တစ်ပတ်အတွင်း စိတ်ဝင်စားစရာ အမေးအဖြေများ

Green Way • 11/02/2023

စိတ်ဝင်စားစရာ အမေးအဖြေလေးတွေကို စုစည်းပြီးဖော်ပြပေးနေတဲ့ စနေနေ့လေးပါရှင့်။

ဒီတစ်ပတ်မေးခွန်းတွေကလည်း စိုက်ပျိုးရေးကိုလုပ်ကိုင်နေတဲ့ တောင်သူဦးကြီးတိုင်း သိသင့်တဲ့ အကြောင်းအရာလေးတွေကချည်းပါပဲနော်။

ပထမဦးဆုံးပြင်ဆင်ထားတဲ့ မေးခွန်းလေးက နွေရာသီမှာ ပဲယင်းနီစိုက်လို့ရလားတဲ့။ ဒါလေးက မေးခွန်းကောင်းလေးတစ်ခုပါ။ ဘာလို့လဲဆိုတော့ ကျွန်မတို့က သီးနှံတစ်ခုကို စိုက်ပျိုးတော့မယ်ဆို အဲ့သီးနှံက ရေ၊ မြေ၊ ရာသီဥတုနဲ့ ကိုက်ညီဖို့ အလွန်ရေးကြီးပါတယ်။ လူတွေလိုပေါ့။ လူတွေကလည်း ကိုယ်ဝါသနာပါပြီး စိတ်အားထက်သန်တဲ့ အလုပ်ကိုလုပ်နေရမှ အောင်မြင်နိုင်သလို သီးနှံတွေဆိုတာ လည်း သူတို့နှစ်သက်တဲ့ နေရာလေးကိုရမှ အထွက်နှုန်းတွေကောင်းနိုင်မှာပဲဖြစ်ပါတယ်။ ဒါကြောင့် ကျွန်မတို့တတွေက သူတို့လေးတွေ ဘာလေးကိုနှစ်သက်မယ် ကြိုက်မယ်ဆိုတာ စဉ်းစားဖို့လိုသလို သူတို့လေးတွေနှစ်သက်မဲ့ ပတ်ဝန်းကျင်ကို ဖန်တီးလို့ရရင် ဖန်တီးပေးထားရမှာပါပဲ ဖြစ်ပါတယ်။ ဒါကြောင့်ဦးကြီးတို့က သီးနှံလေးတွေစိုက်တော့မယ်ဆို ရာသီဥတုနဲ့ ကိုက်မကိုက်ကို တစ်ချက် ထည့်သွင်းစဉ်းစားကြပါဦးနော်။

၁။ မေး ( U Kyaw Thein Soe) - နွေရာသီမှာ ပဲယင်းနီကိုစိုက်လို့ အဆင်ပြေလောက်လား ခင်ဗျ။

ဖြေ ( ဒို့ဦးလေး) – မိုးနှောင်းစိုက်တာ ပိုအဆင်ပြေမယ်။ နွေရာသီ အဆင်မပြေလောက်ပါဘူး၊ စမ်းသပ်ရုံသာ စိုက်စေချင်ပါတယ်။

(ဦးသက်လွင်) - ပဲယင်းနီသည် ရာသီလိုက်သော သီးနှံဖြစ်၍ဆောင်းသီးနှံအတွက်ပင်လျှင် အောက်တိုဘာလ နောက်ပိုင်းစိုက်၍ မသင့်ပါ။ နွေရာသီတွင် လုံးဝ(လုံးဝ) စိုက်၍မရပါ။

နံပါတ် (၂) မေးခွန်းကလည်း နံပါတ် (၁) နဲ့ဆက်စပ်နေတဲ့မေးခွန်းလေးပဲဖြစ်ပါတယ်။ ခရမ်းချဉ်ကို ဘယ်အချိန်စိုက်မလဲပေါ့။ ကျွန်မကတောာ့ လွယ်လွယ်ပဲ မှတ်ထားလိုက်တယ်။ အပင်လေးတွေစိုက်မယ်ဆို နေအေးတဲ့အချိန် (နေအပူချိန်မရှိတဲ့အချိန်) ဆိုပြီး။ လူတွေနဲ့ပဲ ဥပမာပေးရမှာပဲ ...ကျွန်မတို့တောင် နေပူရင်အလုပ်မလုပ်ချင်ဘူးလေ။ သူတို့လည်း ဒီလိုပဲ။ ရွှေ့ပြောင်းစိုက်မှာဆို ပိုဆိုးတာပေါ့။ Shock ရသွားနိုင်တဲ့အကြောင်းအရာတွေက အများကြီးရှိရကြားထဲ နေအပူချိန်နဲ့ဆို ဘယ်ခံနိုင်ပါလိမ့်။

၂။ မေး (အောင်မျိုး) - ခရမ်းချဉ်ကိုမနက်စိုက်တာနဲ့ ညနေစိုက်တာဘယ်ဟာက ပိုကောင်းလဲဗျအခုစိုက်မလို့ပါ။

ဖြေ (ဒို့ဦးလေး) - ပျိုးထုပ်စိုက်ရင် မနက်ရော ညနေရော စိုက်လို့ရပါတယ်။ ပျိုးပင်စိုက်ရင်တော့...ညနေ နေညိုချိန် စိုက်တာကောင်းပါတယ်။

(ဦးကိုမင်း) - ပျိုးထုပ်စိုက်ရင် ဒို့ဦးလေး ပြောသလို စိုက်ပါ မစိုက်ခင် ပျိုးအိတ်ကို ရေနူးအိ နေအောင်လောင်းပါ စိုက်ရေဝေးသည့် ဒဏ်ခံနိုင်ပါသည်။ စိုက်ခင်းမကျယ်ရင် ညနေစိုက်တာ နေပူဒဏ်မမိခြင်းကြောင့် အပင်ဆုံးရှုံးမှုနည်းပါသည်။

နောက်ဆုံး မေးခွန်းလေးက အခုရာသီချိန်နဲ့ ကိုက်လို့ ရွေးချယ်ထားဖြစ်တာလေးပါ။ မကြာခင် ပဲတွေရိတ်သိမ်းကြတော့မယ်။ မျိုးယူမဲ့ သူတွေလည်း ယူကြမှာဆိုတော့ အစိုဓာတ်ကို ဘယ်လောက်ရာခိုင်နှုန်းအထိ ထားသင့်လဲဆိုတာ သိရှိစေဖို့အတွက်ရွေးပေးလိုက်ရှင့်။

၃။ မေး (Kyaw Kyaw Oo) - ပဲမျိုးစုံ မျိုးယူရာတွင် အစိုဓာတ်% ရာခိုင်နှုန်း ဘယ်လောက်ထိ ခြောက်အောင် နေလှမ်း ရလဲဗျ..တောင်သူအများစု ဘယ်လိုမျိုးယူကြလဲဗျ..ကျေးဇူးပါ။

ဖြေ (ဦးသက်လွင်) - ပဲမျိုးအတွက် အစိုဓာတ် ရာခိုင်နှုန်း 10 အောက် အခြောက်လှမ်းပြီး အိတ်၊ ပေပါ၊ ပုတ် တို့အား လေလုံအောင် ပိတ်၍ မျိုးအဖြစ် ထားကြပါတယ်။

အခုလိုမျိုး မေးခွန်းလေးတွေမေးချင်တယ်၊ ဆရာတွေတိုင်ပင်ဆွေးနွေးချင်တယ်ဆို အစိမ်းရောင်လမ်းရဲ့ အမေးအဖြေကဏ္ဍမှာ အားမနာစတမ်း ပို့စ်တင်မေးနိုင်ပါတယ်ရှင့်

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

စိုးမင်းထက်

လွန်ခဲ့သော ၃ နှစ် က

မြစ်ကြီးနားဘတ်မှာ ပဲတောင့်ရှည်စိုက်ချင်လို့ ဘယ်လမှာစိုက်ရမလဲဗျ

ဆက်စပ်ဆောင်းပါးများ

အထွေထွေ

သမိုင်းအစဉ်အလာကြီးတဲ့ ငရုတ်သီး

Thu Ra Nyi Nyi

အထွေထွေ

မက်ဆီအမြဲလိုလို ပိုက်နဲ့စုပ်သောက်နေတာက ဘာလဲ?

Thein Soe Min

အထွေထွေ

ကျန်းမာပျော်ရွှင်ပါစေ.. အမေ

Green Way

ဆက်စပ်မေးခွန်းများ

ဧရာပဒေသာ၄ဧကစိုက်အစေ့ချစိုက်ခင်းပါ၃၀ရက်သားမှာ၁၆ပတ်လည်ဂျစ်ပ်ဆမ်၁အိတ်ပုလဲ၁အိတ် ၄၅ရက်သားမှာ၁၅ပတ်လည်၂အိတ် ၇၀ရက်သားမှာပိုတက်၁အိတ်ပုလဲ၁အိတ်ဂျစ်ပ်ဆမ်၁အိတ် (နောက်အပတ်၈၅ရက်သားမှာပုလဲ၁အိတ်ပိုတက်၁အိတ်ဂျစ်ပ်ဆမ်၂အိတ်ထပ်ကျွေးမှာပါ)နောက်ဆုံးအပတ်ဘယ်ရက်လောက်ထပ်ကျွေးသင့်လဲခဗျာဘာမြေသြဇာကျွေးသင့်ပါသလဲခဗျအပင်နိမ့်တဲ့နေရာက၂ပေခွဲအပင်မြင့်တဲ့နေရာက၃ပေလောက်တော့ရှိပါတယ်တယ်အကြံပေးပါအုန်းခဗျ

kyaw zin • ဖြေကြားချက် 1 ခု

မြေသြဇာ ၅၀ kg အိပ်မရရင် ရွတ်ဖြန်းမြေသြဇာလေးတွေသုံးပြီး စပါးရင့်မှဲ့သည်အထိ အသုံးပြုလို့ရပသလား ဘာကြောင့်ဆို မြေသြဇာတွေအဆမတင်စျေးကြီးနေလို့ ရွတ်ဖြန်းမြေသြဇာ NPK ပါတဲ့အိပ်လေးတွေအသုံးပြုချင်ပါတယ် အဆင်ပြေမလားခမျ

လိူင်စိုး • ဖြေကြားချက် 1 ခု

ကျနော်လယ်ကွက်တွေထဲမှာစပါးမစိုက်ရသေးဘူးရွှေခရုအကောင်ငယ်းများအားကြီးတွေ့ရတယ်ဘဲကြောင်းဖို့ဘဲကမရှိကောက်ဖို့လဲမဖြစ်နိုင်။ဘယ်ဆေးဝါးသုံးသင်သလဲဗျိ့။

U Win Zaw • ဖြေကြားချက် 3 ခု

ကုသလို့ ရနိုင်ပါအုံးမလားဗျ ဘာဖြစ်တာလဲ ဘယ်လိုကုသရမလဲ နားလည်သော ပညာရှင်များ အကြံပေးပါအုံး မိုးဆက်တိုက်ရွာလို့ ဖြစ်သွားတာပါ

ကိုကျော်ဇင်ဦး • ဖြေကြားချက် 4 ခု

ဆိတ်တွေ ချေးပန်းနေလို့ ဘယ်လိုကာကွယ်ရမလဲ ဆရာတို့ ကုညီပါအုန်း ခုမှ စိုက်ပျိုးရေးနဲ့ မွေးမြူရေး စပြီလုပ်တာဖြစ်လို့ မကျွမ်းကျင်လို့ပါ🙏🙏🙏

မောင်ပေါက်ကြီး • ဖြေကြားချက် 1 ခု

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

နောက်ဆုံး ဆောင်းပါးများ