COVID-19 ဖြစ်စဉ်ပေါ်ပေါက်လာပြီးနောက် ငါးသားပေါက်ဈေးနှုန်းများ သိသိသာသာကျဆင်း

09/10/2020 19:00 PM တွင် ဒေါ်နန်းထက်ထက်ချစ် ဒေါ်နန်းထက်ထက်ချစ် မှ ရေးသား

    COVID-19 ဖြစ်စဉ် ပေါ်ပေါက်လာပြီးသည့်နောက်ပိုင်း၊ ငါးသားပေါက်အရောင်းအဝယ်မပျက်သော်လည်း ဈေးကွက်အတွင်းရှိ ငါးသားပေါက်ဈေးနှုန်းများမှာမူ သိသိသာသာကျဆင်းမှုရှိကြောင်း ငါးသားပေါက်ရောင်းဝယ်သူများထံမှ သိရသည်။

ငါးသားပေါက်က ဝယ်ယူတဲ့သူကတော့ မပြတ်ပါဘူး။ သို့သော် အရင်နှစ်တွေတုန်းကတော့ ဒီထက်ဈေးပိုပြီးရခဲ့တယ်။ မြန်မာနိုင်ငံမှာ COVID-19 နဲ့ကြုံတွေ့လာကြပြီးတဲ့နောက် ငါးသားပေါက်စျေးနှုန်းတွေလည်း ကျဆင်းမှု ရှိလာတာပါ။

ဟု ရန်ကုန်တိုင်း၊ ခရမ်းမြို့နယ်ရှိ Ko Nyan ငါးသားပေါက်မျိုးစုံဖြန့်ချိရေးမှ စီမံအုပ်ချုပ်သူ ကိုဉာဏ်လင်းဦး က ပြောသည်။

    အိုးမကွာအိမ်မကွာ တစ်နိုင်တပိုင်လုပ်ကိုင်နိုင်သည့် စီးပွားရေးလုပ်ငန်းတစ်ခုဖြစ်သည့် ငါးမွေးမြူရေးလုပ်ငန်းကို မြန်မာနိုင်ငံဒေသအနှံ့အပြားမှ စိတ်ပါဝင်စားလာကြပြီး၊ ငါးသားပေါက်များ မှာယူလာကြသော်လည်း ရန်ကုန်မြို့ရှိ နေရာတော်တော်များများ၊ လမ်းတော်တော်များများတွင် Lock Down ချထားခြင်းကြောင့် ငါးသားပေါက် တင်ပို့မှုအပေါ် သက်ရောက်မှုများ ကြုံတွေ့နေသည်။

    အချိန်ကြာကြာ ဆက်လက်မွေးမြူမထားလိုသည့် ငါးသားပေါက်မွေးမြူရောင်းချသူများ (ငါးသားပေါက် ဒိုင်များ) အနေဖြင့် သားပေါက်အရွယ်အစား မကြီးထွားခင်ကာလမှာပင် ရောင်းထုတ်လိုခြင်းကြောင့် ဈေးနှုန်းအနည်းငယ် ကျဆင်းရခြင်းလည်း ဖြစ်သည်။

အခုက ခရမ်းက ရွာတချို့မှာ အပြင်လူ အဝင်လက်မခံဘူး။ အတွင်းလူလည်း အပြင်မထွက်ရဘူး ဆိုတော့ ငါးတောင် မှောင်ခိုသဘောမျိုး ဖြစ်နေပါတယ်။ အဲ့ဒီတော့ အောက်မှာ(ရန်ကုန်တိုင်းရှိ ငါးသားပေါက်ဒိုင်များမှာ) ငါးနည်းနည်းအိုင်နေတယ်။ ဒီအတိုင်း ထပ်မထားချင်သူတွေက ထုတ်ရောင်းကြတာပါပဲ။ ဒါ့ကြောင့် ဈေးက နည်းနည်းကျသွားတာပေါ့။

ဟု ကိုဉာဏ်လင်းဦး က ဆက်လက်ပြောသည်။

    လက်ရှိတွင် ရန်ကုန်တိုင်းဒေသကြီးရှိ ငါးသားပေါက်ဈေးကွက်တွင်း ငါးပြေမ တစ်လက်မခွဲ/(၂) လက်မအရွယ် တစ်ကောင်လျှင် အထိုင်ဈေး (၂၀) ကျပ်၊ ငါးခူ (၂) လက်မ တစ်ကောင်လျှင် အထိုင်ဈေး (၂၅) ကျပ် ဈေးများဖြင့် လက်ကားရောင်းဝယ်ဖောက်ကားနေကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။


ဗွေဆော်ဦး ကြော်ငြာ
ရောဂါပိုးမွှားတွေ ဝင်မလာနိုင်ဖို့ဆို အားရှိနေမှဖြစ်မှာနော်.. ဒါက လူတွေမှာတင်မဟုတ်ပါဘူး..မွေးမြူထားတဲ့ တိရစ္ဆာန်လေးတွေမှာလည်း အလားတူပါပဲ။ ဆိုတော့ ငါး၊ ပုစွန်မွေးမြူသူတွေအတွက်လည်း.. သူတို့လေးတွေ အားရှိနေဖို့ အားဆေးလေးတွေ ကျွေးပေးဖို့ လိုပါတယ်ရှင့်။ ဒီအတွက် အခက်အခဲလေး ရှိမယ်ဆိုရင်… ‘ဗွေဆော်ဦး’ မှာရှိတဲ့ ‘Aqua Booster’ လေးက ဖြေရှင်းပေးနိုင်ပါတယ်ရှင့်။ Aqua Booster ဆိုတာ… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝ ကမ္မဆိုင်ရာ အာဟာရအားတိုးဆေးမျိုးပါ။ သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်ပြီး ပုစွန်တွေရဲ့ ကျန်းမာ ရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်။ ဇီဝနည်းဖြင့် ဆွေးမြည့်ပျက်စီးပြီး ရေရှည်တည်တံ့တဲ့စွမ်းအင်မျိုးရှိတာကြောင့် ဘယ်လို ရေလုပ်ငန်း မျိုးနဲ့မဆို သင့်တော်ပြီး အမြတ်အစွန်းတိုးပွားစေနိုင်ပါတယ်။ ဘယ်လိုအကျိုးကျေးဇူးတွေ ရှိစေနိုင်လဲ… ပုစွန်များရဲ့ ကျန်းမာရေးကောင်းမွန်စေလို့ အူလမ်းကြောင်းထဲက pH ကို လျှော့ချပေးပြီး ရောဂါဖြစ်စေဘတ်တီးရီးယားများ လျော့ပါးစေ နိုင်ပြီး သဘာဝအကျိုးပြုဘက်တီးရီးယားများ တိုးပွားစေလို့ ကြီးထွားနှုန်းနှင့် ရှင်သန်နှုန်း မြင့်တက်စေခါတယ်။ ဘက်တီးရီးယားဒဏ်ကို အကောင်းဆုံးခံနိုင်ရည်ရှိစေပြီး အစာမှအသားဖြစ်စေနှုန်းနဲ့ ပရိုတင်း ချေဖျက်မှုကို မြှင့်တင်ပေးလို့ အထွက်နှုန်းကိုလည်းတိုးစေနိုင်ပါတယ်။ (ပဋိဇီဝဆေး မဟုတ်လို့ နောက်ဆက်တွဲပြဿနာများလည်းမရှိသောကြောင့် ထုတ်ကုန်တန်ဖိုးလျော့ကျစေမဲ့ ဓာတ်ကြွင်းအာနိသင်များမရှိပါ။) ကဲ...ဘာစဉ်းစားနေဦးမလဲ...ကိုယ့်ရဲ့ ငါး၊ ပုစွန်လေးတွေကို ‘ Aqua Booster’ နဲ့ အားတွေ မြှင့်ပေးလိုက်တော့လေ...။
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်