ကကတစ်ငါး မွေးမြူနည်း

ကကတစ်ငါးအကြောင်း

ကကတစ်ငါးမှာ ရေငန်၊ ရေချို ရေငန်စပ်၊ ရေချိုဒေသများတွင် နေထိုင်ကြပါသည်။ မျိုးပွားရာသီတွင် ရေငန်သည့် ပင်လယ်ဝ (၂၈-၃၂ PPT)၌ မျိုးပွားကြပါသည်။ အသားစားငါးများဖြစ်ပြီး သားပေါက်များမှာ အငန်နှုန်းနိမ့်ရာ မြစ်၊ချောင်း၊ ဒီရေတောများ၌ ရှင်သန်ကြီးထွားကြသည်။ အထီးမှ အမသို့ လိင်ပြောင်းလဲတတ်သည့် ငါးဖြစ်သည်။

မွေးမြူသင့်သည့် အကြောင်းအရင်း

- ကကတစ်ငါးမှာ အငန်နှုန်းပြောင်းလဲမှုဒဏ်ကို များစွာ ခံနိုင်ခြင်း၊

- ကြီးထွားနှုန်းကောင်းခြင်း၊

- ရေနောက်ကျိသည့်နေရာ၌ပင် အစားကောင်းစွာ စားနိုင်ခြင်း၊

- အကြမ်းခံနိုင်ခြင်း၊

- မွေးမြူထိန်းသိမ်းရန် ယဥ်ပါးလွယ်ခြင်း၊

- လူကြိုက်များပြီး ဈေးကွက်ကောင်းမွန်ခြင်း တို့ဖြစ်သည်။

အသားတိုး မွေးမြူနည်းစနစ်များ

(က) ရေပေါ်ပိုက်လှောင်အိမ် ( Floating net cage)

(ခ) မြေသားကန် (Pond)

(ဂ) လှောင်အိမ်အသေ (Stationary Cage)တို့ ဖြစ်ကြသည်။

နေရာရွေးချယ်ခြင်း

(က) ရေပေါ်လှောင်အိမ်

၁။ လှိုင်းလေမပြင်းထန်သည့်နေရာ

၂။ အငန်နှုန်း (၁၀ – ၃၀) PPT ရှိသည့်နေရာ

၃။ ဒီရေအစစ်ဆုံးအချိန်

၄။ သင့်တင့်သော ရေစီးနှုန်းရှိသည့် နေရာ

၅။ ရေညစ်ညမ်းမှု ကင်းသည့်နေရာ

၆။ ငါးစာများဝယ်ကူရန် လက်လှမ်းမှီသည့် နေရာ

၇။ လုံခြုံစိတ်ချရသည့် နေရာ တို့ဖြစ်ပါသည်။

(ခ) မြေသားကန်

၁။ ရေချိုရေငန်စပ်၊ ရေငန်အလွယ်တကူရရှိနိုင်သည့် နေရာ

၂။ အငန်နှုန်း (၁၀ – ၃၀) PPT ရရှိနိုင်သည့်နေရာ

၃။ ကုန်းမြေ မနိမ့်လွန်း၊ မမြင့်လွန်းသော နေရာ

၄။ မြေအချဥ်ဓါတ်နည်းသည့် နေရာ

၅။ ရွံ့စေး (သို့) ရွံ့နုန်းမြေနေရာ

၆။ ထောက်ပံ့ဆက်သွယ်ရေးလမ်း ကောင်းမွန်သော နေရာ

၇။ ရေပြင်ညစ်ညမ်းမှု ကင်းသည့်နေရာ

၈။ ငါးစာများဝယ်ကူရန် လက်လှမ်းမှီသည့် နေရာ

၉။ လုံခြုံစိတ်ချရသည့် နေရာ တို့ဖြစ်ပါသည်။

ကန်အရွယ်အစား

ရေပေါ်လှောင်အိမ်တွင် (၁၀ပေ Ž ၁၀ပေ), (၁၂ပေ Ž ၁၂ပေ), (၁၅ပေ Ž ၁၅ပေ) အရွယ်အစား ရှိရမည်။

မြေသားကန်တွင် (၀.၂၅)ဧက မှ (၁)ဧက အရွယ်အစားရှိရပါမည်။

သားပေါက်ထည့်သွင်းခြင်း

သားပေါက်အရွယ် - ၂.၅ လက်မကို ရေပေါ်လှောင်အိမ်တွင် ထည့်သွင်းပြီး (၁ လက်မ မှ ၂.၅ လက်မ)ကို မြေသားကန်တွင် ထည့်သွင်း မွေးမြူနိုင်ပါသည်။

ထည့်သွင်းနှုန်း - (၁၀ပေ Ž ၁၀ပေ Ž ၁၀ပေ) လှောင်အိမ်တစ်ခု၌ ကောင်ရေ (၆၀၀)နှုန်း/ (၁)ဧက မြေသားကန်၌ ကောင်ရေ (၃၀၀၀)နှုန်း ထည့်သွင်း မွေးမြူနိုင်ပါသည်။

ရေးသားသူ - ဦးဇော် (dof)

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်