နို့စားနွားမများ၏ အစာအာဟာရခွဲဝေ သုံးစွဲပုံ (အပိုင်း ၂)

နို့ပေးနွားမတွေကို အစာနုပမာဏတိုးကျွေးတိုင်း နို့ပိုမိုထုတ်လုပ်ပေးနိုင်တဲ့ အချိုးအစားကတော့ တစ်ကောင်နှင့်တစ်ကောင် မတူညီကြပါဘူး။

အချို့နွားမတွေက အစာကနေနွားနို့ကိုပြောင်းလဲထုတ်ပေးနိုင်မှုများတဲ့အခြေအနေမှာ ရှိပါတယ်။ ၎င်းနွားမများကို အစာနုပိုကျွေးပါက နို့ပိုမိုထုတ်လုပ်နိုင်သည့်အတွက် မိမိအတွက် အမြတ်ပိုမိုရရှိမှာ ဖြစ်ပါတယ်။

ဒါပေမဲ့ အချို့ကတော့ အစာမှ နွားနို့ပြောင်းလဲထုတ်လုပ်မှုနည်းလာသည့်အတွက် အစာပမာဏအများကြီးကျွေးနေပါက နွားမမှာ အနည်းငယ်ဝလာပြီး တောင်သူများအတွက်အစာကုန်ကျစရိတ်များစေကာ မလိုအပ်ဘဲ ငွေကြေးကုန်ကျမှုများစေမှာဖြစ်ပါတယ်။

ဥပမာအနေဖြင့် မွေးပြီး(၂)လအကြာနို့ပေးနွားမဟာ တစ်နေ့ကိုနွားနို့ ၁၀ပိဿာထုတ်လုပ်ပေးနေပြီး ခန္ဓာကိုယ်ပိန်နေပါက သူမဟာအစာကရတဲ့စွမ်းအင်ဓာတ်အားလုံးကို နွားနို့ထုတ်လုပ်ဖို့အတွက်အသုံးချ နေရသောကြောင့် ဖြစ်ပါတယ်။ ဒီလိုမျိုးနွားမကို လိုအပ်ချက်ပြည့်မီစေဖို့ အစာနုပိုတိုးကျွေးကြည့်သင့်ပါတယ်။

နောက်ထပ် ဥပမာအနေဖြင့် မွေးပြီး (၇)လအကြာ လက်ရှိနွားနို့ ၄ ပိဿာ ပေးနေပြီး ခန္ဓာကိုယ်အနည်းငယ် ဝနေပါက သူမဟာ ကျွေးလိုက်တဲ့အစာကရရှိသောစွမ်းအင်ဓာတ်ဓာတ်ကိုနွားနို့ထုတ်လုပ်ဖို့အတွက်အသုံးပြုတာလျော့နည်းသွားတဲ့အတွက်ကြောင့် ဖြစ်ပါတယ်။

ဒါကြောင့်မွေးမြူသူများအတွက် နို့ပေးနွားမများကို အစာနုအတိုးအလျော့ ပြုလုပ်ကျွေးမွေးပုံနှင့် မိမိအတွက် တွက်ခြေကိုက်မှု ရှိ/မရှိ တွက်ချက်ပုံကို အောက်ပါပုံတွင် ဥပမာအနေဖြင့် တွက်ချက်ဖော်ပြပေးထားပါတယ်။

ဥပမာ (၁) မွေးပြီး ၂ လအတွင်း နွားနို့ (၁၀) ပိဿာ ပေးနေပြီး ပိန်နေသာ နို့စားနွားကို အစာနု တိုးကျွေးခြင်းဖြင့် ဝင်ငွေပို ရ/မရ တွက်ချက်ကြည့်ခြင်း

- အစာနု ၁ ပိဿာစျေး = ၈၀၀ ကျပ်

- နွားနို့ ၁ ပိဿာစျေး = ၁၁၀၀ ကျပ်

- ထပ်တိုးကျွေးသည့် အစာနု ပမာဏ = ၂ ပိဿာ

- လျော့ကျွေးသည့် အစာနုပမာဏ = ၁.၅ ပိဿာ

ဥပမာ (၂) မွေးပြီး (၇) လအတွင်း နွားနို့ (၄) ပိဿာ ပေးနေပြီး အနည်ငယ်ဝနေသော နို့စားနွားမကို အစာနု လျော့ကျွေးခြင်းအား ဝင်ငွေပို ရ/မရ တွက်ချက်ကြည့်ခြင်း

မှတ်ချက် ။ ။ မိမိနွားမ၏ နို့ပေးကာလနှင့် ခန္ဓာကိုယ်အနေအထားပေါ်မူတည်၍ အစာနုကို အတိုး အလျော့ကျွေးမွေးရန်နှင့် နွားမ၏ နို့ထုတ်လုပ်ပေးမှုကို အစာအတိုးအလျော့ ပြုလုပ်ပြီး (၃) ရက် ကြာ စောင့်ကြည့်ပြီးမှ တွက်ချေကိုက်မှု ရှိ/မရှိ တွက်ချက်ရမည်။

နို့စားနွားမွေးမြူသူတောင်သူများခင်ဗျာ.....

မိမိနွားမ၏ နို့ထုတ်လုပ်မှုနှင့်အစာကုန်ကျ စရိတ်ကို မှတ်တမ်းပြုလုပ်ထားပြီး နို့ပေနွားမများ၏ နို့ပေးကာလနှင့် ခန္ဓာကိုယ်အနေအထား ပေါ်မူတည် ၍ အစာနုကိုအတိုးလျော့ ပြုလုပ်ပြီး တွက်ခြေ ကိုက်အောင်ကျွေးမွေးခြင်းဖြင့် အမြတ်ပိုမိုရအောင်ဆောင်ရွက် ကြပါစို့။

ဤဆောင်းပါးကို MDEP မှ ပံ့ပိုးကူညီပေးထားပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်