စံပယ်ကိုင်းလေးတစ်ကိုင်းကနေ စံပယ်ရုံကြီးဖြစ်အောင် ဘယ်လိုလုပ်ဆောင်ကြမလဲ?

အိမ်မှာနေရင်း ပန်းချစ်သူတွေ လိုက်စိုက်လို့ရစေမယ့်နည်းလမ်းလေးပါ။(you tube ဗွီဒီယိုလေးကို အဆင်ပြေအောင် ဘာသာပြန်ဖော်ပြခြင်းပါဗျ။)

ပထမဦးစွာ အဆစ်(၃) ဆစ်ပါတဲ့ စံပယ်အကိုင်းလေးတစ်ကိုင်းကို ယူပါ။ အဆစ်နေရာကနေ အမြစ်တွေထွက်မှာဖြစ်တဲ့အတွက် အောက်ဘက်က အဆစ်ပိုင်းလေးကို တစောင်းလေးဖြတ်လိုက်ပါ။ ကတ်ကြေးကို အသုံးမပြုခင် သန့်စင်အောင်လုပ်ပါ(ရောဂါပိုးဝင်ရောက်တာကို ကာကွယ်ဖို့ပါဗျ)

ကိုင်းဖြတ်စလေးကို ရေထဲခဏစိမ်ပေးထားပါ။

ကိုင်းဖြတ်စအား ပျိုးထောင်ခြင်း

ပျိုးထောင်ဖို့မြေကိုတော့ မြေမွမွလေးကို သုံးပါဗျ။ ကိုင်းဖြတ်စိုက်တဲ့အကိုင်းတွေက မြေမွမွမှာဆို အမြစ်ထွက် ပိုမြန်လို့ပါ။ ထို့နောက် ရေစိမ်ထားတဲ့ ကိုင်းဖြတ်စကို မြေမွမွရှိတဲ့ ခွက်လေးတစ်ခုထဲကို ထည့်ပျိုးပါ။(တစ်ခါသုံး ကော်ဖီခွက်တွေကို ဒီနေရာမှာ ပြန်သုံးလို့ရပါတယ်) မြေကိုဖိပေးပြီး ရေမှန်မှန်လေး လောင်းထားလိုက်ပါ။

၄၅ရက်လောက်ကြာတဲ့အခါ အညွှန့်သစ်တွေ ထွက်လာတာကို တွေ့ရမှာပါဗျ။ ဒီအချိန်မှာဆိုရင်တော့ အမြစ်တွေထွက်နေပြီလို့ သိနိုင်မှာဖြစ်ပါတယ်။

ပိုပြီးကျယ်တဲ့ ထည့်စရာတစ်ခုထဲ ပြောင်းစိုက်ခြင်း

ဇကာခြင်းလိုမျိုး ထည့်စရာ ပစ္စည်းကို သုံးစေချင်ပါတယ်ဗျ။ဒ ါမှ စံပယ်အမြစ်လေးတွေက အသက်ရှုနိုင် အစာစားနိုင်ပြီ ပန်းများများပွင့်နိုင်မှာလဲ ဖြစ်ပါတယ်။ အဲ့ဒီ ဇကာခြင်းထဲကို မြေမွမွလေးထပ်ထည့်ပါ။ထို့နောက် စံပယ်ပင်လေးကို ပြောင်းထည့်ပြီး ဖိပေးပါ။ သုံးလကြာတဲ့အခါ အမြစ်တွေဖွေးနေတာကိုတွေ့ရမှာပါ။

အဲ့ဒီလို အမြစ်တွေဖွေးနေပြီ ဆိုရင်တော့ ကျွန်တော်တို့ အသုံးပြုချင်တဲ့ အိုးထဲကို ပြောင်းလို့ရပါပြီဗျ။ ဇကာလေးကို သုံးထားတာမို့ အလွယ်တကူပဲ ရွေ့ပြောင်းနိုင်မှာလဲဖြစ်ပါတယ်။

အိုးထဲကို ပြောင်းမစိုက်ခင် အိုးထဲမှာထည့်ရမယ့် မြေသြဇာ စပ်နည်းလေးကို ပြောပြပေးချင်ပါတယ်ဗျ။

မြေစပ်နည်း

-တီကျစ်မြေသြဇာ တစ်ခွက်

-သဲ တစ်ဆ

-နှမ်းဖက် တစ်ဆ

( တကယ်လို့ နှမ်းဖက်မရရင်လည်း သဲများများထည့်ပါ) ဒီလိုရောစပ်အသုံးပြုပေးမယ်ဆိုရင် အပင်ပုပုလေးနဲ့ ပန်းတွေ အများကြီး ပွင့်လာစေပါတယ်ဗျ။

အိုးထဲသို့ ပြောင်းရွှေ့စိုက်ခြင်း

အောက်ခြေမှာ အပေါက်ပါတဲ့ အိုးတစ်လုံးကိုယူပြီး ပိုက်စသေးသေးလေးခံလိုက်ပါ။ အပင်အမြစ်တွေလေရှူလို့ရအောင်နဲ့ ရေပိုတွေ ထွက်နိုင်အောင် ဒီလိုလေးလုပ်သင့်ပါတယ်ဗျ။

အိုးရွေးချယ်ပြီးရင်တော့ ရောစပ်ထားတဲ့မြေကို တစ်ဝက်လောက်အရင်ထည့်ပါ။

အမြစ်တွေပွားနေပြီ ဖြစ်တဲ့ စံပယ်ပင်ပေါက်လေးကို ထည့်ပါ။ ကျန်တဲ့မြေဆွေး တစ်ဝက် ပြန်အုပ်ပါ။လက်လေးနဲ့ မြဲအောင်ဖိပေးပါ။(ရေလောင်းလိုက်တဲ့အခါ အမြစ်ပွလာမှာစိုးလို့ပါဗျ)

ရေလေးပုံမှန်လောင်းပြီး နေရောင်ရတဲ့နေရာမှာ ထားပေးပါ။ ၄ လလောက်ကြာတဲ့အခါ စံပယ်ရုံကြီးဖြစ်နေတာကိုတွေ့ရမှာပါ။

ဒီလိုမျိုး အပင်တော့ဖြစ်ပြီး ပန်းမပွင့်တဲ့ ဖြစ်ရပ်မျိုးတွေ ပန်းစိုက်သူတိုင်း ကြုံဖူးမှာပါ။

ဒီလိုဖြစ်နေမယ်ဆိုရင်တော့ ကိုင်းသင်ပေးဖို့ လိုပါတယ်ဗျ။ ခြောက်နေတဲ့အကိုင်းတွေ သေးနေတဲ့အကိုင်းတွေကို ဖယ်ပစ်ခြင်းက အညွှန့်သစ်တွေဖြစ်စေပြီး ပန်းပွင့်လာစေဖို့ အားပေးလို့ပါ။

ဒီလိုကိုင်းသင်ပြီးရင်တော့ မြေသြဇာရည်လောင်းရပါမယ်။

အားဆေးရည်ပြုလုပ်နည်း

ငှက်ပျောသီးခွံ နဲ့ ရေနဲ့ကို ၃ ရက်စိမ်ထားလိုက်ပါ။ ပန်းပွင့်ဖို့အတွက် အကောင်းဆုံးအားဆေးဖြစ်ပါတယ်။ တတိယနေ့မှာ အားဆေးရည်က အညိုရောင်ဖြစ်နေပြီး သုံးဖို့အသင့်ဖြစ်ပါပြီ။ ရေနဲ့ဆတူရောပြီး အသုံးပြုနိုင်ပါပြီ။

ဒီနည်းလမ်းလေးအတိုင်းလိုက်လုပ်ပြီး စံပယ်ပန်း လှလှ မွှေးမွှေးလေးတွေပိုင်ဆိုင်နိုင်ကြပါစေ။

ထွန်းရာဇာ

Ref; https://www.youtube.com/watch?v=Zokr408PqsQ&feature=emb_rel_end

ယခုဆောင်းပါးက ဦးကြီးတို့အတွက် အကျိုးတစ်စုံတရာဖြစ်ထွန်းမှု ရှိ /မရှိ ပေါ်မူတည်ပြီး အောက်မှာဖော်ပြပေးထားတဲ့ အသုံးဝင်ပါတယ်/အသုံးမဝင်ပါ ဆိုတဲ့ စာတန်းလေးကို ရွေးချယ်နှိပ်ပေးဖို့ တောင်းဆိုပါရစေ

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...