အီးအမ်အသုံးပြုမြေသြဇာပြုလုပ်နည်း
သီးနှံများအထွက်နှုန်း တိုးတက်ရေးအတွက် ဓာတ်မြေသြဇာနှင့် သဘာဝမြေသြဇာအပြင် ဇီဝမြေသြဇာများ ကျယ်ပြန့်စွာ သုံးစွဲနိုင်ရန် ရည်ရွယ်ပြီး အီးအမ် (အကျိုးပြု အဏုဇီဝ) အသုံးပြု မြေသြဇာပြုလုပ်နည်းများအား ဖော်ပြပေး လိုက်ပါသည်။ ပထမဦးစွာ အသင့်သုံး အီးအမ်ဖျော်ရည်ဖျော်စပ်ရပါမည်။ ရက်ကြာလျှင် အာနိသင်မပြတော့ပေ။ ထို့ကြောင့် အသုံးပြုကာနီးမှသာ အသင့်သုံးအီးအမ်ကိုဖျော်စပ်ရပါမည်။
အသင့်သုံးအီးအမ်ဖျော်စပ်နည်း
ပါဝင်သောပစ္စည်းများ
အီးအမ်ဖျော်ရည်ပြင်း (စတီးဇွန်း ၁ ဇွန်း) ၊ တင်လဲရည် /သကာရည်(စတီးဇွန်း ၄ ဇွန်း)၊ ရေ(ရေလီတာပုလင်း၏ ပုခုံးဝက်)
အချိုးအစား- ( ၁: ၄: ၉၅ ) ဆ
ပြုလုပ်နည်း
(၁) ပါဝင်သောပစ္စည်းများကို အထက်ပါ အချိုးအတိုင်းရောစပ်ပြီး သမအောင်လှုပ်ပါ။
(၂) ပြီးလျှင် လေလုံအောင်ပိတ်ပါ။ နေ့စဉ် နံနက်တိုင်း အဖုံးဖွင့်၍ ဓါတ်ငွေ့များကို ဖယ်ထုတ်ပါ။ (အေး၍မှောင်ပြီးခြောက်သွေ့သောနေရာတွင် ထားပါ)။
(၃) ရောစပ်ပြီး ၃ ရက်ခန့်အကြာ မူလအမဲရောင်မှ အဝါရောင်သို့ ပြောင်းလာ၏။ ထိုအခါ စတင်အသုံးပြု နိုင်ပြီဖြစ်သည်။ဖျော်စပ်ပြီး (၇) ရက်မှ (၁၀) ရက်အတွင်း အကုန်သုံးပစ်ရမည်။ ရက်ကျော်ပါက အဝါရောင်မှ အမည်းရောင်ပြောင်းပြီး အနံ့လည်း မကောင်းတော့ပေ။ ထိုအခြေအနေရောက်ပါက အာနိသင်ပြယ်ပြီဟု မှတ်ပါ။
မှတ်ချက်။ ဖျော်စပ်ရာတွင် အသုံးပြုသည့် ဘူးခွံ့သည် ဓါတ်ဆီ၊ ဒီဇယ်၊ စားသုံးဆီစသည့် ဆီပါသော ဘူးများအား အသုံးမပြုရပါ။
အီးအမ်ဘိုကာရှီပြုလုပ်ပုံအဆင့်ဆင့်
(၁) အရိပ်ကောင်းကောင်းနေရာကို ရွေးပါ။
(၂) သီးနှံစွန့်ပစ်ပစ္စည်း( ဥပမာ-ကောက်ရိုး၊ ဗေဒါ)သို့မဟုတ် မြက်ခြောက်နှင့်နွားချေးတို့ကို စုဆောင်းပါ။
(၃) စည်ပိုင်းပြတ်ထဲသို့ ရေဂါလံ ၂၀ ထည့်ပါ။ ထိုအထဲသို့ အသင့်သုံးအီးအမ်ဖျော်ရည်နို့ဆီ ၃ ခွက် နှင့် တင်လဲရည် ၃ ခွက်ရောစပ်ပြီး သမအောင်တုတ်ဖြင့်မွှေပေးပါ။ (နို့ဆီ ၃ ခွက် = ၁ လီတာ)
(၄) သစ်သားငုတ်များသုံး၍ မြေဆွေးပုံနေရာကို သတ်မှတ်ပါ။ မြေဆွေးပုံအကြီးအသေးသည် အသုံးပြုမည့် သီးနှံ သို့မဟုတ် မြက်ခြောက်ပမာဏပေါ် မူတည်ပါသည်။ သို့သော် ဘိုကာရှီတစ်ပုံသည် အလျား ၆ပေ၊ အနံ ၄ ပေ၊ အမြင့် ၃ ပေထက်မပိုသင့်ပါ။
(၅) လျာထားသတ်မှတ်ထားသောနေရာတွင် စွန့်ပစ်ပစ္စည်းများကို ပထမအလွှာအဖြစ် ဖြန့်ခင်းပြီး သိပ်သည်း တင်းကြပ်နေစေရန် ခြေဖြင့်ဖိနင်း၍ ၆ လက်မထုရသည်အထိပြုလုပ်ပါ။
(၆) ထိုအလွှာပေါ်သို့ အီးအမ် ၃ ဂါလံပက်ဖြန်းပေးပါ။
(၇) နွားချေး ၈ ပြည်ထပ်၍ဖြူးပါ။
(၈) မြေဆွေးပုံအမြင့် ၃ ပေရောက်သည်အထိ အဆင့်(၅)၊ (၆)၊ (၇) တွင်ဖော်ပြထားသည့်အတိုင်း တစ်လွှာ ပြီးတစ်လွှာဆင့်တင်သွားပါ။
(၉) မြေဆွေးပုံပူနွေးစေရန်နှင့် လေတိုက်၍ခြောက်သွေ့မှုမဖြစ်စေရန် အပေါ်မှပလတ်စတစ်ဖုံးထားပေးရသည်။
(၁၀) (၇-၁၀) ရက်ခန့်အကြာ အစိုဓါတ် အနည်းအများကို စီစစ်ပါ။ ခြောက်သွေ့နေက ရေဖျန်းပေးပါ။ မြေဆွေး ပုံ အမြဲစိုစွတ်နေစေရန် ဂရုပြုပေးပါ။ မခြောက်လွန်းစေရ။ မစိုလွန်းစေရပေ။
(၁၁) ၁-၂ ပတ်ခန့်အကြာ (တစ်ဝက်တစ်ပျက် ဆွေးမြေ့နေသည့်တိုင်) စတင်သုံးစွဲနိုင်ပါသည်။
ဘိုကာရှီ ကို နောက်ဆုံးထွန်ရေးနှင့်အတူ ကြဲပက်ကျွေးရသည်။ တစ်ဧကအတွက် ဘိုကာရှီ (၂-၅) တန် (၈ မှ ၂၀ပုံ) လိုအပ်သည်။နှစ်ရှည်ပင်များ၊ ဟင်းသီးဟင်းရွက်နှင့် ပန်းပင်များအတွက် ဘိုကာရှီကို အစိုဓါတ် အလုံအလောက်ရှိစဉ် အပင်ခြေ၌ထည့်သွင်းပေးရသည်။
စူပါအီးအမ်ဘိုကာရှီ မြေဆွေးပြုလုပ်ပုံအဆင့်ဆင့်
လိုအပ်သော ပစ္စည်းများ
- စပါးခွံ / စပါးခွံမီးသွေး/ စက်ဖွဲပြာ
- နွားချေး/ ကျွဲချေး/ ကြက်ချေး/ ဆိတ်ချေး/ မြင်းချေး/ ဝက်ချေး
- ဖွဲနု
- အသင့်သုံး အီးအမ် ဖျော်ရည်
- သကာရည်/ တင်လဲရည်
- လေလုံသောအိတ်
ပြုလုပ်နည်း
(၁) စပါးခွံ့၊ နွားချေး နှင့် ဖွဲနု (၂-ဆ၊ ၂-ဆ၊ ၁-ဆ) တို့ကိုရောစပ်၍ပုံပါ။
(၂) အပုံပေါ်သို့ အသင့်သုံးအီးအမ်ဖျော်ရည်ဖျန်း၍ သမအောင်မွွှေပါ။ အစိုဓါတ်မများလွန်း၊ မနည်းလွန်း စေရ။ လက်ဖြင့်ဆုပ်ကြည့်ပါက လက်ကြားမှရေမထွက်စေရ။ လက်ဖြန့်လိုက်ပါကအလုံး မပျက်စေရ။
(၃) ရောစပ်ပြီးပစ္စည်းများကို လေလုံအိတ်အတွင်းထည့်၍ ချည်နှောင်ပြီး အေး၍ခြောက်သွေ့သောအရိပ်ထဲ တွင်ထားပါ။
(၄) ချိုသင်းသင်းအနံ့ရရှိလာပါက နွေရာသီတွင် (၃)ရက်၊ ဆောင်းရာသီတွင် (၁၀) ရက်ကြာလျှင် မြေ ဆွေးအဖြစ် စတင်အသုံးပြုနိုင်သည်။ ကြာရှည်သိုလှောင်လိုပါက နေရိပ်တွင် အခြောက်ခံပြီး အိတ်ထဲ သို့ ပြန်လည် ထည့်သွင်း၍ (၆)လခန့်အထိ သိုလှောင် ထားနိုင်သည်။ တစ်ဧကအတွက် အနည်းဆုံး ၁ တင်းခွဲဝင် ပီနန်အိတ် ၂၀ အသုံးပြုရမည်။
ကိုးကား- အစိမ်းရောင်လမ်းသင်ရိုးညွန်းတမ်း
ဆက်စပ်အကြောင်းအရာ၊ မေးခွန်းများနှင့် ဆောင်းပါးများကို ဆက်လက်ဖတ်ရှုနိုင်ပါသည်။
အကြောင်းအရာ 1
ကိုယ်တိုင်လုပ် သဘာဝမြေသြဇာများ
အသုံးပြုနိုင်သည့် သွင်းအားစုများ (ကြော်ငြာ)
ဦးဝင်းစိုး
လွန်ခဲ့သော ၄ နှစ် ကဆောင်းပါးကိုအချိန်မရွေး ဖတ်လို့ရအောင်လုပ်ပေးပါ စိုက်ပျိုးရေးသမားအများစုက အင်တာနက်သုံးရခက်တယ်
မိုးသီဟ
လွန်ခဲ့သော ၄ နှစ် ကEM ဘိုကာချီ ပြုလုပ်နည်းမှာ CN အချိုးအတိုင်း ထည့်ပေးရပါလား ၁၀ ရက်ခန့်အကြာ အပူတက်လာချိန်မှာ အထက်အောက်ပြန်လှန်ပေးခြင်း လိုအက်လျှင် EM ထပ်၍ဖျန်းခြင်း ရေဖျန်းခြင်းဟာ aerobic composting method နှင့်ရော နှော သွားပါသလားရှင့် အဲ့လို နည်းနှစ်ခု ပေါင်းစပ်ခြင်း ဆွေးမြေ့မူ့ကို ပိုမို မြန်ဆန်စေပါသလား ကောင်းနိုင်ပါလားဆိုတာ သိပါရစေရှင့်
Min Paing Ko
လွန်ခဲ့သော ၄ နှစ် ကEM ပြုလုပ်/ ပြန့်ပွားနည်း ================== #EMပြုလုပ်နည်း ၁။ #လိုအပ်သောပစ္စည်းများ - (က) ရေသန့်ဘူးအလွတ်(၁) လုံး။ (ခ) အုန်းစိမ်းနုနုအရည်(၁)လီတာ။ (ဂ) ဒိန်ချဉ်(၂) ဇွန်း။ (ဃ) သကြားညို့ (၄)ဇွန်း။ (င) တဆေး(Yeast)အမှုန့်(၂)ဇွန်း။ (စ) ကြာညို့(၁)ဇွန်း။ (ပဲငံပြာရည်အနောက်ရည်) ၂။ #ပြုလုပ်နည်း။ ခွက်တခုထဲတွင် သကြားညို ဒိန်ချဉ် တဆေး အုန်းစိမ်းရည် (အနည်းငယ်) ကြာညို့တို့ကိုသကြားကြေသည်အထိမွှေပါ ထို့နောက်အုန်းစိမ်းရည်လက်ကျန်နှင့် ထပ်ရောပြီးအဖုံးပိတ်၍ သန့်ရှင်းသော ရေသန့်ဘူးထဲထည့်ပြီး လှုပ်ခါပါ အဖုံးလုံအောင်ပြန်ပိတ်၍ အရိပ်ထဲ (၇) ရက်ခန့်ထားပါ (၇)ရက်ပြည့်ပါက 100% EM ဖြစ်သော EMဦးရည်(၁)လီတာကျော်ရုံခန့်ရရှိပါမည်။ #EMပြန်ပွားပုံ ၃။ #လိုအပ်သောပစ္စည်းများ - (က) EM ဦးရေ(၁)လီတာ။ (ခ) သကြားညို့(၁)ကီလို။ (ဂ) ရေ(၁၀) လီတာ။ ၄။ #ပြုလုပ်ပုံ။ သမအောင်မွှေပါအရိပ်ထဲ(၇) ရက်ထာပါ 100% EM ကိုရရှိပါမည်။ ၅။ ယခု EM ကိုလိုအပ်သလို (၃) ကြိမ်အထိပြန့်ပွားနိုင်ပါသည် (၃)ကြိမ်အထက်ပြန့်ပွားပါက 100% EM မဖြစ်နိုင်တော့၍ ဆက်မပွားသင့်တော့အကြံပြုထားပါသည် EM ဆိုသည်မှာ ဂျူလင်စီအနုဇီဝပိုးများ အမြဲရှင်သန်နေသည်မှာ မှန်သော်လည်း အကြိမ်ရေများလာသည်နှင့်အမျှ အနုဇီဝပိုးများပေါက်ဖွားမှုအားနည်းကာ အကောင်ရေအားနည်းသွားတတ် လို့ဖြစ်ပါသည်။ ၆။ စိုက်ပျိုးရေးအတွက်အဓိကကျသော အကျိုးပြုအနုဇီဝဖျော်ရည်ကို ပြုလုပ်ရလွယ်ကူခြင်း အကုန်အကျသက်သာခြင်း အချိန်တိုအတွင်းအမြန်ရရှိနိုင်သဖြင့် တောင်သူများအားထားရသော အနုဇီဝဖျော်ရည်ဖြစ်လို့တင်ပြပေးလိုက်ပါသည်။ EM ဆိုတာဘာလဲလို့ မကြာခဏမေးလာသူများအတွက် မျှဝေလိုက်ပါတယ် Credit to thanks to Daw Atar May (Organic Farm)
ဦးမျိုးမြင့်
လွန်ခဲ့သော ၅ နှစ် ကနှမ်ရိုး နဲ့ကောလုပ်လိုရပါသလား
ဦးကျော်
လွန်ခဲ့သော ၆ နှစ် ကEMဖျော်ရည်ပြင်းကိုရောဘယ်လိုပြာလုပ်ရပါလဲခင်ဗျာ
နည်းပညာမိတ်ဖက်အဖွဲ့
Greenovator
ဂရင်းနိုဗေတာကုမ္ပဏီကို ၂၀၁၅ ခုနှစ်တွင် စတင်ခဲ့ပြီး ကုမ္ပဏီမှ အစိမ်းရောင်လမ်းအက်ပလီကေးရှင်းအား ထုတ်လုပ်ဖြန့်ဖြုးခဲ့ပါသည်။ စိုက်ပျိုးသူတောင်သူများ စိုက်ပျိုးရေးလုပ်ငန်းများကို စီးပွားရေးလုပ်ငန်းအဖြစ် အမြင်ပြောင်းလဲလာစေရန်အတွက် လိုအပ်သော နည်းပညာဗဟုသုတများ၊ ဈေးကွက်အချက်အလက်များနှင့် စီးပွားရေးလုပ်ငန်းများနှင့် ချိတ်ဆက်လာနိုင်စေရန် အစဉ်တစိုက် ကြိုးစားလျက်ရှိပါသည်။
နည်းပညာမိတ်ဖက်အဖွဲ့ အားလုံးဆက်စပ်မေးခွန်းများ
သီးနှံအတွက် မြေသြဇာမြေခံ ဘာအကောင်းဆုံးလဲ
ကျော်ထွန်း • ဖြေကြားချက် 1 ခု
သဲဆန်သောမြေကို ဘယ်လိုပြုပြင်ရမလည်း
မချယ်ရီလွင် • ဖြေကြားချက် 2 ခု
ဆရာတို့ခင်ဗျာ အပင်သက် ၁လသား ရှိပါပြီ။ ကျွန်တော်တို့နယ်မှာ မိုးရွာသွန်းရက် ၇ရက်ရှိပါပြီ။ ယမန်နှစ်တွေက မဖြစ်ဖူးပါ။ ဓာတ်မြေသြဇာ -အာမိုနက်ကျား-၁ဧက ၁၂ကီလို နှုန်းကျွေး ပိုးသတ်ဆေး-ကံကောင်း ၂၀ မှိုဆေး-dj အားဆေး-ရွှေမိုး+ငွေမိုး ရောစပ်ပက်ဖျန်းထားပါသည်။ ဆရာတို့ခင်ဗျာ သို့ဖြစ်ပါ၍ မည်သို့ပြုလုပ်ရမည်ဖြစ်ကြောင်း ပြည့်စုံစွာသိပါရစေဗျာ။
ဦးနိုင်လင်းထွန်း • ဖြေကြားချက် 1 ခု
ဖရဲ စိုက်ပျိုးရန် မြေဆီလွာကို ဘယ်လို ပြုပြင်ရမလဲ စိုက်ပျိုးနည်း ပုံစံလည်း သိချင်ပါတယ်။
Nay thura • ဖြေကြားချက် 1 ခု
မတ်ပဲစိုက်ရန် ဒိုလာမောင်းထားပါတယ် ၂ဧက ပဲပတ်ပြီး ၁ရက်အကြာမိုးမိတယ် အပင်တေ မပေါက်တော့ပါ့ဘူး ပြန်ဖျတ်ပြီး ကျဲလျှင်ပေါက်နိုင်ပါလားဗျ ဒိုလာမောင်းပြီး ပဲမပတ်ရသေးတဲ့အခင်းတေရော ဘယ်နရက်လောက်နေလှန်းပြီးမှကျဲပတ်ရမလည်းသိချင်ပါတယ်ဆရာ
zayyy zayya • ဖြေကြားချက် 1 ခု
နောက်ဆုံး ဆောင်းပါးများ
ဗီဒီယို
ကုန်ကျစရိတ်သက်သက်သာနဲ့ နှစ်ပတ်အကြာမှာ စတင်အသုံးပြုနိုင်တဲ့ စူပါဘိုကာရှီ
16/11/2026
တစ်ပတ်စာ ပဲမျိုးစုံ ဈေးကွက် သုံးသပ်ချက် (9-13.10.2026)
16/11/2026
ကြက်သွန်နီဈေး ဆက်တိုက်တက်နေ
15/11/2026
ပတ်ဝန်းကျင်ဆိုင်ရာ သိပ္ပံပညာ (အပိုင်း-၆)
10/11/2026
နိုဝင်ဘာ ၉ မှ ၁၅ ရက်အတွင်း မြန်မာနိုင်ငံကို ခြိမ်းခြောက်နိုင်သည့် မုန်တိုင်းဖြစ်ပေါ်နိုင်ခြေ လုံးဝမရှိ
09/11/2026
More from Green Way
အားလုံး
ဗီဒီယို
ကုန်ကျစရိတ်သက်သက်သာနဲ့ နှစ်ပတ်အကြာမှာ စတင်အသုံးပြုနိုင်တဲ့ စူပါဘိုကာရှီ
16/11/2026
ဗီဒီယို
GPS မဖွင့်ဘဲ မိုးလေဝသ ကြည့်လို့ရပြီ
06/11/2026
ဗီဒီယို
ပေါင်းစပ်လယ်ယာစနစ်: လယ်ယာလုပ်ငန်းများ ပေါင်းစပ်ခြင်းမှ ရေရှည်တည်တံ့သော အကျိုးကျေးဇူးများဆီသို့
03/11/2026
အဘိဓမ္မာအခါတော်နေ့ဆုတောင်း (မြန်မာသက္ကရာဇ် ၁၃၈၈ ခုနှစ်)
26/10/2026
အစိမ်းရောင်လမ်းကို ကူညီပံ့ပိုးနေသော ဆရာ၊ ဆရာမများသို့
26/10/2026