အစိမ်းရောင်လမ်း

အစိမ်းရောင်လမ်း အက်ပ်

အမေးအဖြေနှင့် အသိပေးချက်များကို ပိုမြန်မြန် ရယူနိုင်ပါသည်။

ရယူရန် ရယူရန်
ဘဲဥနှုန်း ကျရိပ်ပြနေပါက အကောင်းဆုံးအဖြေကိုရှာဖွေပါ

ဘဲဥနှုန်း ကျရိပ်ပြနေပါက အကောင်းဆုံးအဖြေကိုရှာဖွေပါ

    တော်တော်များများ ဘဲမွေးမြူသူတိုင်း သိချင်တာတစ်ခု (စိုးရိမ်တာ) က ဘဲဉနှုန်းတွေ ဘာလို့များ ကျဆင်းရလဲ? ဆိုတာပဲ ဖြစ်ပါတယ်။

ဘဲမွေးမြူရာမှာ တစ်ခါမှားရင် တစ်ပတ်၊ နှစ်ပတ်ကနေ ခြောက်ပတ်အထိ ဘဲဥနှုန်းကျဆင်းနိုင်ပါတယ်။ တစ်လခွဲ ဉနှုန်းကျရင်၊ သုံးလစာလောက် အကျိုးအမြတ်ထိခိုက်စေနိုင်ပါတယ်။ ခဏခဏ အမှားဖြစ်စေ လက်တည့်စမ်းနေရင်ဖြစ်စေ စာရင်းချုပ်တွက်လိုက်ရင် ဘဲစားဘဲကြေဖြစ်နိုင်ပါတယ်။ ဘဲစားဘဲကြေဖြစ်တော့ ဘဲဖိုးကရှုံး၊ အစာဖိုးကရှုံး၊ အဆောက်အဦးနဲ့ တခြားကုန်ကျစရိတ်တွေလည်းရှုံးဆိုတော့ မိအေးမှာ လေးခါလောက်နာတတ်ပါတယ်။ ဒါကြောင့် ကိုယ့်ရဲ့မွေးမြူတဲ့ပုံစံမှာ ဘာတွေမှားယွင်းနေလဲ အကောင်းဆုံး အဖြေကို ရှာရတော့မှာပါ။

ဟု မကွေးတိုင်း၊ စလင်းမြို့နယ်မှ စီးပွားဖြစ်ဘဲမွေးမြူရေးလုပ်ကိုင်နေသူ ကိုအောင်ကိုဦး က ပြောသည်။

    ဘဲမွေးမြူသူတွေအနေနဲ့ ဘဲ ဥစမ်းကာလမှာ ဘဲဥတဖြည်းဖြည်းနဲ့ ပုံမှန်တိုးတက်ပြီး အမြင့်ဆုံးဘဲဥရာခိုင်နှုန်းကို မရသေးဘူးဆိုရင်တော့ ကိုယ့်ရဲ့မွေးမြူတဲ့ပုံစံမှာ ဘာတွေမှားယွင်းနေလဲ အကောင်းဆုံးအဖြေကို ရှာရတော့မှာလို့ ၎င်းက ဆက်လက်ပြောပါတယ်။

    ဒီလို ဉနှုန်းနည်းပါးရတဲ့အဖြေကို ရှာဖွေရာမှာ သေချာပေါက်တွေ့ရှိရမယ့် အချက်တွေကို အများသိရှိရအောင် ဖော်ပြပေးချင်ပါတယ်။

(၁) အစာကျွေးမွေးပြုစုရာမှာ လိုအပ်ချက်ရှိခြင်း

    ဘဲတွေ ကိုယ်ခံအားကောင်းမွန်ပြီး၊ ဘဲဥ ဉနှုန်းတွေလည်း စံချိန်မီဖို့အတွက်ဆိုရင် အာဟာရပြည့်ဝပြီး သန့်ရှင်းလတ်ဆတ်တဲ့ အစာမျိုးတွေကို စနစ်တကျ ရွေးချယ်ကျွေးမွေးသင့်ပါတယ်။ 

    အစာကျွေးမွေးစနစ်မှန်ကန်မှလည်း ဥနှုန်းကောင်းပြီး၊ ဘဲရဲ့ ကိုယ်ခံစွမ်းအားကို မြင့်တက်စေပြီး ရောဂါဖြစ်ပွားမှုနည်းပါးစေမှာ ဖြစ်ပါတယ်။ 

(၂) ရေတိုက်ကျွေးတဲ့အခါမှာ လိုအပ်ချက်ရှိခြင်း

    အစာကျွေးမွေးသကဲ့သို့ပဲ ရေတိုက်ကျွေးတာကိုလည်း စနစ်တကျရှိရပါမယ်။

(၃) ခြံအဆောက်အဦတည်ဆောက်ရာတွင် လိုအပ်ချက်ရှိခြင်း

    ခြံအဆောက်အဦတည်ဆောက်တာက အဓိကကျပါတယ်။ ခြံအဆောက်အဦ အထားအသို ထိန်းသိမ်းစောင့်ရှောက်မှု မှန်ကန်နေရင် ဘဲတွေမှာ ကျရောက်တတ်တဲ့ရောဂါတွေ အလွယ်တကူ မဝင်ရောက်နိုင်ပါဘူး။ သန့်ရှင်းရေးအားနည်းမယ်၊ ဘဲခြံအိုမင်း (ပျက်စီး) နေမယ်ဆိုရင်တော့ ရောဂါပိုးတွေ ပေါက်ဖွားဖို့ အခွင့်အလမ်းတစ်ခုဖြစ်ပါတယ်။ ဒါ့အပြင်-

(၄) ဘဲတွေမှာဖြစ်ပွားတတ်တဲ့ ရောဂါတစ်ခုခု ခံစားနေရခြင်း

    ရောဂါဝင်တယ်ဆိုတာကတော့ အလကားနေရင်းနဲ့ မဝင်ပါဘူး။ အစားကျွေးမွေးခြင်း၊ ရေတိုက်ခြင်း၊ ခြံ အဆောက်အဦတည်ဆောက်ရာမှာ သန့်ရှင်းမှုအားနည်းခြင်း စတာတွေနဲ့ အများကြီး သက်ဆိုင်ပါတယ်။

အပေါ်က အချက်အားလုံးမှာ စနစ်တကျမှန်ကန်နေပေမယ့်လည်း ဉနှုန်းနည်းနေသေးရင်တော့ -

(၅) မျိုးကောင်းမျိုးသန့် (ဉနှုန်းမြင့်တဲ့ ဘဲမျိုး) မဟုတ်ခြင်း

    ကိုယ်မွေးမြူထားတဲ့ ဘဲမျိုးက မျိုးကောင်းမျိုးသန့် (ဉနှုန်းမြင့်တဲ့ ဘဲမျိုး) မဟုတ်ခြင်းဆိုတဲ့အဖြေကို ရလာပါလိမ့်မယ်။

ဘဲမွေးမြူရင်း စီးပွားဖြစ်ထွန်းနိုင်ကြပါစေ။

(ဆောင်းပါးများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

 

Aung Myint Mo

Aung Myint Mo

လွန်ခဲ့သော ၁ နှစ် က

ဥစားဘဲသာဖောက့်လိုချင်ပါတယ်

ဖြိုးဝေကျော်

ဖြိုးဝေကျော်

လွန်ခဲ့သော ၃ နှစ် က

ဘဲခြံပုံစံပြပေးပါ

ဦးဟိန်းကျော်

ဦးဟိန်းကျော်

လွန်ခဲ့သော ၄ နှစ် က

ကျွန်တော့ကကာကီကင်းဘဲအကောင်နည်းနည်းကိုအိမ်မှာမွေးထားပါတယ်10ရက်လောက်ဥပြီးအခုဥကျနေလို့ဘယ်လိုလုပ်ရမလဲခင်ဗျာ

သူရိယ

သူရိယ

လွန်ခဲ့သော ၄ နှစ် က

ကျွန်တော့မှာ ဘဲဥနှုန်းကျဆင်းနေတယ် ဘယ်လိုလုပ်ရမလဲ

Kyaw Thu Naing

Kyaw Thu Naing

လွန်ခဲ့သော ၄ နှစ် က

ဘဲသားပေါက် ရချင်ပါတယ် ရနိုင်မယ့်နေရာနဲ့ ဆက်သွယ် ရမယ့်ဖုန်းနံပတ်လေးများရှိရင် လမ်းညွှန်ပေးပါခင်ဗျ

You

ဆက်စပ်မေးခွန်းများ

ဥစားကြက်ကို၁ရက်သားကနေ မီးသွေးနှင့်မီးကိုင်နည်း ဘယ်အချိန် လိုက်ကာအတင်အချက် ဘယ်နှစ်နာရီ မီးကိုင်သင့်လဲ၊ကာကွယ်ဆေးကဘယ်ဆေးသုံးရမလဲ ဘယ်လိုထိုးရမလဲ ပြောပြပေးပါ။

Khin Zar Hlaing • ဖြေကြားချက် 1 ခု

ဥစားကြက်အကောင်ရေ၁၀၀ဆိုရင်ခြံအကျယ်ဝန်ဘယ်လောက်ဆောက်ရလဲ

ကိုသီဟ • ဖြေကြားချက် 1 ခု

မွေးမြူရေးနှင့်ပတ်သက်သောဆေးဝါးများရောင်းချင်လို့ပါရန်ကုန်ကပါ နယ်ဆိုလဲအရောက်ပို့ပေးနိုင်ပါတယ် အဓိကသုံးနိုင်တဲ့တိရစ္ဆာန်တွေကတော့ ဆိတ် နွား မြင်း ဝက် ခွေးဈေးနှုန်းတွေသက်သာပါမယ်ရရှိနိုင်သောဆေးစာရင်းများပို့ပေးပါမယ်ရှင့်ဆက်သွယ်ပေးပါ။09975695505

Myint Myat Tharaphyi Aung • ဖြေကြားချက် 1 ခု

အသားတိုးကကြက်၁၀၀၀အတွက်အစာခွက်ဘယ်လောက်ရေဘူးဘယ်လောက်အသုံးပြုရပါသလဲ

Nyein Nyein chan • ဖြေကြားချက် 1 ခု

ဒေသကြက် အခုမှစမွေးပါမည် ၁၂ပေ×၂၀ပေ အကျယ်ခြံကို အဖတစ်ကောင်နှင့် အမဘယ်နှစ်ကောင်ထည့်ရမလဲခဗျား(လွှတ်မွေးရင် ရောဂါဖြစ်မှာရယ်၊ပြောက်မှာဆိုးလို့ပါ)

Ko Kyi • ဖြေကြားချက် 2 ခု

မတင်ဘဲ ထွက်မှာ သေချာပါသလား။

သင်ရေးထားသည်များကို မတင်ရသေးပါ။ ဤစာမျက်နှာမှ ထွက်ပါက ပျောက်ဆုံးသွားပါမည်။