သဘာဝအုန်းစိမ်းရည်ဖြင့် အပင်အားဆေးပြုလုပ်နိုင်

နိုင်ငံတော်တော်များများ၌ အုန်းစိမ်းရည်ကို အားကစားသမားများအတွက် ခွန်အားဖြည့်ဓာတ်ဆားရည်အဖြစ် ပုလင်းများ၊ သံဗူးများဖြင့်ရောင်းချနေကြပြီး အဆိုပါအုန်းစိမ်းရည်ကို အပင်အားဆေးအဖြစ်လည်း အသုံးပြုနိုင်ကြောင်း စိုက်ပျိုးရေးပညာရှင်များက ပြောသည်။

အုန်းရည်ထဲမှာ စိုက်တိုကိုင်နင်နဲ့ ဂျစ်ဘရယ်လင်တို့လို အပင်ဟော်မုန်းတွေ များစွာပါဝင်ပါတယ်။ ဆိုက်တိုကိုင်နင် (cytokinin) ဟော်မုန်းက ဆဲလ်တွေကွဲပွားဖို့ (cell division) လုပ်ဆောင်ရင်း အညွန့်သစ် အတက်သစ် မြန်မြန်ထွက်ဖို့ အားပေးပါတယ်။ ဂျစ်ဘရယ်လင်က ပန်းစောစောပွင့်ဖိုနဲ့ ပန်းများများပွင့်ဖို့ ပန်းပွင့်ဟော်မုန်း (Florigin) အနေနဲ့ အားပေးပါတယ်။ အုန်းရည်မှာပါတဲ့ အောက်ဇင် (Auxin) က အပင်တွေကြီးထွားဖို အထူးသဖြင့် အမြစ်သစ်တွေထွက်ဖို့ လှုံ့ဆော်ပေးတဲ့ အမြစ်ပေါက်ဟော်မုန်း (Rooting Hormone) ဖြစ်ပါတယ်။ နောက်တစ်ခုက ABA (Abscisis acid)လို ပတ်ဝန်းကျင်ဖိစီးမှုကို ခံနိုင်ရည်ရှိစေတဲ့ အပင်ဟော်မုန်းတွေ အုန်းရည်ထဲမှာ ပါနေပါတယ်။ အုန်းရည်မှာ အပင်အတွက်လိုအပ်တဲ့ အဟာရဓာတ်တွေပါဝင်နေလို့ မိမိတို့ဉာဏ်ရှိသလို အသုံးချစေလိုပါတယ်။

ဟု စိုက်ပျိုးရေးပညာရှင် ဦးအောင်ကိုလတ်က ပြောသည်။

100 gm ရှိသည့် အုန်းရည်တွင် စွမ်းအင် 79 KJ (19 kcal)၊ ကာဘိုဟိုက်ဒရိတ် 3.71 gm၊ အဆီဓာတ် 0.20 gm၊ ပရိုတင်း 0.72 gm၊ ဗီတာမင် 3.7 mg တို့အပြင် ကယ်လ်ဆီယမ် 24 mg၊ သံဓာတ် 0.29 mg၊ ပိုတက်ဆီယမ် 250 mg၊ ဆယ်လီနီယမ် 1 ūgm(micro gm)၊ ဆိုဒီယမ် 105 mg၊ ဇင့် 0.1 mg၊ ရေ 95 gm အစရှိသည့် ဓာတ်သတ္တုများစွာ ပါဝင်နေသည်။

မျိုးစေ့တွေကို အုန်းရည်ထဲစိမ်စိုက်ရင် အပင်ပေါက်၊ အမြစ်ထွက် မြန်တယ်။ အပင်ကျန်းမာသန်စွမ်းပြီး အနာကင်းတဲ့ပျိုးပင်တွေရတယ်။ အုန်းရည်တစ်ဆကို ရေအဆနှစ်ဆယ်နဲ့ရောပြီး ငါးရက်ခြားဖျန်းပေးရင် အမြစ်အားကောင်း၊ ကျန်းမာသန်စွမ်းတဲ့ပျိုးပင်တွေရတယ်။ နှင်းဆီလို ကိုင်းကိုမြေထဲထိုးပြီးပျိုးတဲ့ အပင်တွေမှာ မျိုးကိုင်းကို အုန်းရည်ထဲနှစ်ပြီးစိုက်ရင် အမြစ်ထွက်မြန်ပါတယ်။ အပင်ကိုဖျန်းပေးရင် အဖူးတွေမြန်မြန်နိုးကြားပြီး ပန်းခိုင်အထွက်ကောင်းပါတယ်။ ကွမ်းညွန့်ချိုးပြီး မစိုက်ခင် အဆစ်သုံးဆစ်မြှုပ်အောင် စိမ်စိုက်ရင် အပင်အမြစ်စွဲလွယ်ပါတယ်။ စတော်ဘယ်ရီပျိုးပင်တွေကိုလည်း စိမ်စိုက်လို့ရပါတယ်။ ကွမ်းပင်တွေကို ငါးအမိုင်နိုနဲ့ ရောဖျန်းပေးရင် ကွမ်းသားထူပြီး အထွက်တိုးပါတယ်။ ဂန္ဓမာ၊ မေမြို့၊ သစ္စာပန်း၊ သစ်ခွစတဲ့ ပန်းပင်တွေမှာဖျန်းပေးရင် ပန်းဖူးစောစောထွက်၊ အဖူးများ၊ အရောင်အသွေးလှ၊ ပန်းပွင့်ကြီး၊ တာရှည်ခံ စတဲ့ အကျိုးကျေးဇူးတွေ ရနိုင်ပါတယ်။ တိုင်ထောင်ပဲ၊ ရုံးပတီ၊ ခရမ်းချဉ်စတဲ့ ဟင်းသီးဟင်းရွက်တွေမှာ ဖျန်းပေးရင် ပန်းပွင့်ဖြိုင်ပြီး ထွက်နှုန်းသိသိသာသာတိုးပါတယ်။ အုန်းရည်မှာပါတဲ့ ကယ်လိဆီယမ်က ခရမ်းချဉ်ထိပ်ပုပ်ခြင်း၊ ခရမ်းသီးနဲ့ ငရုတ်သီးများ အဖျားပုပ်ခြင်းကို ကာကွယ်ပေးပါတယ်။

ဟု စိုက်ပျိုးရေးပညာရှင် ဦးအောင်ကိုလတ်က ပြောသည်။

တစ်ရှူးနည်းဖြင့် အပင်မျိုးပွားခြင်းကို ပြုလုပ်ကြသည့် မှိုစိုက်ပျိုးရေးအတွက် မှိုမျိုးထုတ်ရာတွင် အုန်းရည်ကို အဟာရပြင်ပြုလုပ်ရန် အသုံးပြုနိုင်ပြီး မှိုပုံနှင့်စိုက်ထုပ်ကို ဖျန်းပေးခြင်းဖြင့်လည်း မှိုအလေးချိန်စီးခြင်း၊ မှိုအလုံးကြီးခြင်း စသည့်အကျိုးကျေးဇူးများ ရရှိစေကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကိုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...