နောက်ဆုံး ဆောင်းပါးများ စိုက်ပျိုးရေး မွေးမြူရေး ရေလုပ်ငန်း အထွေထွေ ဗဟုသုတ သတင်း နည်းပညာမိတ်ဖက်အဖွဲ့များ

အားလုံးကြည့်ရန် သစ်တောပုံတူ စိုက်ခင်းတည်ထောင်ခြင်း 21 ဂေဟစနစ် 61 အာဟာရနှင့် ကျန်းမာရေး 546 ပတ်ဝန်းကျင်ဆိုင်ရာ 139 အတွေးအမြင်ဆောင်းပါး 579 စိုက်ပျိုးရေး ဥပဒေများ 11 မွေးမြူရေး ဆောင်းပါးများ 263 ငွေကြေးစီမံခန့်ခွဲမှု 40 ကုန်သွယ်သုတ 8 အထွေထွေ 588

မင်းဂွတ်သီးရဲ့ကျန်းမာရေးကောင်းကျိုး (၁၁) ချက် အပိုင်း(၂)

Green Way • 20/05/2022

အပိုင်း(၁) မှာတုန်းကတော့ မင်းဂွတ်သီးရဲ့ ကျန်းမာရေးကောင်းကျိုးတွေထဲက -

(၁) အာဟာရဓာတ်မြင့်မားခြင်း

(၂) အားကောင်းသောဓာတ်တိုးဆန့်ကျင်ပစ္စည်းများ ကြွယ်ဝခြင်း

(၃) ရောင်ရမ်းမှုကို တိုက်ဖျက်ပေးခြင်း

(၄) ကင်ဆာဖြစ်စေမှုကို တိုက်ဖျက်ပေးခြင်း

ဆိုတဲ့အချက်တွေကို ဖော်ပြပေးခဲ့ပြီးပါပြီ။ မဖတ်ရသေးရင် အောက်ကလင့်မှာ ဖတ်ရှုနိုင်ပါတယ်။

https://greenwaymyanmar.com/posts/benefit_of_mangosteen_for_health

အခုအပိုင်း(၂) မှာတော့ ကျန်ရှိတဲ့ ကောင်းကျိုး (၇) ချက်ကို ဆက်လက်ဖော်ပြပေးသွားပါ့မယ်။

(၅) ဝိတ်လျှော့ချပေးနိုင်ခြင်း

မင်းဂွတ်သီးစားရင် ဝိတ်ကျစေတယ်ဆိုတာက သူ့ရဲ့အကြီးမားဆုံးအားသာချက်တွေထဲက တစ်ခုပါပဲ။

လေ့လာမှုတစ်ခုအရ အဆီများတဲ့အစားအစာတွေကျွေးထားတဲ့ ကြွက်အုပ်စုတွေထဲမှာ မင်းဂွတ်သီးကို ဖြည့်စွက်စာအဖြစ် အကျွေးခံထားရတဲ့ကြွက်တွေက သိသိသာသာကြီးကို ဝိတ် လျော့နေတာတွေ့ရပါတယ်တဲ့။

အလားတူ လူတွေနဲ့စမ်းသပ်ရာမှာလည်း မင်းဂွတ်သီးဖျော်ရည် ၉၀ မီလီလီတာ၊ ၁၈၀ မီလီလီတာ (သို့) ၂၇၀ မီလီလီတာ စသဖြင့် တစ်နေ့ ၂ ကြိမ်သောက်တဲ့သူတွေဟာ တခြားပုံမှန်သူတွေထက် ကိုယ်အလေးချိန်လျော့ကျနေတာကို တွေ့ရပါတယ်တဲ့။

မင်းဂွတ်သီးနဲ့ အဝလွန်ခြင်းနဲ့ပတ်သက်လို့ နောက်ထပ် သုတေသနစမ်းသပ်မှုတွေ နည်းပါး နေတယ်ဆိုပေမယ့် ပညာရှင်တွေကတော့ မင်းဂွတ်သီးမှာပါတဲ့ ရောင်ရမ်းမှုကိုသက်သာစေ တဲ့ဓာတ်ဟာ အဆီတွေပြိုကွဲမှုကို အားပေးပြီး ဝိတ်တက်မှုကို ထိန်းပေးတယ်လို့ ဆိုကြပါ တယ်။

ထိရောက်မှုရှိတဲ့ ဝိတ်ချခြင်းအစီအစဉ်တွေမှာ မင်းဂွတ်သီးကို ဘယ်လိုထည့်သွင်းအသုံးချသင့်တယ်ဆိုတာကိုသိဖို့တော့ ပိုကောင်းတဲ့ လေ့လာမှုတွေ လိုအပ်နေပါသေးတယ်။

(၆) သွေးတွင်းသကြားဓာတ်ထိန်းနိုင်မှုကို အကူအညီဖြစ်စေခြင်း

အပိုင်း(၁) မှာရှင်းပြခဲ့တဲ့ မင်းဂွတ်သီးမှာပါနေတဲ့ Xanthone ဒြပ်ပေါင်းတွေဟာ ကျန်းမာရေးနဲ့ညီတဲ့ သွေးတွင်းသကြားဓာတ်ပမာဏ ကို ထိန်းပေးရာမှာလည်း ကူညီပေးပါတယ်တဲ့..။

စမ်းသပ်ချက်တခုမှာတွေ့ရှိရတာကတော့ အဝလွန်တဲ့ အမျိုးသမီးတွေကို စမ်းသပ်ရာမှာ မင်းဂွတ်သီး တစ်ရက် ၄၀၀ မီလီဂရမ် စားသုံးပေးတဲ့ အမျိုးသမီးတွေဟာ ဆီးချို ရောဂါသမားတွေကို အန္တရာယ်ရှိအခြေအနေဖြစ်စေတဲ့ အင်ဆူလင်မတိုးတော့တဲ့အခြေအနေ ဖြစ်နိုင်မှုကို တခြားပုံမှန်အမျိုးသမီးတွေထက် သိသိသာသာ လျော့ကျနေတာတွေ့ရပါတယ်တဲ့။

ဒါ့အပြင် မင်းဂွတ်သီးရဲ့အမျှင်ဓာတ်ကြွယ်ဝမှုကလည်း သွေးတွင်းသကြားဓာတ်ထိန်းနိုင်မှုနဲ့ ဆီးချိုထိန်းချုပ်မှုကို အားပေးရာမှာ အထောက်အကူဖြစ်စေပါတယ်။

(၇) ကိုယ်ခံအားစနစ်ကို တိုးတက်စေခြင်း

မင်းဂွတ်သီးမှာတွေ့ရတဲ့ အမျှင်ဓာတ်နဲ့ ဗီတာမင်စီ နှစ်ခုလုံးဟာ လူ့ကျန်းမာရေးခုခံအားစနစ်အတွက် အရေးကြီးတာတွေချည်းပါပဲ။

အမျှင်ဓာတ်တွေက ခုခံအားစနစ်အတွက် မရှိမဖြစ်ဖြစ်တဲ့ အူထဲက အစာခြေဘက်တီးရီးယားတွေကို အကူအညီဖြစ်စေသလို ဗီတာမင်စီကလည်း ခုခံအားဆဲလ်အမျိုးမျိုးအတွက် လိုအပ်ပြီး အင်တီအောက်ဆီးဒင့်ဂုဏ်သတ္တိတွေရှိတဲ့ ဗီတာမင်တစ်မျိုးပါ။

သုတေသနတစ်ချို့ကတော့ မင်းဂွတ်သီးမှာပါတဲ့ တချို့အပင်ဒြပ်ပေါင်းတွေဟာ မကောင်းတဲ့ ဘက်တီးရီးယားပိုးတွေကို ဆန့်ကျင်နိုင်တဲ့ဂုဏ်သတ္တိရှိတယ်လို့ ဆိုပါတယ်။ ဒါဟာလည်း ခုခံအားစနစ်အတွက် အကျိုးပြုစေတဲ့အချက်ပါပဲ။

(၈) အရေပြားကျန်းမာရေးကို အထောက်အကူဖြစ်စေခြင်း

နေရောင်ခြည်နဲ့တိုက်ရိုက်ထိတွေ့ခြင်းဟာ အရေပြားကင်ဆာနဲ့ အရေတွန့်ခြင်းတွေကို ဖြစ်စေတတ်ပါတယ်။

ဒါပေမဲ့ ကြွက်တွေနဲ့ သုတေသနလုပ်ကြည့်ရာမှာတော့ မင်းဂွတ်သီးအဆီအနှစ်တွေကို ဖြည့်စွက်စာအဖြစ် စားရတဲ့ကြွက်တွေဟာ အရေပြားကို ခရမ်းလွန်ရောင်ခြည် အကျိုးသက်ရောက်မှုကို ကာကွယ်နိုင်တာ တွေ့ရပါတယ်တဲ့။

အလားတူ လူတွေနဲ့ သုံးလကြာစမ်းသပ်မှုတစ်ခုလုပ်ရာမှာလည်း နေ့စဉ် မင်းဂွတ်သီးအဆီအနှစ် ၁၀၀ မီလီဂရမ်စားသုံးတဲ့သူတွေဟာ ပါးရေ နားရေတွန့်ခြင်းတွေကနေ သိသိ သာသာ လျော့ကျစေတာတွေ့ရပါတယ်တဲ့။

ထုံးစံအတိုင်း သုတေသနစမ်းသပ်ချက်တွေတော့ ပိုလိုအပ်နေသေးတာပေါ့လေ။

တခြားမင်းဂွတ်သီးရဲ့ ကျန်းမာရေးအတွက် ကောင်းတဲ့ဟာတွေကတော့..

(၉) နှလုံးကျန်းမာရေး - မင်းဂွတ်သီးဟာ နှလုံးရောဂါဖြစ်စေတဲ့ မကောင်းတဲ့ကိုလက်စရော (LDL) တွေနဲ့ Triglycerides တွေလို့ခေါ်တဲ့ သွေးတွင်းအဆီတွေကို လျော့ကျစေပြီး ကောင်းတဲ့ ကိုလက်စရော (HDL) တွေကို တိုးစေပါတယ်တဲ့။

(၁၀) ဦးနှောက်ကျန်းမာရေး - ထုံးစံအတိုင်း ကြွက်တွေနဲ့စမ်းသပ်ကြည့်ရာမှာ မင်းဂွတ်သီးအဆီအနှစ်ဓာတ်တွေက စိတ်ဓာတ်ကျမှု ၊ သွေးဆူစေမှု (ဦးနှောက်ရောင်ရမ်းခြင်း) တွေကို လျော့ကျစေတဲ့အစွမ်းရှိတာ တွေ့ရပါတယ်တဲ့..။ လူတွေနဲ့ သုတေသန ပြုကြည့်တာမျိုးတော့မရှိသေးပါဘူး။

(၁၁) အစာခြေစနစ်ကျန်းမာရေး - ဆိုခဲ့တဲ့အတိုင်း မင်းဂွတ်သီးမှာ အမျှင်ဓာတ်တွေပါလို့ အစာခြေစနစ်ကို အထောက်အကူဖြစ်စေပြီး အူသိမ်အူမတွေရဲ့ ပုံမှန်လုပ်ငန်းစဉ်ကို အကူ အညီပေးနိုင်ပါတယ်။

ကဲ..မင်းဂွတ်သီးတွေရဲ့ကျန်းမာရေးကောင်းကျိုးတွေကို သိကြပြီဟုတ်။ တချို့အချက်တွေမှာတော့ လူတွေနဲ့ မစမ်းရသေးလို့ ဝိဝါဒကွဲပြားနိုင်စရာတွေတော့ ရှိပါတယ်။

မင်းဂွတ်သီးကို ဖျော်ရည်အဖြစ်သောက်သုံးနိုင်သလို ဖြည့်စွက်စာအမှုန့်တွေအဖြစ်လည်း တွေ့နိုင်ပါတယ်။

ဘာပဲဖြစ်ဖြစ် ဒီအချိန် ကိုယ်တွေဆီမှာတော့ မင်းဂွတ်သီးတွေ ပေါနေတဲ့အချိန်ဆိုတော့ အစာလည်းဆေး၊ ဆေးလည်းအစာ ဆိုသလို လတ်လတ်ဆတ်ဆတ် အရသာရှိရှိ စားရင်း ကျန်းမာခြင်းလာဘ်တွေလည်း ရရှိနိုင်ကြပါစေလို့ …။

Ref; https://www.healthline.com/nutrition/mangosteen

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဆက်စပ်ဆောင်းပါးများ

အာဟာရနှင့် ကျန်းမာရေး

မြန်မာနိုင်ငံတွင် အဖြစ်များဆုံးသော ရောဂါ - ခံတွင်းကင်ဆာ

Dr. Kyaw Phyo Lwin

အာဟာရနှင့် ကျန်းမာရေး

စိုက်ပျိုး၊ မွေးမြူသူများ ဖြစ်လေ့ရှိသော အရေပြားရောဂါ (၃) မျိုး

Dr. Kyaw Phyo Lwin

အာဟာရနှင့် ကျန်းမာရေး

နှင်းလား၊ မြူလား... သတိထားစရာ PM2.5 လေထုအဆိပ်ငွေ့များ

ဇင်ထူးနိုင်

ဆက်စပ်မေးခွန်းများ

ကြက်သွန် ဇွန်မွား ဥ မျိုး ရာ် ကြက်သွန်အစေ့မျိူးရယ် လိုချင်ပါတယ် မျိုးဥက ဆိုဒ်ဘယ်နှစ်မျိူးရှိမလဲ? တစ်ပိသာဈေးနှုန်းကဘယ်လောက်လဲ? မျိုးသန့်မျိုးဥ ကို ဘားအံမြို့အနီးနားမှာ စိုက်ပျိုးမျိုးထုပ်သူရှိက မှာယူချင်ပါတယ် ဈေးနှင့်တစ်ကွ လိပ်စာပေးပါ 09427601674ပါ

အိသူဇာချို • ဖြေကြားချက် 1 ခု

TbL9မတ်ပဲမျိုးကို၁၁လပိုင်းလောက်ကြဲမယ်ဆိုအတင်ပြေနိုင်လား

Sawsamson • ဖြေကြားချက် 1 ခု

မတ်ပဲအပင်အထနှေးနေလို့အားဆေးဘယ်လောက်ဖျန်းဖျန်းထမလာဘူးဘယ်လိုအားဆေးမျိုးအဓိကဖျန်းရမလဲ တစ်ချို့နေရာတွေကျအားဆေးတစ်ကြိမ်ထဲအပင်အရမ်းအထမြန်ပါတယ်

Sawsamson • ဖြေကြားချက် 1 ခု

trichoderma ဖြန်းပြီး နောက်ရက် ဒီလိုမှိုတွေ့ပါတယ် ဒါက trichoderma မှိုလား ဖျက်မှိုလားသိပါရစေ မဖြန်းခင်က ဒီလိုမတွေ့ရဘူး ဖြန်းပြီးမှ တွေ့ရပါတယ်

Khing Hein • ဖြေကြားချက် 1 ခု

ဧရာပဒေသာ၄ဧကစိုက်အစေ့ချစိုက်ခင်းပါ၃၀ရက်သားမှာ၁၆ပတ်လည်ဂျစ်ပ်ဆမ်၁အိတ်ပုလဲ၁အိတ် ၄၅ရက်သားမှာ၁၅ပတ်လည်၂အိတ် ၇၀ရက်သားမှာပိုတက်၁အိတ်ပုလဲ၁အိတ်ဂျစ်ပ်ဆမ်၁အိတ် (နောက်အပတ်၈၅ရက်သားမှာပုလဲ၁အိတ်ပိုတက်၁အိတ်ဂျစ်ပ်ဆမ်၂အိတ်ထပ်ကျွေးမှာပါ)နောက်ဆုံးအပတ်ဘယ်ရက်လောက်ထပ်ကျွေးသင့်လဲခဗျာဘာမြေသြဇာကျွေးသင့်ပါသလဲခဗျအပင်နိမ့်တဲ့နေရာက၂ပေခွဲအပင်မြင့်တဲ့နေရာက၃ပေလောက်တော့ရှိပါတယ်တယ်အကြံပေးပါအုန်းခဗျ

kyaw zin • ဖြေကြားချက် 1 ခု

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

နောက်ဆုံး ဆောင်းပါးများ