ဝက်စာကျွေးရာတွင် ပါဝင်ရမည့် အာဟာရဓာတ်များနှင့် အစာအချိုးအစားများ အပိုင်း-၂

ဝက်စာတွင်ပါဝင်ရမည့် အစာအမျိုးအမည်များမှာ-

(၁) ပြောင်း
(၂) ဆန်ကွဲ
(၃) ဖွဲနု
(၄) သကာရည်
(၅) ပီလောပီနံဥ
(၆) ငါးမှုန့်၊ ပုစွန်ဖွဲ
(၇) သစ်ဥ
(၈) ပဲဖတ်၊ နှမ်းဖတ်၊ နေကြာဖတ် နှင့် ဆီကြိတ်ဖတ်တို့ဖြစ်ပါသည်။

၁။ ပြောင်း

ပြောင်းတွင် ကစီဓာတ်နှင့် အဆီဓာတ်များ ပါဝင်ပါသည်။ ပရိုတင်းဓာတ်ပါဝင်မှု နည်းပါသည်။ ပြောင်းပါဝင်မှု အချိုးများသောအစာကို စားရသောဝက်များသည် အဆီတက်နှုန်း များပါသည်။

ပြောင်းကိုကျွေးရာတွင် ကြိတ်ပြီးမှကျွေးရပါမည်။ သို့မဟုတ်လျှင် အစာကြေချက်မှု မကောင်းချေ။

၂။ ဆန်ကွဲ

ဝက်အစာစပ်ရာ၌ ဆန်ကွဲကို အချိုးကျပါဝင်ရောစပ်ပေးနိုင်ပါသည်။ ဆန်ကွဲပါဝင်မှု ၂၅ % အထိ ရောစပ်၍ ကျွေးမွေးနိုင်ပါသည်။

၃။ ဖွဲနု

ဝက်ငယ်များကို ဖွဲနု မကျွေးသင့်ပါ။ ဝက်ကြီးများအတွက်ကိုမူကား ၁၀ % ထက် မပိုသည့် အချိုးဖြင့် ရောစပ် ကျွေးနိုင်ပါသည်။

၄။ သကာရည်

သကာရည်ကို ဝက်အစာများထဲတွင် ရောစပ်ကျွေးနိုင်ပါသည်။ ဝက်အများစုက သကာရည်ကို နှစ်သက်ကြပါသည်။ အစာထဲသို့ ၂၀ %အထိ ရောစပ်ကျွေးမွေးနိုင်ပါသည်။

၅။ ပီလောပီနံဥ

ပီလောပီနံဥနှင့် အခွံများသည် ဝက်အာဟာရအတွက် အသုံးဝင်သောအစာဖြစ်သည်။ ပီလောပီနံတွင် အဆိပ်အတောက် ပါဝင်သည့်အတွက် အစိမ်းမကျွေးဘဲ ပြုတ်ပြီးမှကျွေးရပါမည်။ ပီလောပီနံဥမှာ ပြောင်းနှင့် အလားတူ အာဟာရဓာတ် ပါဝင်ပါသည်။

၆။ ငါးမှုန့်၊ ပုစွန်ဖွဲ

ငါးမှုန့်၊ ပုစွန်ဖွဲ စသည်တို့မှာ ပရိုတင်းဓာတ် အများဆုံး ပါဝင်သည့်အတွက် ဝက်စာအဖြစ်အသုံးဝင်ပါသည်။ဝက်ငယ်များအတွက် ၁၀ % အချိုး ထည့်ပေးရပါမည်။

၇။ သစ်ဥ

သစ်ဥအမျိုးမျိုးသည် ဝက်များ၏ သဘာဝအစာ ဖြစ်သည့်အတွက် ကျွေးမွေးရန် သင့်တော်ပါသည်။

၈။ ပဲဖတ်၊ နှမ်းဖတ်၊ နေကြာဖတ်၊ ပဲပုတ်ဖတ်နှင့် ဆီကြိတ်ဖတ်များ

ဆီကြိတ်ဖတ်များ၊ ပဲဖတ်၊ နှမ်းဖတ်၊ နေကြာဖတ်နှင့် ပဲပုတ်ဖတ်များသည် ဝက်စာအတွက်အထူးအသုံးဝင်ပြီး အာဟာရဓာတ်ပါဝင်နှုန်း ကောင်းမွန်ပါသည်။

ဝါစေ့ဖတ်တွင်မူ အဆိပ်တစ်မျိုးပါဝင်သည့်အတွက် ၅%ထက်ပို၍ ကျွေးမွေးရန်မသင့်ချေ။

အခြားဆီကြိတ်ဖတ်များကိုတော့ ၁၀% မှ ၂၀ % အထိ ရောစပ်ကျွေးမွေးနိုင်ပါသည်။

၉။ သကြား

သကြားအကြမ်းများကို ဝက်ငယ်များ စောစောနို့ခွဲရန်အတွက် နို့စို့ဝက်ငယ်အစာတွင် ၁၀% မှ ၂၀% အထိရောစပ်ကျွေးမွေးနိုင်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ