ဆေးဖက်ဝင် ချင်းတောင်နတ်ဆေးဂမုန်း

   ချင်းတောင်နတ်ဆေးဂမုန်းသည် Saxifragaceae မျိုးရင်းဝင် အပင်တစ်မျိုးဖြစ်ပြီး ရုက္ခဗေဒအမည်မှာ- Bergenia ciliata ဖြစ်သည်။ မူရင်းဒေသမှာ- အာဖဂန်နစ္စတန်၊ တိဘက် တောင်ပိုင်း၊ နီပယ် မြောက်ပိုင်းနှင့် ဘူတန်နိူင်ငံတို့ဖြစ်သည်။ အိန္ဒိယနိူင်ငံမြောက်ပိုင်းတွင် ပေါများစွာ ပေါက်ရောက်သောအပင်တစ်မျိုးလည်းဖြစ်သည်။ ချင်းတောင်နတ်ဆေးဂမုန်းကို အိန္ဒိယနိူင်ငံတွင် " Pathar phor buti " ဆိုပြီး လူသိများကာ ခေါ်ဝေါ်သုံးစွဲကြသည်။ 

   တောထဲကနေ ခူးယူပြီး ဆေးဝါးအတွက်သုံးစွဲကြသလို ရံဖန်ရံခါ အစား‌အသောက်အတွက် အသုံးပြုကြသည်။ အဓိကအနေဖြင့် ကျောက်ကပ်နှင့်သက်ဆိုင်သောရောဂါများနှင့် အမျိုးမျိုးသော ဖျားနာခြင်းဝေဒနာများ ကုသရာတွင် အသုံးပြုသည်။ တိုင်းရင်းဆေးဆရာများက ထိုအပင်ကို အမှုန့်ကြိတ်ကာ အသုံးပြုကြသည်။ 

   ချင်းတောင်နတ်ဆေးဂမုန်း၏ အရွက်၊ အပွင့်နှင့် အမြစ်ကို နေပူလှန်း၍ အခြောက်ခံကာ ရေနွေးကြမ်းသောက်ရာတွင် လက်ဖက်ခြောက်အနေဖြင့် အသုံးပြုကာ သောက်သုံးနိုင်သည်။ ထို့အပြင် အမှုန့်ကြိတ်ကာ ပျားရည်နှင့် သောက်သုံး၍ရသလို အရွက်နှင့် အပွင့်ကို သားသတ်လွတ်အနေဖြင့် အစိမ်းသုပ်စား၍လည်း ရသည်။  

ကျန်းမာရေးဆိုင်ရာ ‌အကျိုးကျေးဇူးများ

ချင်းတောင်နတ်ဆေးဂမုန်းတွင် bergenin၊ catechin၊ gallic acid နှင့် tannic acid အစရှိသော bioactive compound များ ပါဝင်နေသောကြောင့်-

• ဝိတ်ကျစေခြင်း

• အဆစ်အမြစ်သက်သာစေခြင်း

• အင်အားပြည့်ဖြိုးစေခြင်း

• ခုခံအားကိုတိုးမြှင့်ပေးခြင်း

• ချောင်းဆိုးပျောက်စေခြင်း

• သွေးတွင်းသကြားဓာတ်ထိန်းပေးခြင်း

• အစာအိမ်နှင့် အူလမ်းကြောင်းရောဂါများ ကုသရာတွင် အသုံးပြုနိုင်ခြင်း

• နုပျိုစေခြင်းနှင့် ကင်ဆာရောဂါကို ကာကွယ်ပေးခြင်း

• ရောင်ရမ်းနာကျင်ခြင်းနှင့် အ‌ဖျားသက်သာစေခြင်း

• ဦးနှောက်နှင့် နှလုံးကျန်းမာရေးကို ကောင်းမွန်စေခြင်း

• ကျောက်ကပ်၊ သည်းခြေ ကျောက်ချေရာတွင် အသုံးပြုနိုင်ခြင်း.....အစရှိသော ကောင်းကျိုးအာနိသင်များကို ဖြစ်ပေါ်စေသည်။ 

ထို့ကြောင့် ချင်းတောင်နတ်ဆေးဂမုန်းကို  မိမိအိမ်ပတ်ဝန်းကျင်တွင် ဆေးဖက်ဝင်အပင်အဖြစ်သာမက မျက်စိပသာဒဖြစ်အောင်လည်း စိုက်ပျိုးနိုင်ကြောင်း ရေးသားတင်ပြလိုက်ပါသည်။

ကိုးကား- https://pubmed.ncbi.nlm.nih.gov/29102914/

ဆောင်ပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ရောဂါပိုးမွှားတွေ ဝင်မလာနိုင်ဖို့ဆို အားရှိနေမှဖြစ်မှာနော်.. ဒါက လူတွေမှာတင်မဟုတ်ပါဘူး..မွေးမြူထားတဲ့ တိရစ္ဆာန်လေးတွေမှာလည်း အလားတူပါပဲ။ ဆိုတော့ ငါး၊ ပုစွန်မွေးမြူသူတွေအတွက်လည်း.. သူတို့လေးတွေ အားရှိနေဖို့ အားဆေးလေးတွေ ကျွေးပေးဖို့ လိုပါတယ်ရှင့်။ ဒီအတွက် အခက်အခဲလေး ရှိမယ်ဆိုရင်… ‘ဗွေဆော်ဦး’ မှာရှိတဲ့ ‘Aqua Booster’ လေးက ဖြေရှင်းပေးနိုင်ပါတယ်ရှင့်။ Aqua Booster ဆိုတာ… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝ ကမ္မဆိုင်ရာ အာဟာရအားတိုးဆေးမျိုးပါ။ သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်ပြီး ပုစွန်တွေရဲ့ ကျန်းမာ ရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်။ ဇီဝနည်းဖြင့် ဆွေးမြည့်ပျက်စီးပြီး ရေရှည်တည်တံ့တဲ့စွမ်းအင်မျိုးရှိတာကြောင့် ဘယ်လို ရေလုပ်ငန်း မျိုးနဲ့မဆို သင့်တော်ပြီး အမြတ်အစွန်းတိုးပွားစေနိုင်ပါတယ်။ ဘယ်လိုအကျိုးကျေးဇူးတွေ ရှိစေနိုင်လဲ… ပုစွန်များရဲ့ ကျန်းမာရေးကောင်းမွန်စေလို့ အူလမ်းကြောင်းထဲက pH ကို လျှော့ချပေးပြီး ရောဂါဖြစ်စေဘတ်တီးရီးယားများ လျော့ပါးစေ နိုင်ပြီး သဘာဝအကျိုးပြုဘက်တီးရီးယားများ တိုးပွားစေလို့ ကြီးထွားနှုန်းနှင့် ရှင်သန်နှုန်း မြင့်တက်စေခါတယ်။ ဘက်တီးရီးယားဒဏ်ကို အကောင်းဆုံးခံနိုင်ရည်ရှိစေပြီး အစာမှအသားဖြစ်စေနှုန်းနဲ့ ပရိုတင်း ချေဖျက်မှုကို မြှင့်တင်ပေးလို့ အထွက်နှုန်းကိုလည်းတိုးစေနိုင်ပါတယ်။ (ပဋိဇီဝဆေး မဟုတ်လို့ နောက်ဆက်တွဲပြဿနာများလည်းမရှိသောကြောင့် ထုတ်ကုန်တန်ဖိုးလျော့ကျစေမဲ့ ဓာတ်ကြွင်းအာနိသင်များမရှိပါ။) ကဲ...ဘာစဉ်းစားနေဦးမလဲ...ကိုယ့်ရဲ့ ငါး၊ ပုစွန်လေးတွေကို ‘ Aqua Booster’ နဲ့ အားတွေ မြှင့်ပေးလိုက်တော့လေ...။

Read more

မှာယူရန် နှိပ်ပါ