ကပ်ပါးနေကာ အကျိုးပြုတဲ့ နကျယ်ကောင်

အတိုချုပ်ပြောရရင်တော့ ဥ တွေကို တစ်ခြားအင်းဆက်ကောင်တွေရဲ့ အထဲမှာ ဝင်ဥတယ်။ လူတွေကို အန္တရာယ်မပြုဘူး။ ဒေသမှာရှိတဲ့ ဖျက်ပိုးအင်းဆက်တွေရော၊ တစ်ခြားကနေ ပျံ့ပွားလာတဲ့ ဖျက်ပိုးအင်းဆက်တွေကိုရော ကာကွယ်နှိမ်နင်းတဲ့နေရာမှာ အကျိုးပြုတဲ့ နကျယ်ကောင်လေးတွေဖြစ်ပါတယ်။

အရွယ်ရောက်အကောင်

ကပ်ပါးနကျယ်ကောင်တွေက သေးငယ်ပြီး ပျံသန်းနိုင်တဲ့ အင်းဆက်ကောင်လေးတွေဖြစ်တာမို့ သိပ်ပြီး သတိထားမိတတ်တဲ့ အကောင်မျိုးလေးတွေတော့မဟုတ်ပါဘူး

အတော်များများကတော့ သေးငယ်ပြီး တစ်ချို့မျိုးစိတ်တွေဆို မီလီမီတာလောက်အထိကို သေးငယ်ပါတယ်။

ပန်းပွင့်နေရာလေးတွေမှာ အရွယ်ရောက်နကျယ်ကောင်လေးတွေကို တွေ့နိုင်သလို အပင်တွေအနီးတစ်ဝိုက်မှာ ဥ ဥဖို့ရှာနေကြတဲ့ အရွယ်ရောက်နကျယ်ကောင်လေးတွေကို မြင်တွေ့နိုင်မှာပါ။

သူတို့ကလည်း လိပ်ပြာတို့လိုမျိုးပဲ ဘဝစက်ဝန်းက (၄) ပိုင်းရှိပါတယ်။ မတူညီကွဲပြားတဲ့ အင်းဆက်မျိုးစုံကို ကပ်ပါးပြုနိုင်ပါတယ်။

အရွယ်ရောက်ကောင်တွေကတော့ ဝတ်ဆံတွေ ဝတ်မှုန်တွေကို စားပါတယ်။

သူတို့ရဲ့ ဘဝစက်ဝန်းအရ အင်းဆက်ကောင်တွေကို ကပ်ပါးပြုပြီးတော့ နေရမှာမို့ အသိုက်တို့ အုံတို့ ဆောက်ပြီး မနေသလို ပျားတွေလို ဘုရင်မလည်းမရှိပါဘူး။

နကျယ်မျိုးစိတ်တစ်ခုချင်းစီက အင်းဆက်တွေကိုရှာပြီးတော့ ရှာတွေ့တာနဲ့ သူတို့ရဲ့ ဥ တွေကို အင်းဆက်ကောင်တွေရဲ့ ခန္ဓာကိုယ်အတွင်းပိုင်းရောက်အောင် ဥ ကြပါတယ်။

သူတို့ ကပ်ပါးပြုတဲ့ အင်းဆက်တွေမှာဆိုရင် ပျတို့လိုမျိုးလည်းပါဝင်ပါတယ်။ အင်းဆက်ကောင်တွေရဲ့ ဘဝစက်ဝန်းအဆင့်မရွေး သူတို့က ကပ်ပါးပြုနိုင်ပါတယ်။ ဥ အဆင့်ကနေ အရွယ်ရောက်အကောင်အဆင့်အထိ အကုန်လုံးမှာ ကပ်ပါးပြုနိုင်ပါတယ်။

ဥ တွေက အင်းဆက်ကောင်တွေရဲ့ အထဲမှာရောက်နေတာဆိုတော့ ဥ ကနေ အကောင်ပေါက်လာတဲ့ သားလောင်းကောင်လေးတွေက သူတို့ ကပ်ပါးပြုထားတဲ့ အင်းဆက်ကောင်တွေကို စ ပြီးတော့ စားပါတယ်။

သားလောင်းကောင်ဘဝနဲ့ စားသောက်လို့ ပြီးသွားတဲ့အခါ ကပ်ပါးပြုထားတဲ့ အင်းဆက်ထဲမှာပဲ ပိုးတုံးလုံးကောင်အဖြစ် ဆက်နေပါတယ်။ တစ်ခါတစ်လေမှာ အဲ့ ပိုးရုပ်ဖုံးလေးတွေက ဆန်စေ့ပုံစံလိုမျိုးနဲ့ အင်းဆက်ကောင်ရဲ့ အပြင်ဖက်မှာလည်း မြင်နိုင်ပါတယ်။

အကောင်ကြီးဖြစ်လာတဲ့အခါမှာ အတောင်ပေါက်ပြီး ပျံထွက်သွားပါတယ်။ အဆင့်ဆင့်လည်း အစားခံထားရတဲ့အပြင်ကို အတောင်နဲ့ ဖောက်ထွက်သွားတဲ့အတွက် ကပ်ပါးပြုခံရတဲ့ အင်းဆက်လည်း သေသွားပါတော့တယ်။

ကိုယ့်စိုက်ခင်းထဲမှာ ဒီလို ကပ်ပါးနကျယ်ကောင်တွေ ရှိနေအောင် ဘယ်လိုလုပ်ထားပေးလို့ရမလဲ?

မမြင်ရပေမဲ့ သူတို့က အရမ်းကို အကျိုးရှိတဲ့ အကျိုးပြု အင်းဆက်တွေဖြစ်တာမို့ သူတို့နေထိုင်ကျက်စားတဲ့ အလေ့အကျင့်အတွက် စိုက်ခင်းအပြင်ဖက် နေရာလွတ်မှာဖြစ်ဖြစ် အရွယ်ရောက် နကျယ်အကောင်ကြီးတွေ နေထိုင်စားသောက်ဖို့အတွက် ပန်းပွင့်တဲ့ အပင်တွေစိုက်ပျိုးပေးထားတာမျိုး လုပ်ပေးနိုင်ပါတယ်။

သူတို့ ကပ်ပါးပြုနိုင်တဲ့ အင်းဆက်အနည်းငယ် (စီးပွားရေးအရ မထိခိုက်တဲ့ ပမာဏ)ကို အပင်မှာ ခွင့်ပြုထားနိုင်ပါတယ်။ ဒါမှသာ အစာရှိလို့ ကပ်ပါးနကျယ်ကောင်တွေက နေထိုင်ကြမှာပါ။

ပိုးသတ်ဆေးတွေအသုံးပြုမှုတွေကို အကန့်အသတ်နဲ့ပြုလုပ်ပါ။ ပိုးသတ်ဆေး တော်တော်များများက အင်းဆက်တွေကိုရွေးပြီးတော့ သတ်တာမျိုးမဟုတ်ပဲနဲ့ အကုန်လုံး ဝါးလုံးနဲ့ သိမ်းကျုံးရိုက်တာလိုမျိုး အကုန်သေစေနိုင်တာကြောင့်မို့ဖြစ်ပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...