မကွေးတိုင်းဒေသကြီးမှ ပုဂ္ဂလိက ပျားမွေးမြူထုတ်လုပ်သူများ ဝင်ငွေကောင်းနေ

Green Way • Greenovator • 23/11/2018

မကွေးတိုင်းဒေသကြီးအတွင်း တစ်နိုင်တစ်ပိုင် ပုဂ္ဂလိကပျားမွေးမြူရေးလုပ်ငန်းများကို စီးပွားဖြစ်လုပ် ကိုင်လာကြပြီး အကျိုးဖြစ်ထွန်းမှုလည်းရှိသောကြောင့် ယခုနှစ်တွင် ယခင်နှစ်ထက် ပျားမွေးမြူရေး လုပ်ကိုင်သူ ပိုမိုများပြားလာကြောင်း မကွေးတိုင်းဒေသကြီး ပျားမွေးမြူရေးလုပ်ငန်းမှ သိရသည်။

မကွေးတိုင်းဒေသကြီးအတွင်း စလင်း၊ ပွင့်ဖြူ၊ အောင်လံမြို့များတွင် ပျားမွေးမြူရေးလုပ်ငန်း လုပ်ကိုင်နေသူ အများအပြားရှိနေပြီး ပျားမွေးမြူရေးလုပ်ငန်း လုပ်ကိုင်နေသူများအနေဖြင့် လုပ်ငန်းလုပ်ပိုင်ခွင့် လိုင်စင်ကို တစ်နှစ်တစ်ကြိမ် လျှောက်ထားရကြောင်း သိရသည်။ စိုက်ပျိုးသီးနှံများကို အရည်အသွေး ကောင်းမွန်အောင် စွမ်းဆောင်နိုင်ပြီး ပျားထွက်ပစ္စည်းများဖြစ်သည့် ပျားရည်၊ ပျားဖယောင်း၊ ပျားဝတ် မှုန်၊ ပျားအဆိပ်၊ ပျားကော်တို့ကို ဆေးဝါးနှင့် လူသုံးကုန်ပစ္စည်းများအဖြစ် အသုံးပြုလာသောကြောင့် ဈေးကွက်တွင်ကျယ်ကာပျားမွေးမြူရေးလုပ်ငန်းလုပ်ကိုင်သူ များပြားလာခြင်းဖြစ်ကြောင်း ပျားလုပ်ငန်း ဦးစီးဌာနမှ ဒုတိယဦးစီးမှူး ဒေါ်ကြူကြူဝင်းထံမှ သိရသည်။

စီးပွားဖြစ် ပျားမွေးမြူရာတွင် အခြေစိုက်ပျားမွေးမြူခြင်းနှင့် ရွှေ့ပြောင်းပျားမွေးမြူခြင်းဟု နှစ်မျိုးရှိရာ အခြေစိုက်ပျားမွေးမြူခြင်းမှာ ရာသီအလိုက် ပျားစာပင်စိုက်ခင်းကိုပါ တွဲ၍လုပ်ဆောင်ရသဖြင့် ပျားမွေး မြူသူများအနေဖြင့် ပျားစာပင်စိုက်ပျိုးရန်မလိုသည့် ရွှေ့ပြောင်းပျားမွေးမြူခြင်းနည်းကိုသာ အသုံးပြုကြကြောင်း။ စလင်း၊ ပွင့်ဖြူနယ်ဘက်မှ ရေသွင်းနှမ်းစိုက်ပျိူးသည့် နှမ်းခင်းများနှင့် နေပြည်တော် အမြန်လမ်းတစ်လျောက်ရှိ စိုက်ခင်းများ၊ ဆီးခြံများ၊ မကွေးမြို့နယ် ကံပြားရွာမှ ပန်းနှမ်းပေါ်ချိန်များတွင် အဓိကထား ရွှေ့ပြောင်းမွေးမြူကြပြီး ပန်းခင်း စိုက်ခင်းများမရှိတော့ပါက ပိဿနိုးမြို့ဟောင်းရှိ သျှားပင်၊ ကန္တာရပင်များကိုအားထား၍ ရွှေ့ပြောင်းမွေးမြူကြကြောင်း ပျားမွေးမြူရေးလုပ်ကိုင်သူတစ်ဦးထံမှ သိရ သည်။

စီးပွားဖြစ်ပျားမွေးမြူရန်အတွက် ဖယောင်းနှင့်ပြုလုပ်ထားသည့် အောက်ခံ (Foundation) ပါဝင်သည့် မျိုးပျားအုံ နှင့် သေတ္တာတစ်လုံးသည် ကျပ် ၂၅၀၀၀ ဈေးရှိပြီး ၎င်းသေတ္တာထဲတွင် တစ်ချပ်လျှင် ကျပ် ၉၀၀၀ ပေးရသည့် ပျားသ လက်ပေါင် ငါးပေါင်နှင့် စတင်လုပ်ကိုင်ရကြောင်း၊ ပျားသလက်ပေါင် တစ်ပေါင်လျှင် ပျားဘုရင်မတစ်ကောင်နှင့် အသက်ငယ်သော လုပ်သားပျား ၂၀၀၀ ခန့်ဖြင့် စတင်မွေး မြူရကြောင်း သိရသည်။ ပျားဘုရင်မက မျိုးဆက်ပွား၍ ဥအုရန်နှင့် ဦးဆောင်တာဝန်များကို ထမ်းဆောင်ပြီး ပျားထီးများမှာ မျိုးပွားတာဝန်ထမ်းဆောင်ကာ သေဆုံးသွားကြောင်းနှင့် လုပ်သားပျားများမှာ ဝတ်ရည်စုဆောင်းခြင်း၊ သန့်ရှင်းရေးပြုလုပ်ခြင်း၊ ဝတ်မှုန်ကူးခြင်းတာဝန်များကို ထမ်းဆောင်ကြောင်း သိရသည်။

ပျားရည်ထွက်နှုန်းမှာ တစ်သမတ်တည်းမရှိပဲ ပျားဘုရင်မ၏ ဥနှုန်း၊ ပျားစာရရှိမှုနှင့် ရာသီဥတုအခြေ အနေတို့အပေါ် မူတည်ကြောင်း ပျားသလက်အုံ ၁၀၀ မွေးမြူထားပါက ၁၀ ရက် လျှင်တစ်ကြိမ် ပျားရည် တစ်ပီပါ (ပိဿာ ၁၀၀ )ခန့် ထွက်ရှိကြောင်းနှင့် ပျားရည် တစ်ပိဿာလျှင် ကျပ် ၂၅၀၀ ရောင်းချရကြောင်း သိရသည်။

“ကျွန်တော် အရင်က တောင်သူလည်းလုပ်ဘူးတယ်၊ မွေးမြူရေးလည်းလုပ်ဘူးပါတယ်။ စိုက်ပျိုးမွေး မြူရေးက ရာသီဥတုအပေါ်မူတည်တော့ သိပ်အဆင်မပြေဘူး။ စိတ်လည်းပင်ပန်းတယ်။ ပျားမွေးမြူရေးလုပ်ငန်းကို အချပ်ရေ ၂၅၀ နဲ့ စမွေးခဲ့တာ အခု အချပ် ၁၀၀၀ အထိ မွေးမြူနိုင်ပြီး စီးပွားရေးလည်း တော်တော်အဆင်ပြေလာပါတယ်” ဟု ရေနံချောင်းမြို့နယ် ဝက်မစွတ်ကျေးရွာမှ ပျားမွေးမြူရေးလုပ်ကိုင်သူ ဦးဇော်မင်းကပြောသည်။

မကွေးတိုင်းဒေသကြီးအတွင်း ပျားမွေးမြူရေးလုပ်ငန်းအနေဖြင့် တိုင်းဒေသကြီးအတွင်းမှ ပျားမွေးမြူသူများအား နည်းပညာအကူအညီပေးခြင်း၊ သင်တန်းပို့ချပေးခြင်း၊ ပညာပေးခြင်းများ ပြုလုပ်ပေးလျက်ရှိပြီး ယခင်က ပျားဘုရင် မကို နိုင်ငံခြားမှ ဝယ်ယူရသော်လည်း ယခုအခါ မြန်မာနိုင်ငံတွင် (AI) နည်းပညာဖြင့် မေထုန်မဲ့သားစပ်၍ စတင်မွေးမြူနိုင်ပြီဖြစ်ကြောင်းလည်းသိရသည်။

မြန်မာ့အလင်း နိုဝင်ဘာ ၂၃၊ ၂၀၁၈

ဆက်စပ်ဆောင်းပါးများ

မွေးမြူရေးသတင်း

အစာဈေးမြင့်ပြီး တွက်ချေမကိုက်တော့သဖြင့် ငါးမွေးမြူသူတွေ လျော့ကျလာ

AMIA

မွေးမြူရေးသတင်း

အသားဈေးရဲ့ ၂ ဆ နီးပါးဖြစ်နေတဲ့ ငါးခြောက်ဈေးကွက်

AMIA

မွေးမြူရေးသတင်း

ကြက်ခြံဖမ်းဈေးသာကျပြီး အသားရောင်းဈေးမကျလို့ မွေးမြူသူများအခက်ကြုံနေ

AMIA

နည်းပညာမိတ်ဖက်အဖွဲ့

Greenovator

ဂရင်းနိုဗေတာကုမ္ပဏီကို ၂၀၁၅ ခုနှစ်တွင် စတင်ခဲ့ပြီး ကုမ္ပဏီမှ အစိမ်းရောင်လမ်းအက်ပလီကေးရှင်းအား ထုတ်လုပ်ဖြန့်ဖြုးခဲ့ပါသည်။ စိုက်ပျိုးသူတောင်သူများ စိုက်ပျိုးရေးလုပ်ငန်းများကို စီးပွားရေးလုပ်ငန်းအဖြစ် အမြင်ပြောင်းလဲလာစေရန်အတွက် လိုအပ်သော နည်းပညာဗဟုသုတများ၊ ဈေးကွက်အချက်အလက်များနှင့် စီးပွားရေးလုပ်ငန်းများနှင့် ချိတ်ဆက်လာနိုင်စေရန် အစဉ်တစိုက် ကြိုးစားလျက်ရှိပါသည်။ 

နည်းပညာမိတ်ဖက်အဖွဲ့ အားလုံး

ဆက်စပ်မေးခွန်းများ

မတ်ပဲအပင်အထနှေးနေလို့အားဆေးဘယ်လောက်ဖျန်းဖျန်းထမလာဘူးဘယ်လိုအားဆေးမျိုးအဓိကဖျန်းရမလဲ တစ်ချို့နေရာတွေကျအားဆေးတစ်ကြိမ်ထဲအပင်အရမ်းအထမြန်ပါတယ်

Sawsamson • ဖြေကြားချက် 0 ခု

trichoderma ဖြန်းပြီး နောက်ရက် ဒီလိုမှိုတွေ့ပါတယ် ဒါက trichoderma မှိုလား ဖျက်မှိုလားသိပါရစေ မဖြန်းခင်က ဒီလိုမတွေ့ရဘူး ဖြန်းပြီးမှ တွေ့ရပါတယ်

Khing Hein • ဖြေကြားချက် 1 ခု

ဧရာပဒေသာ၄ဧကစိုက်အစေ့ချစိုက်ခင်းပါ၃၀ရက်သားမှာ၁၆ပတ်လည်ဂျစ်ပ်ဆမ်၁အိတ်ပုလဲ၁အိတ် ၄၅ရက်သားမှာ၁၅ပတ်လည်၂အိတ် ၇၀ရက်သားမှာပိုတက်၁အိတ်ပုလဲ၁အိတ်ဂျစ်ပ်ဆမ်၁အိတ် (နောက်အပတ်၈၅ရက်သားမှာပုလဲ၁အိတ်ပိုတက်၁အိတ်ဂျစ်ပ်ဆမ်၂အိတ်ထပ်ကျွေးမှာပါ)နောက်ဆုံးအပတ်ဘယ်ရက်လောက်ထပ်ကျွေးသင့်လဲခဗျာဘာမြေသြဇာကျွေးသင့်ပါသလဲခဗျအပင်နိမ့်တဲ့နေရာက၂ပေခွဲအပင်မြင့်တဲ့နေရာက၃ပေလောက်တော့ရှိပါတယ်တယ်အကြံပေးပါအုန်းခဗျ

kyaw zin • ဖြေကြားချက် 1 ခု

မြေသြဇာ ၅၀ kg အိပ်မရရင် ရွတ်ဖြန်းမြေသြဇာလေးတွေသုံးပြီး စပါးရင့်မှဲ့သည်အထိ အသုံးပြုလို့ရပသလား ဘာကြောင့်ဆို မြေသြဇာတွေအဆမတင်စျေးကြီးနေလို့ ရွတ်ဖြန်းမြေသြဇာ NPK ပါတဲ့အိပ်လေးတွေအသုံးပြုချင်ပါတယ် အဆင်ပြေမလားခမျ

လိူင်စိုး • ဖြေကြားချက် 1 ခု

ကျနော်လယ်ကွက်တွေထဲမှာစပါးမစိုက်ရသေးဘူးရွှေခရုအကောင်ငယ်းများအားကြီးတွေ့ရတယ်ဘဲကြောင်းဖို့ဘဲကမရှိကောက်ဖို့လဲမဖြစ်နိုင်။ဘယ်ဆေးဝါးသုံးသင်သလဲဗျိ့။

U Win Zaw • ဖြေကြားချက် 5 ခု

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

နောက်ဆုံး ဆောင်းပါးများ