“ ဥစားဘဲ နှင့် အသားစားဘဲ ”

ဘဲမွေးမြူရေးဟာ စီးပွားရေးအရ တွက်ခြေကိုက်ပြီး သေချာစွာလုပ်ကိုင်ရင် အလွန်ဆုံး ၂ နှစ်မှ ၃ နှစ်အတွင်း ဝင်ငွေကောင်းကာ စီးပွားလမ်းဖြောင့်တဲ့ လုပ်ငန်းတစ်ခု ဖြစ်ပါတယ်။

အသား၊ ငါး ကို လူတိုင်းဝယ်မစားနိုင်ပေမယ့် ဘဲဥကတော့ ဈေးသက်သက်သာသာနဲ့ ဟင်းဖြစ်နိုင်တာမို့ အများစု စားသုံးကြတော့ ဈေးကွက်လည်း ကျယ်ပြန့်ပါတယ်။ ဘဲသားဟာလည်း လူကြိုက်များတဲ့ဟင်းလျာတစ်မျိုးဖြစ်လို့ ဝယ်လိုအားမြင့်တဲ့ထဲ ပါဝင်တဲ့အသားတစ်မျိုးပါ။

ဘဲမွေးမြူရေးမှာမှ အခြေခံအားဖြင့် ဥစားဘဲနဲ့ အသားစားဘဲ မွေးမြူရေးဆိုပြီး ကွဲပြားပါတယ်။

ဆိုတော့ ဥစားဘဲတွေက ဘယ်လိုမျိုးလဲ? အသားစားဘဲတွေက ဘယ်လိုမျိုးလဲ? ဘယ်လိုမွေးပြီး ဘယ်လို အစာကျွေးကြမလဲ?

ဥစားဘဲ

ဥစားဘဲတွေဟာ အိန္ဒိယပြေးဘဲ(Indian Runner) နဲ့ ကာကီကမ်းဘဲလ်(Khaki Campbell) တို့ကို မွေးမြူမှုများပြီး လက်ရှိမြန်မာနိုင်ငံရဲ့ ရာသီဥတုနဲ့ ကိုက်ညီတဲ့ အမျိုးအစားများ ဖြစ်ပါတယ်။

(၁) အိန္ဒိယပြေးဘဲ(Indian Runner)

ဒီဘဲတွေဟာ သွက်လက်လျင်မြန်ပြီး အမွှေးအတောင်များသပ်ရပ်ပါတယ်။ ရင်ညွန့် ပြားပြီး အမြီးပိုင်းဆီ ချွန်ပါတယ်။ ကိုယ်ထည်မှာ တည့်မတ်ပြီး ခြေထောက်က နောက်ပိုင်းကျကျရှိတတ်ပါတယ်။ လည်ပင်းက ရှည်ပြီး ခပ်မတ်မတ်ရှိပါတယ်။ ကိုယ်ထည်နဲ့စာရင် အတောင်ဟာ အနည်းငယ်တိုပါတယ်။ ပေါင်တံ ရှည်ပြီး သန်မာပါတယ်။ အရောင်အသွေးအားဖြင့် အဝါညို(သို့) အညိုဖျော့ဖျော့ အရောင်ရှိတတ်ပါတယ်။

ဝမ်းဗိုက်ရှိအမွှေးများဟာ ဖျော့ပြီး အမြီးပိုင်းမှာ အနည်းငယ်ကျားကာ အရောင်ရင့်တတ်ပါတယ်။ ကိုယ်အလေးချိန် မှာ ပျှမ်းမျှနှုန်းအားဖြင့် အထီးဆိုရင် ၁ပိဿာကနေ ၁.၅ ပိဿာ ၊ အမဆိုရင်၈၀ ကျပ်သားကနေ ၁.၂၅ ပိဿာအထိ ရှိတတ်ပါတယ်။

(၂) ကာကီကမ်းဘဲလ်(Khaki Campbell)

ဒီဘဲတွေကတော့ အိန္ဒိယပြေးဘဲမျိုးထက် ဥစံချိန်ကောင်းပြီး အကောင်လည်း ပိုကြီးပါတယ်။ နှုတ်သီးကြီးပြီး ဖြောင့်တန်းလျက်ရှိပါတယ်။ မျက်နှာပြည့်ဖြိုးပြီး ကိုယ်ထည်ဟာ အထက်အောက် အနည်းငယ်ပြားပြီး လက်ပြင်ရိုးမှာ မြီးညှောင့်ရိုးထက်မြင့်ပါတယ်။ ပေါင်တံ အသင့်အတင့်သာရှိပြီး ခြေထောက်အနေအထားက အိန္ဒိယပြေးဘဲလို ဝမ်းဗိုက်နောက်ပိုင်း အများကြီးမကျပါဘူး။

အရောင်အသွေးအားဖြင့် ကိုယ်ထည်မှာ ကာကီရောင်ရှိပြီး ဦးခေါင်း၊ လည်ပင်း၊ အမြီး၊ အတောင်တို့မှာ ခပ်စိမ်းစိမ်း နှင့် ညိုညိုရှိကြပါတယ်။ နှုတ်သီးမှာ အစိမ်းရင့်(သို့) အနက်ရောင် ရှိကြပြီး ခြေထောက်ခြေဖျားများ လိမ္မော်ရောင် ရှိကြပါတယ်။ ဘဲမများဆိုရင် တစ်ကိုယ်လုံး ကာကီရောင်အမွှေးများ ဖုံးနေတတ်ပါတယ်။ အလေးချိန်မှာ အထီး ၁.၅ ပိဿာ ၊ အမ ၁.၂၅ ပိဿာ လောက် ရှိတတ်ကြပါတယ်။

အသားစားဘဲ

အသားစားဘဲတွေထဲမှာတော့ ပီကင်းဘဲ(Peking) နဲ့ အိုင်းလစ်ဘယ်ရီဘဲ (Aylesbury) ဟာ နာမည်ကြီးကြ ပါတယ်။

(၁) ပီကင်းဘဲ (Peking)

အသားစားဘဲထဲမှာတော့ တော်တော်နာမည်ကြီးပြီး အတော်များများလည်း သိကြမှာပါ။ ပီကင်းဘဲဟာ ကိုယ်ထည်ကြီးမားကြံ့ခိုင်ပြီး ဦးခေါင်းလုံးကာ နဖူးမောက်ပါတယ်။ လည်ပင်းတုတ်ခိုင်ပြီး ရှည်လျားပါတယ်။ အမြီးပြန့်ပြီး အနည်းငယ် ကော့နေတတ်ပါတယ်။ ခြေထောက်တွေ သန်စွမ်းတောင့်တင်းပြီး ကိုယ်ရဲ့ နောက်ပိုင်း ခပ်ကျကျ ရှိတတ်ပါတယ်။

အရောင်မှာ အဝါရောင်ခပ်ဖျော့ဖျော့ရှိခဲ့ပေမယ့် ယခုအခါမှာတော့ အဖြူရောင်ရှိလာပါတယ်။ အလေးချိန်မှာ အထီး ၂.၅ ပိဿာ၊ အမ ၂.၂၅ ပိဿာလောက် ရှိတတ်ကြပါတယ်။

(၂) အိုင်းလစ်ဘယ်ရီဘဲ (Aylesbury)

အသားတိုးနှုန်းကောင်းပြီး ဥစံချိန်အသင့်အတင့်သာရှိပါတယ်။ ကိုယ်ထည်ရှည်ပြီး ကျယ်ပြန့်ပါတယ်။ အရိုးကြီးလို့ ခန္ဓာကိုယ်အလေးချိန်ကို ကောင်းစွာထိန်းနိုင်ပါတယ်။ အမြီးတိုပြီး သန်မာသော အမြီးအတောင်များ ရှိကြပါတယ်။ ခြေထောက်များတိုပြီး အထူးသန်မာကြပါတယ်။ အရောင်မှာ အဖြူရောင်ရှိကြပြီး အထီးဟာ ၂.၃ ပိဿာခန့် ၊ အမဟာ ၂ ပိဿာကျော်ခန့် ရှိကြပါတယ်။

အသားစားဘဲများကို ထုတ်ရောင်းရန်ကောင်းတဲ့အချိန်မှာ ၁ဝ ပတ်မှ ၁၄ ပတ်အတွင်းဖြစ်လို့ လုပ်ငန်းရှင် များအနေနဲ့ ဘဲများရဲ့အသက်(၆-၁၂)ပတ်အတွင်း ကောင်းစွာဖွံ့ဖြိုးနေအောင် အစာကို ဂရုစိုက်ကျွေးမွေးရန် လိုအပ်ပါတယ်။

- ဥစားဘဲမျိုးဆိုရင် အထီး ၁ ကောင်၊ အမ ၆ ကောင်

- အသားစားဘဲမျိုးဆိုရင် အထီး ၁ကောင်၊ အမ ၃ကောင် နှုန်း အတူထား မွေးသင့်ပါတယ်။

သာမန်အားဖြင့်ဘဲဟာ အရွယ် ၆လသားမှာ ဥစတင်ဥပေမယ့် အကောင်ဖောက်ရန်အကောင်းဆုံး အရွယ်ကတော့ ၁-၂ နှစ် အရွယ်ကြားဖြစ်ပါတယ်။ ဥ ဥရာမှာ မနက် ၆ နာရီမတိုင်မီ အများဆုံးဥတတ်ကြပါတယ်။

နွေအစောပိုင်းကာလ (ဧပြီ-မေ)လတေွမှာ ဘဲများကိုသားဖောက်ခြင်း၊ ဝပ်ခြင်း မပြုလုပ်သင့်ပါဘူး။ စီးပွားဖြစ် ဘဲမွေးမြူမယ်ဆိုရင် မနက်ပိုင်းမှာ ဖွဲ၊ ဆန်ကွဲ၊ ပုစွန်ဖွဲ (သို့) ငါးမှုန့်ကို ရောစပ်ကျွေးပြီး ညနေပိုင်းမှာတော့ မှော်စာများကျွေးရုံဖြင့် ပြီးနိုင်ပါတယ်။

အရေးကြီးတာက ဘဲသဘာဝအရ ရေနဲ့ကင်းကွာလို့ မရတာကြောင့် ဘဲများမကြာခဏ ရေဆင်းစိမ်နိုင်ဖို့ သဘာဝ မြစ်၊ ချောင်း၊ အင်းအိုင်များရှိရေး ဖြစ်ပါတယ်။ အဲ့ဒီလိုသဘာဝရေအိုင်များထဲမှာ ဘဲများစားတတ်တဲ့ ပိုးမွှားကောင် ငယ်များနဲ့ မှော်ဇာပင်များရှိတတ်လို့ ဘဲစာအတွက် ပြည့်စုံစေပါတယ်။

ကဲ..ဒီတော့ ဘဲအကြောင်းသဘောပေါက်ကြပြီး ဘဲမွေးမြူသူများ စီးပွားရေးတွက်ခြေကိုက်လို့ အဆင်ပြေ ကြပါစေဗျ။

ရေးသားသူ- ဦးဇော် (dof)

မှီငြမ်း- မွေး/ကု ဦးစီးဌာနတွင် သင်တန်းတက်ခဲ့စဉ်က မှတ်စုများ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...