တဲ့ အပွင့်လှိုင်မှဖျန်းတဲ့ ဘာဆေးဖျန်းရမလဲ

Saw Samson • ဖြေကြားချက် 3 ခု

Greenovator

ကြော်ငြာ

ပြင်းထန်တဲ့ရာသီဥတု စူပါအယ်နီညိုနဲ့ပတ်သက်ပြီး ပညာပေးဆောင်းပါးတွေ အမေးအဖြေကို လေ့လာပြီး ရာသီဥတုနဲ့လိုက်လျောညီထွေတဲ့ စိုက်ပျိုးရေးစနစ်ကို အတူကျင့်သုံးကြရအောင်...

လေ့လာရန်

နောက်ဆုံး ဆောင်းပါးများ

ပတ်ဝန်းကျင်ဆိုင်ရာ သိပ္ပံပညာ (အပိုင်း-၆)

10/11/2026

နိုဝင်ဘာ ၉ မှ ၁၅ ရက်အတွင်း မြန်မာနိုင်ငံကို ခြိမ်းခြောက်နိုင်သည့် မုန်တိုင်းဖြစ်ပေါ်နိုင်ခြေ လုံးဝမရှိ

09/11/2026

အပင်ရဲ့ အစာချက်လုပ်မှုကို ထိခိုက်စေတဲ့ သရက်ခေါင်ညွန့်စားပိုး(သို့) သရက်ရွက်အိမ်ဖွဲ့ပိုး

09/11/2026

တစ်ပတ်စာ ဈေးကွက်သုံးသပ်ချက် (2-6.11.2026)

06/11/2026

စစ်ကိုင်းတိုင်း၊ ကချင်ပြည်နယ်နှင့် ရှမ်းပြည်နယ် (မြောက်ပိုင်း) ဒေသများအတွက် မိုးလေဝသခန့်မှန်းချက် (နိုဝင်ဘာ ၅ -၁၁အထိ)

06/11/2026

More from မဆုမြတ်ခင်

အားလုံး

ဝဥကနေ အလွယ်တကူပြုလုပ်နိုင်တဲ့ ခေါက်ဆွဲလုပ်နည်း

16/12/2020

မွှားပင့်ကူနီကျရင် ဘယ်လိုကိုင်တွယ် ဖြေရှင်းမလဲ။

19/11/2020

ကြက်ဟင်းခါးသီးတွင် အဖြစ်အများဆုံးသော ရောဂါများ

17/11/2020

မုန့်ဖုတ်ဆိုဒါကို ဖျက်ပိုးတွေနှိမ်နင်းဖို့ သုံးကြည့်ကြမယ်

19/10/2020

စျေးကောင်းရတဲ့ သစ်မွှေးပင်တစ်ပင်ရရှိဖို့ အစေ့ကနေဘယ်လိုပျိုးမလဲ

30/09/2020

Farm Link Co.,Ltd

ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။