ဝက်စာတွင်ပါဝင်ရမည့် အာဟာရဓာတ်များနှင့် အချိုးအစားများ အပိုင်း(၁)

ဝက်မွေးမြူသူများအနေဖြင့် ဝက်များ၏ကြီးထွားနှုန်းနှင့် သားပေါက်နှုန်းကောင်းမွန်ရန် ၊ ကျန်းမာသန်စွမ်းစေရန် အတွက် အာဟာရဓာတ် စုံလင်စွာပါရှိသော အစားအစာများကို ကျွေးမွေးပေးရန် လိုအပ်ပါသည်။ 

ဝက်များသည် ကြီးထွားနှုန်းမြန်သည့် တိရစ္ဆာန်ဖြစ်သည့်အတွက် ၎င်းတို့၏ ကြီးထွားနှုန်းပုံမှန်ရှိစေရန် လုံလောက်သောအာဟာရပါဝင်သည့် အစားအစာများကို ကျွေးမွေးပေးရမည် ဖြစ်သည်။

ဝက်များအတွက် အဓိကလိုအပ်သော အာဟာရများမှာ -

• (၁) အာဟာရစွမ်းအင် (Energy) အသားဓာတ်( Protein) နှင့်
• (၂) အမိုင်နိုအက်စစ်တစ်မျိုးဖြစ်သည့် လိုင်စင်း(Lysine) အာဟာရဓာတ်များဖြစ်ပြီး

လုံလောက်စွာကျွေးမွေးရန် လိုအပ်ပါသည်။

အာဟာရစွမ်းအင်သည် ဝက်များရှင်သန်နိုင်ရန်နှင့် ကြီးထွားရန်အတွက်သာမက သားပေါက်နှုန်းကောင်းမွန်ရန်အတွက်လည်း လိုအပ်လှပေသည်။

အသားဓာတ်(Protein) နှင့် အမိုင်နိုအက်စစ်(Amino acid) 

အသားဓာတ်(Protein) သည် ဝက်များကြီးထွားမှုနှင့် အသားဖြစ်ပေါ်စေမှုအတွက် လိုအပ်ပါသည်။ အသားဓာတ်၏ အခြေခံအုတ်မြစ်များမှာ အမိုင်နိုအက်စစ်(Amino acid) ဖြစ်သည်။ ဝက်စာထဲတွင် အမိုင်နိုအက်စစ်တစ်မျိုးချင်းအလိုက်  ပါဝင်မှုနှုန်းသည် ဝက်အာဟာရအတွက် အလွန်ပင်အရေးကြီးပါသည်။

အစာခွက် 

အစားအစာသည် အရေးကြီးသကဲ့သို့ အစာခွက်လုံလောက်မှုရှိရန်မှာလည်း အရေးကြီးလှပါသည်။ အစာခွက်လုံ လောက်မှုမရှိပါက ဝက်များကြီးထွားနှုန်း မညီတော့ဘဲ အရည်အသွေးညံ့သော ဝက်များစွာ တွေ့ရမည်ဖြစ်ပါသည်။ 

၈ ပတ်သားအရွယ် ဝက် ၁ ကောင်အတွက် အစာခွက် အလျား(၁.၅)ပေ၊ အသားတိုးဝက်အတွက်(၂) ပေနှင့် ဝက်ကြီးများအတွက် (၃) ပေ စသဖြင့် ထားပေးမှသာ ဝက်များတစ်ပြိုင်နက် အစာစားနိုင်မည်ဖြစ်ပြီး ကြီးထွားနှုန်းညီမည်ဖြစ်ပါသည်။

ဝက်စာရောစပ်ခြင်း

ဝက်အစာရောစပ်ရာတွင် ဝက်များ၏ အသက်အရွယ်ကိုလိုက်ပြီး အာဟာရပါဝင်မှုအချိုးကို ထည့်သွင်းစဉ်းစားရ မည် ဖြစ်ပါသည်။ 

ဝက်များအသက်အရွယ်ကြီးလာသည်နှင့်အမျှ ခန္ဓာကိုယ်တွင်း အဆီပါဝင်မှု တိုးမြင့်လာပါသည်။ အလေးချိန် နည်းသော ဝက်ငယ်များသည် အချိန်စီးသော ဝက်ကြီးများနှင့် နှိုင်းယှဉ်ပါက အဆီပါဝင်မှုနည်းပြီး အသားပါဝင်နှုန်း ပိုပါသည်။

ထို့ကြောင့် ဝက်ငယ်များ၏အစာတွင် ခန္ဓာကိုယ်၏ အာဟာရလိုအပ်ချက်အရ အမိုင်နိုအက်စစ် ပိုမိုလိုအပ်ပါသည်။

(အပိုင်း-၂ တွင် ဝက်စာတွင်ပါဝင်ရမည့် အစာအမျိုးအမည်များနှင့် အချိုးအစားများကို ဖော်ပြပေးပါမည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more