ကျွဲ၊ နွားများတွင် ဖြစ်ပွားတတ်သော အစာအိမ်လေဖောင်းရောဂါအကြောင်း

ရောဂါဖြစ်ရသည့် အကြောင်းရင်းများ

     ၁။ မိုးရာသီတွင် များစွာ ပေါက်ရောက်လေ့ရှိသော မြက်နုစိုပေါက်များ၊ နှံစားပင်ပေါက်အစိုနုများကို ကျွဲ၊ နွားများက အလွန်စားမိကြရာမှ ၎င်းအစာနုလေးများမှာ အစာအိမ်ထဲတွင် အခိုးအငွေ့လေးများပါဝင်ပြီး အစာအိမ်လေဖောင်းရောဂါဖြစ်ပွားရခြင်း။

     ၂။ ထိုအစာနုလေးများတွင် တွယ်ကပ်ပါသွားကြသော ပိုးကောင်၊ ပျကောင်လေးများကြောင့်လည်း အစာမကြေလေပွရောဂါဖြစ်ပွားရခြင်း။

ရောဂါလက္ခဏာများ

     - အစာအိမ်လေဖောင်းရောဂါဖြစ်ပါက ကျွဲ၊ နွား၏ ဘယ်ဘက်ရှိ အစာအိမ်သည် ပူဖောင်းကဲ့သို့ လေများပြည့်တင်းနေပြီး လက်ဖြင့် ပွတ်ကြည့်လျှင် "ဗုံဗုံ" ဟူသော လေသံကို ကြားရပါသည်။

     - အစာအိမ်တွင် လက်ရာများ ထင်ကျန်ခြင်းမရှိတော့ဘဲ လေ၏ တွန်းကန်မှုကို တွေ့ထိရပါသည်။

     - အသက်ရှူနှန်းမြန်ခြင်း၊ ဆီးနှင့် ဝမ်းပျော့ပျော့ မကြာခဏသွားခြင်း။

     - မြေကြီးကို ခွာဖြင့် မကြာခဏပေါက်နေခြင်း( ဝမ်းဗိုက်ထဲက လေနာခံစားနေရသောကြောင့် ဖြစ်သည်။ )

     - အိပ်လိုက်၊ ရပ်လိုက်ဖြင့် အငြိမ်မနေဖြစ်နေခြင်း စသည့်လက္ခဏာများကို တွေ့ရတတ်သည်၊။

သတိပြုရန်

     လေဖောင်းရောဂါဖြစ်နေသော ကျွဲ၊ နွား၏ အစာအိမ်သည် မူလထက် ပိုမိုကြီးထွားလာပြီး ခန္ဓာကိုယ်၏ အရှေ့ဘက်ရှိအဆုတ်ကို ဖိညှစ်ထားသဖြင့် အသက်ရှူကျပ်လာရာမှ အချိန်မီကုသခြင်း မပြုလုပ်ပေးနိုင်လျှင် အသက်ရှူကျပ်ပြီး ရုတ်တရက်လဲကျသေဆုံးတတ်ပါသည်။

ကုသခြင်း

     ရောဂါအခြေအနေအရ ကျွဲ၊ နွား၏ ခါးလယ်ပိုင်းကို ခါးညှပ်သွင်းရန် မဖြစ်နိုင်ပေ။ ထို့ကြောင့် ကျွဲ၊ နွားရပ်နေသည့်အချိန် နဖူးကြိုးမှ ဆွဲကိုင်ထားပြီး အခြားတစ်ယောက်မှ ကျွဲ၊ နွား၏ ပါးစပ်ကို ဖြဲ၍ လျှာကို လက်ဖြင့်ကိုင်ကာ သွင်းလိုက်ထုတ်လိုက်( လေထိုးသကဲ့သို့ ပြုလုပ်ပေးရပါမည်။)

     - ထိုအခါ ကျွဲ၊ နွား၏ ပါးစပ်မှ လေချဥ်များ "ဂွီဂွီ"ဟု အသံမြည်ကာ ထွက်လာပါလိမ့်မည်။ ကျွဲ၊ နွားများမှာလည်း သက်သာ၍ အနည်းငယ် ငြိမ်သွားစဥ် အခြားတစ်ယောက်က နောက်မှနေ၍ ကျွဲ၊ နွား၏ စအိုထဲသို့ လက်နှိုက်၍ အူလမ်းကြောင်းမှလေများ စမြင်းတုံးများကို ဖယ်ရှားထုတ်ပစ်ရပါမည်။

     - ကျွဲ၊ နွား၏ စအိုထဲသို့ လက်နှိုက်သည့်အခါ လက်ကို ဆပ်ပြာနှင့် သုတ်ပြီးမှ နှိုက်ရမည်ကို အထူးသတ်ပြုစေလိုပါသည်။

     - ထို့နောက် သင်္ဘောရိုးအခေါင်းပွကို တစ်တောင်ခန့်ဖြတ်ယူပြီး ကျွဲ၊ နွား၏ စအိုအတွင်းသို့ လေချူလိုက်သကဲ့သို့ တန်းလန်းထည့်ပေးရမည်။ သို့မှ လေများ မကြာခဏ ထွက်နေပါလိမ့်မည်။

     - အထက်ပါပြုစုခြင်းကို စိတ်ချရလောက်သည့်အချိန်အထိ ဆက်လက်ပြုလုပ်ပေးရပါမည်။ လုံးဝကောင်းမွန်သည့် အခြေအနေသို့ရောက်လျှင် အိမ်သုံးဆားလက်တစ်ဆုပ်စာလောက်ကို ကျွဲ၊ နွား၏ ပါးစပ်အတွင်းသို့ ထည့်ခွံပေးပါ။

     - ရေကျက်အေး အနည်းငယ်ကို တိုက်ပေးရပါမည်။ အစာကြမ်းကို လုံးတမကျွေးရသေးပါ။ ထမင်းရည်ကိုသာ တိုက်ပေးရပါမည်။

     - စားမြုံပြန်၍ လန်းလန်းဆန်းဆန်းဖြစ်လာသည့်အခြေအနေသို့ ရောက်လာသည့်အခါမှသာ အစာကျွေး၍ ပုံမှန်အသုံးပြုရပါမည်။

     အစာအိမ်လေဖောင်းခြင်းသည် ကျွဲ၊ နွားများအတွက် အသက်အန္တရာယ်အနီးဆုံးနှင့် အမြန်ဆုံးဖြစ်တတ်၍ ကျွဲ၊ နွားမွေးမြူသူများအနေဖြင့် အထူးဂရုစိုက်ရပါမည်။

ဦးဇော်(dof)

မှီငြမ်း- ဦးဝင်းဇော်(သုံးဆယ်)၏ တိရစ္ဆာန်ရိုးရာကုထုံးစာအုပ်မှာ ကောက်နှုတ်ဖော်ပြပါသည်။

ဆောင်းပါးများ/ သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more