ကျွဲ၊ နွားများတွင် အဖြစ်များသည့် ပေါင်ပုပ်၊ လက်ပုပ် ရောဂါအကြောင်း

ပေါင်ပုပ်၊ လက်ပုပ် ရောဂါဆိုသည်မှာ နွား၏ ပေါင်ရင်း၊ လက်ရင်းများ၌ ရောင်ပြီး ပုပ်လာသည့်ရောဂါတစ်မျိုးဖြစ်ပါသည်။ ရောဂါဖြစ်သည့်နေရာကို လက်ဖြင့် ဖိကြည့်လျှင် ပျော့နေပြီး အသံတိုးတိုးလေးမြည်ပါသည်။ ၎င်းရောဂါသည် တစ်ကမ္ဘာလုံးမှ ကျွဲ၊ နွားများတွင်လည်း ဖြစ်တတ်သည့် ရောဂါဖြစ်သည်။ အချို့ဒေသများ၌ ပေါင်ကြီးနာ၊ ကျိတ်နာ၊ တင်းပါးနက်နာ၊ ဆွေးနာ ဟု အမျိုးမျိုး မှည့်ခေါ်ကြပါသည်။ ပေါင်ပုပ်၊ လက်ပုပ် ရောဂါဟုသာ လူသိများပါသည်။

ရောဂါဖြစ်ရသည့် အကြောင်းရင်းများ

၎င်းရောဂါသည် ကလော့စထရီးယံချိုဗွိုင်းရောဂါပိုး၊ ဗက်စီးလပ်စ်ချိုဗွိုင်းရောဂါပိုးကြောင့် ဖြစ်ရသည်ဟု တိရစ္ဆာန်ဆေးကုဆရာဝန်များ ပြောပြသဖြင့် သိရပါသည်။

မိုးဦးကျကာလနှင့် နွေမှ မိုးသို့ အကူးကာလများ၌ ဖြစ်ပွားတတ်ပါသည်။ သို့သော် ရောဂါပိုးမှာ အချိန်မရွေးရှိတတ်ပါသည်။ ၎င်းရောဂါသည် နွာ းအရွယ်မရွေးဖြစ်တတ်သော်လည်း နွားကလေးများတွင် ပို၍ အဖြစ်များပါသည်။

ရောဂါလက္ခဏာများ

- ပေါင်ပုပ်၊ လက်ပုပ် ရောဂါဖြစ်သော ကျွဲ၊ နွားသည် အပူချိန် ၁၀၄ ဒီဂရီအထိ အဖျားတက်နေ တတ်ပါသည်။

- အမွေးစောင်းခြင်း၊ ကျွဲ၊ နွား ခန္ဓာကိုယ်အရှေ့ပိုင်းသည် အေးနေတတ်ခြင်း၊ ခြေလက်တို့ အနည်းငယ်ရောင်ရမ်းနေခြင်း၊ ရောင်ရမ်းသည့်နေရာသည် ပူနွေးနေပြီး လက်ဖြင့်ဖိကြည့်လျှင် "တစီစီ" ဟု အသံမြည်နေတတ်ပါသည်။

- ကျွဲ၊ နွား၏ ခြေနှင့် လက်တို့သည် ထောင့်သန်းနာနေတတ်သလို ပုပ်နေသည့်နေရာကို ခွဲကြည့်လျှင် ညိုမည်းသည့်သွေးပုပ်များ ထွက်လာသည်။

- ကျွဲ၊ နွား၏ ရင်အုံနှင့် ကျောကုန်းတို့တွင်လည်း ၎င်းရောဂါဖြစ်တတ်ပါသည်။

ရောဂါကုသပုံ

- ဆေးမကုသမီ ရောဂါဖြစ်နေသော နွားကို ဝမ်းချူပေးရပါသည်။ လိုအပ်ပါက အနာကို ခွဲစိပ် ကုသရသည်။

- အလွယ်ကူဆုံးနည်းမှာ ဖြစ်စကိုသိလျှင် ထုံး၊ နနွင်းဖျော်ရည်ကို လိမ်းပေးနိုင်ပါသည်။ အုန်းဆီနှင့် နနွင်းကို ရောနှောပြီး လိမ်းပေးနိုင်ပါသည်။

- ဖရဲသီး အလုံးလိုက်ကို ရေနွေးဆူဆူပွတ်ပွတ်တွင် အငွေ့ပေးပြီး အနာရှိသောနေရာကို ဖရဲသီးနှင့် ထိကပ်ပြီး ဖြည်းဖြည်းချင်း လှိမ့်ပေးရပါမည်။

- စပါးလင်အမြစ်ကို သုံးခွက်တစ်ခွက်တင်ကျိုပြီး ရလာသောပြုတ်ရည်နှင့် ဖြူကောင်ဆူးကို ဆွတ်ပြီး ရောင်နေသည့်နေရာကို အကြိမ်ကြိမ် ထိုးပေးရပါမည်။

ဦးဇော်(dof)

မှီငြမ်း - ကျွဲ၊ နွား ရောဂါနှင့် ဆေးမြီးတို ကုသနည်းစာအုပ်မှ ကောက်နူတ်ဖော်ပါသည်။

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ