မြေဆွေးပြုလုပ်ရာတွင် အသုံးပြုသင့်၊ သတိထားသုံးသင့်၊ အသုံးမပြုသင့်သော ပစ္စည်းများ

Green Way • 21/08/2022

လက်ရှိအချိန်မှာ ဓာတ်မြေဩဇာဈေးနှုန်းတွေဟာ ကြောက်စရာကောင်းလောက်အောင် တက်နေတာမို့ စိုက်ပျိုးရေးလုပ်ကိုင်သူတွေဟာ စွန့်ပစ်ပစ္စည်းတွေကို အသုံးချပြီး သဘာဝမြေဩဇာတွေကို ကိုယ်တိုင်ပြုလုပ် သုံးစွဲကြဖို့ စိတ်ဝင်စားလာကြတာတွေ့ရပါတယ်။

ဒါပေမဲ့ စွန့်ပစ်ပစ္စည်းတိုင်းက သဘာဝမြေဩဇာလုပ်ဖို့သင့်နေတာတော့မဟုတ်ပါဘူး။ အသုံးပြုသင့်တာရှိသလို သတိထားသုံးသင့်တာ၊ အသုံးမပြုသင့်တာမျိုးတွေလည်း ရှိပါသေးတယ်။

အသုံးပြုသင့်သောပစ္စည်းများ

(၁) သီးနှံပင်အကြွင်းအကျန်များ (ကောက်ရိုး၊ ပြောင်းရိုး၊ စပါးခွံ စသည်)
(၂) တိရစ္ဆာန်စွန့်ပစ်ပစ္စည်းများ (နွားချေး၊ ကြက်ချေး၊ ဝက်ချေး၊ အမွေးအမှင်များ)
(၃) ကုန်စိမ်းဈေးမှ အမှိုက်များ (ဟင်းသီးဟင်းရွက် စွန့်ပစ်ပစ္စည်းများ)
(၄) သစ်ရွက်ခြောက်များ၊ ပေါင်းမြက်ခြောက်များ
(၅) စက်ရုံများမှ စွန့်ပစ်ပစ္စည်းများ (လွှစာမှုန့်၊ ကော်ဖီ၊ လက်ဖက်ခြောက်ကြိတ်ဖတ်)
(၆) အုန်းဆံဖတ်များ၊ ဆီအုန်းခိုင်များ
(၇) မီးဖိုချောင်စွန့်ပစ်ပစ္စည်းများ (ကြက်ဥခွံ၊ ပြာများ၊ သီးနှံအခွံများ၊ ဟင်းသီး/ရွက်များ)
(၈) ဗေဒါများ၊ ရေမှော်များ၊ ဒိုက်များ၊ ကျွန်းမျောအပျက်များ
(၉) သစ်ရွက်စိမ်းများ၊ ပေါင်းမြက်စိမ်းများ

သတိထားသုံးသင့်သောပစ္စည်းများ

(၁) အချို့သောလွှစာများ (ဥပမာ - ပျဉ်းကတိုးလွှစာ) (အချို့သော သစ်အမျိုးအစားများသည် အပင်ကိုအဆိပ်ဖြစ်စေသော ပစ္စည်းများ ထုတ်ပါသည်)
(၂) သား၊ ငါးနှင့် နို့ထွက်ပစ္စည်းစက်ရုံများမှ ပိုလျှံသော စွန့်ပစ်ပစ္စည်းများ (အာဟာရဓာတ်ပါဝင်မှုများသော်လည်း ကြွက်များ၊ ယင်များ ပေါများပြီး ဘေးဖြစ်စေနိုင်ပါသည်)
(၃) ပိုးသတ်ဆေး၊ မှိုသတ်ဆေး အသုံးများထားသော သီးနှံပင် အကြွင်းအကျန်များသည် အကျိုးပြုအဏုဇီဝများ၏ မြေဆွေးမှုဖြစ်စဉ်ကို နှောင့်နှေးစေပါသည်။
(၄) ကျောက်မီးသွေးပြာ (အများအပြားမသုံးသင့်ပါ)။ အပင်အတွက် အန္တရာယ်ရှိသော ပစ္စည်းများ ပါနိုင်ပါသည်။ အချို့မှာ အပင်အာဟာရဓာတ်များ လွန်ကဲနိုင်သည်။
(၅) ဓာတုဆေးများ ထည့်သွင်းထားသောကဒ် စက္ကူများ၊ ကတ္ထူစများ (ဓာတုဆေးဓာတ်ကြွင်းများ ပါလာနိုင်ပါသည်)

အသုံးမပြုသင့်သော ပစ္စည်းများ

(၁) ပလတ်စတစ်နှင့် ဓာတုပစ္စည်းပါသောအမှိုက်များ
(၂) ရောဂါနှင့်ပိုးမွှားကျနေသော သီးနှံပင်အကြွင်းအကျန်များ ( စိုက်ခင်းတွင် ရောဂါနှင့် ပိုးမွှားများ ပြန့်ပွားနိုင်ပါသည်)
(၃) လူ၏အညစ်အကြေးများ ( လူတို့အတွက် ရောဂါပိုး ပြန့်ပွားနိုင်ပါသည်)
(၄) သစ်ကြားသီးပင်အရွက်များ (အပင်အတွက် အန္တရာယ်ရှိသော ဓာတ်ပစ္စည်းများ ထွက်တတ်သည်)

( Food Security Working Group မှ ထုတ်သည့် ‘ အရည်အသွေးကောင်းသောမြေဆွေးများ ပြုလုပ်သုံးစွဲခြင်း’ စာအုပ်မှ ကောက်နုတ်ဖော်ပြခြင်းဖြစ်ပါသည်။)

(မြေဆွေးပြုလုပ်နည်းများနှင့်ပတ်သက်၍ အသေးစိတ် ပြည့်ပြည့်စုံစုံပါဝင်သော ‘ အရည်အသွေးကောင်းသောမြေဆွေးများ ပြုလုပ်သုံးစွဲခြင်း’ စာအုပ်ကို ဝယ်ယူလိုပါက အစိမ်းရောင်လမ်းရဲ့ ဈေးတန်းကြီးကဏ္ဍမှာရှိတဲ့ ဗွေဆော်ဦးစာအုပ်ဆိုင်မှာ အော်ဒါတင်နိုင်သလို page chat box မှာအမည်၊ နေရပ်လိပ်စာ၊ ဖုန်းနံပါတ်လေးပေးပြီး လာရောက်ဝယ်ယူနိုင်ပါတယ်ရှင့် )

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဆက်စပ်ဆောင်းပါးများ

အထွေထွေ

သမိုင်းအစဉ်အလာကြီးတဲ့ ငရုတ်သီး

Thu Ra Nyi Nyi

အထွေထွေ

မက်ဆီအမြဲလိုလို ပိုက်နဲ့စုပ်သောက်နေတာက ဘာလဲ?

Thein Soe Min

အထွေထွေ

ကျန်းမာပျော်ရွှင်ပါစေ.. အမေ

Green Way

ဆက်စပ်မေးခွန်းများ

ဧရာပဒေသာ၄ဧကစိုက်အစေ့ချစိုက်ခင်းပါ၃၀ရက်သားမှာ၁၆ပတ်လည်ဂျစ်ပ်ဆမ်၁အိတ်ပုလဲ၁အိတ် ၄၅ရက်သားမှာ၁၅ပတ်လည်၂အိတ် ၇၀ရက်သားမှာပိုတက်၁အိတ်ပုလဲ၁အိတ်ဂျစ်ပ်ဆမ်၁အိတ် (နောက်အပတ်၈၅ရက်သားမှာပုလဲ၁အိတ်ပိုတက်၁အိတ်ဂျစ်ပ်ဆမ်၂အိတ်ထပ်ကျွေးမှာပါ)နောက်ဆုံးအပတ်ဘယ်ရက်လောက်ထပ်ကျွေးသင့်လဲခဗျာဘာမြေသြဇာကျွေးသင့်ပါသလဲခဗျအပင်နိမ့်တဲ့နေရာက၂ပေခွဲအပင်မြင့်တဲ့နေရာက၃ပေလောက်တော့ရှိပါတယ်တယ်အကြံပေးပါအုန်းခဗျ

kyaw zin • ဖြေကြားချက် 1 ခု

မြေသြဇာ ၅၀ kg အိပ်မရရင် ရွတ်ဖြန်းမြေသြဇာလေးတွေသုံးပြီး စပါးရင့်မှဲ့သည်အထိ အသုံးပြုလို့ရပသလား ဘာကြောင့်ဆို မြေသြဇာတွေအဆမတင်စျေးကြီးနေလို့ ရွတ်ဖြန်းမြေသြဇာ NPK ပါတဲ့အိပ်လေးတွေအသုံးပြုချင်ပါတယ် အဆင်ပြေမလားခမျ

လိူင်စိုး • ဖြေကြားချက် 1 ခု

ကျနော်လယ်ကွက်တွေထဲမှာစပါးမစိုက်ရသေးဘူးရွှေခရုအကောင်ငယ်းများအားကြီးတွေ့ရတယ်ဘဲကြောင်းဖို့ဘဲကမရှိကောက်ဖို့လဲမဖြစ်နိုင်။ဘယ်ဆေးဝါးသုံးသင်သလဲဗျိ့။

U Win Zaw • ဖြေကြားချက် 5 ခု

ကုသလို့ ရနိုင်ပါအုံးမလားဗျ ဘာဖြစ်တာလဲ ဘယ်လိုကုသရမလဲ နားလည်သော ပညာရှင်များ အကြံပေးပါအုံး မိုးဆက်တိုက်ရွာလို့ ဖြစ်သွားတာပါ

ကိုကျော်ဇင်ဦး • ဖြေကြားချက် 4 ခု

ဆိတ်တွေ ချေးပန်းနေလို့ ဘယ်လိုကာကွယ်ရမလဲ ဆရာတို့ ကုညီပါအုန်း ခုမှ စိုက်ပျိုးရေးနဲ့ မွေးမြူရေး စပြီလုပ်တာဖြစ်လို့ မကျွမ်းကျင်လို့ပါ🙏🙏🙏

မောင်ပေါက်ကြီး • ဖြေကြားချက် 1 ခု

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

နောက်ဆုံး ဆောင်းပါးများ