မြန်မာ့မွေးမြူရေးငါးများ ယခုနှစ် ဒီဇင်ဘာ ၁ ရက်မှစ၍ အီးယူသို့ တင်ပို့ခွင့်ရရှိပြီ

 မြန်မာနိုင်ငံမှ ရေထွက်ပစ္စည်း ၁ဝ မျိုးကို အီးယူ၏ခွင့်ပြုချက်ဖြင့် ၂ဝ၁၈ ခုနှစ် ဒီဇင်ဘာ ၁ ရက်မှစ၍ တိုင်းဒေသကြီးသုံးခုမှ ရေထွက်ပစ္စည်း ၁ဝ မျိုးကို ပြည်ပသို့ တင်ပို့ခွင့်ရရှိပြီဖြစ်ကြောင်း ရန်ကုန်တိုင်းဒေသကြီး ငါးလုပ်ငန်းဦးစီးဌာနမှ သိရ သည်။
 
မြန်မာနိုင်ငံမှ ငါးမြစ်ချင်းငါးကို ပြည်ပသို့ အဓိကတင်ပို့လျက်ရှိပြီး တစ်နှစ်ခန့် ဈေးကွက်ပျောက်လျက်ရှိရာ ယခုအခါ ကမ္ဘာ့နိုင်ငံများစားသုံးလျက်ရှိသည့် ငါးတန် ကို တင်ပို့နိုင်ရန် မွေးမြူထုတ်လုပ်လျက်ရှိကြောင်း၊ ပြည်တွင်းရှိ ပင်လယ်ပိုင်း၊ ကုန်းတွင်း ပိုင်းနှင့်မွေးမြူရေးပိုင်းမှ ငါးများကို ပြည်ပသို့ တင်ပို့ရာတွင် အီးယူ၏ စစ်ဆေး အတည်ပြု ချက်ဖြင့် ၂ဝ၁၃ ခုနှစ်တွင် စက်ရုံပေါင်း ၂ဝ မှ တင်ပို့လျက်ရှိပြီး မွေးမြူရေးငါးကို တင်ပို့နိုင်ခြင်း မရှိသေးဘဲ သဘာဝ ငါး၊ ပုစွန်များကိုသာ တင်ပို့ခဲ့ကြောင်း သိရသည်။
 
မြန်မာနိုင်ငံတွင် ငါးဦးစီးလက်အောက် တွင်ရှိသော ISO အသိအမှတ်ပြု ဓာတ်ခွဲခန်းကို ၂ဝ၁၂ ခုနှစ်တွင် စံပြု အဆင့် ၂၅ တွင်ရရှိထားပြီး ဆေးဝါးနှင့် ပတ်သက်၍ FDA အသိအမှတ်ပြု အဖြစ် မကြာမီက ရရှိထားပြီးဖြစ်ကာ အစားအစာနှင့် ပတ်သက်သော ISO အတွက် ၂ဝ၁၈ ခုနှစ်တွင် လာရောက် စစ်ဆေးခဲ့ရာ ယခု အောက်တိုဘာလ တွင် သဘာဝငါး၊ ပုစွန်၊ ကဏန်းများ သာမက မွေးမြူရေးငါးများကို တင်ပို့ ခွင့်ပြုခဲ့ပြီဖြစ်ရာ ဒီဇင်ဘာ ၁ ရက်မှစ၍ အသက်ဝင်ပြီဖြစ်ကြောင်း၊ ရန်ကုန်၊ ဧရာဝတီနှင့် တနင်္သာရီတိုင်းဒေသကြီး တို့မှ သဘာဝနှင့် မွေးမြူရေး ငါး ၊ ပုစွန်၊ ကဏန်းတို့ကို တင်ပို့နိုင်ပြီဖြစ်ကြောင်း သိရသည်။
 
▲▲စက်ရုံ ၁၃ ရုံကနေ တင်ပို့▲▲
 
''EU ရဲ့ အတည်ပြုချက်နဲ့ ဒီနှစ် ဒီဇင်ဘာ ၁ ရက်ကစပြီး ငါး၊ ပုစွန်၊ ကဏန်းအပါအဝင် ၁ဝ မျိုးကို စက်ရုံ ၁၃ ရုံကနေ တင်ပို့လို့ရပါပြီ။ ရန်ကုန် တိုင်းဒေသကြီးမှာဆိုရင် ရေချိုငါးအနေနဲ့ တွံတေး၊ ကဏန်းဆိုရင် ကျောက်တန်း၊ ဧရာဝတီတိုင်းဒေသကြီးက ရေချိုငါး၊ ပုစွန်ကျား နဲ့ပုစွန်ဖြူ၊ ကဏန်းပျော့လည်း ပါမယ်။ တနင်္သာရီ တိုင်းဒေသကြီးမှ ကဏန်းပျော့ပါမယ်။ အားလုံးအမျိုး အစား ၁ဝ မျိုးပါမယ်။ ရန်ကုန်တိုင်းဒေသ ကြီးမှာဆိုရင် တွံတေး၊ ကျောက်တန်း၊ ဧရာဝတီ တိုင်းဒေသကြီးမှာ ဆိုရင် ညောင်တုန်း၊ မအူပင်၊ လပွတ္တာ၊ ငပုတော၊ ပုသိမ်၊ တနင်္သာရီ တိုင်းဒေသကြီးဆိုရင် ကျွန်းစုမြို့နယ်က ထွက်တဲ့ ကဏန်းပျော့ ပါမယ်။ ပြည်ပ ငါးတင်ပို့မှုအတွက် အားရစရာပါပဲ။ ငါးတန်တင်ပို့နိုင်ဖို့ တရုတ်ပြည် ပေကျင်းမှာရှိတဲ့ မြန်မာ သံရုံးက ဆောင်ရွက် ပေးနေပါတယ်။ ရေထွက် ပစ္စည်းတင်ပို့နိုင်တဲ့ စက်ရုံ ၂၁ ရုံကို EU က ခွင့်ပြုထားပြီးတော့ စက်ရုံနှစ်ရုံကို တင်ပြထားပါတယ်။ အဲ့ဒီ စက်ရုံ ၂၁ ရုံထဲက ၁၃ ရုံက တင်ပို့လို့ရပါ ပြီ'' ဟု ရန်ကုန်တိုင်းဒေသကြီး ငါး လုပ်ငန်းဦးစီးဌာနမှ ဒုတိယညွှန်ကြားရေး မှူး ဦးသက်နိုင်က ပြောသည်။
 
▲▲မွေးမြူရေးထွက်ကုန်များ တိုးမြှင့်▲▲
 
စိုက်ပျိုးရေးကိုအခြေခံသော နိုင်ငံ ဖြစ်သည်နှင့်အညီ ရေထွက်ပစ္စည်း ပို့ကုန်ဖြင့်လည်း ပြည်ပဝင်ငွေရရှိမည် ဖြစ်ရာ EU အသိအမှတ်ပြု ငါး၊ ပုစွန် တို့ကိုလည်း တင်ပို့နိုင်ပြီဖြစ်၍ မွေးမြူရေးထွက်ကုန် နှစ်စဉ် ၅ဝ ရာခိုင်နှုန်း တင်ပို့သောဗီယက်နမ်နိုင်ငံကဲ့သို့ မြန်မာ နိုင်ငံအနေဖြင့် မွေးမြူရေးထွက်ကုန် များ တိုးမြှင့်တင်ပို့နိုင်ရန် ငါးလုပ်ငန်း ဦးစီးဌာန မြန်မာနိုင်ငံငါးလုပ်ငန်းအဖွဲ့ ချုပ်နှင့် မိတ်ဖက်အဖွဲ့အစည်းများ ပူးပေါင်းဆောင်ရွက်လျက် ရှိကြောင်း သိရသည်။
 
ပြည်ပသို့ စတင်တင်ပို့မည့် ငါးတန် နှင့်ပတ်သက်၍ ဒုတိယညွှန်ကြားရေးမှူး ဦးသက်နိုင်က ''ငါးတန်ကို ကျွန်တော် တို့နိုင်ငံမှာ မွေးတာတော့ကြာပြီ။ ဗီယက် နမ်မျိုး၊ ထိုင်းမျိုးနဲ့ သဘာဝငါးတန်မျိုး တွေရှိမယ်။ နောက်ပိုင်း တရုတ်က ထုတ်လုပ်မှုပုံစံ အမျိုးမျိုးနဲ့ ငါးဝယ်ယူ မှုများလာတယ်။ မြန်မာနိုင်ငံမှာ မွေးမြူ တဲ့ငါးရဲ့ ၇ဝ ရာခိုင်နှုန်းဟာ ငါးမြစ်ချင်း ဖြစ်နေတယ်။ ကျန်တဲ့ ၁၅ ရာခိုင်နှုန်းဟာ ငါးတန်ကိုမွေးတယ်။ ကျန်တာက အခြားငါးမျိုးတွေ။ ပြည်ပစားသုံး မှုများတဲ့ ငါးတန်မှန်းသိတဲ့အချိန်မှာ တရုတ်ပြည်ကို တင်ပို့ဖို့ အားလုံး ချိတ်ဆက် ဆောင်ရွက်ထားပါပြီ'' ဟု ဖြည့်စွက်ပြောကြားသည်။
 
▲▲ဒီဇင်ဘာ ၁ ရက်မှ စတင်▲▲
 
ငါးမြစ်ချင်းနှင့် ပတ်သက်၍ ဆက်လက်တင်ပို့နိုင်ရန် ဆွေးနွေးလျက် ရှိပြီး က္ဘာ့နိုင်ငံများ စားသုံးသည့် ငါးတန် ကိုလည်း တင်ပို့နိုင်ရန် စတင်မွေးမြူ လျက်ရှိကာ သဘာဝငါးများကိုသာ EU ၏ အသိအမှတ် ခွင့်ပြုမှုဖြင့် တင်ပို့ နေရာမှ ယခုအခါ မွေးမြူရေးငါးများကို လည်း စက်ရုံ ၁၃ ရုံမှ ဒီဇင်ဘာ ၁ ရက် မှ စတင်၍ တင်ပို့ခွင့် ရပြီဖြစ်ကြောင်း သိရသည်။
 
Source - Ministry of information

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more