ကာကွယ်ခြင်းက ကုသခြင်းထက် ပိုထိရောက်မှာပါ

ယင်ဖြူတွေဟာ သေးငယ်ပြီးတော့ ပင်ရည်ကိုစုပ်စားတဲ့ ဖျက်ပိုးတွေပဲဖြစ်ကြပါတယ်။ အထူးသဖြင့် ပူနွေးစိုစွတ်တဲ့ရာသီဥတုတွေမှာ အကျများကြပါတယ်။ ယဉ်ဖြူတွေကျပြီဆိုရင် အရွက်မှာ စေးကပ်ကပ်အချိုရည်တွေကျန်ခဲ့ပြီး အရွက်တွေကို ဝါစေပါတယ်။ အချိုရည်တွေ ကျန်ခဲ့တာကြောင့် ပုရွက်ဆိတ်လိုအကောင်တွေပါ ရောက်လာစေပါတယ်။

အကောင်ရေအရမ်းများလာရင် ထိန်းချူပ်ဖို့ခက်တဲ့ ဖျက်ပိုးပါ။ ရာသီဥတုက မျက်နှာသာပေးပြီး လက်ခံပင်ကောင်းကောင်းရှိတယ်ဆိုရင် ခဏလေးအတွင်းမှာ အများကြီးပွားလာနိုင်တဲ့အကောင်တွေပါ။ သီးနှံရိတ်သိမ်းပြီးရင်တောင်မှ သူတို့တွေက တခြားလက်ခံပင်တစ်ပင်မှာ တွယ်ကပ်နေနိုင်ပါသေးတယ်။ ဒါကြောင့် နောက်တစ်ရာသီ ထပ်စိုက်တဲ့အခါ ယင်ဖြူတွေရောက်လာပြန်တာဖြစ်ပါတယ်။ သံပုရာ၊ ကျွဲကော၊ ထောပတ်လိုအပင်တွေမှာလည်း နေတတ်ပေမယ့် သစ်မာပင်တော်တော်များများအတွက်က ပြဿနာမရှိပါဘူး။ ပင်ပျော့ပင်တွေမှာပဲ ထိခိုက်မှုများလေ့ရှိပါတယ်။

အဖြူရောင် သေးသေးရှည်ရှည်ဥလေးတွေအဖြစ် အရွက်အောက်မျက်နှာပြင်မှာ တွေ့ရလေ့ရှိပြီး သားလောင်းအဆင့်တိုင်းက ပင်ရည်ကိုစုပ်စားကြပါတယ်။ အချိုရည်တွေစစ်ထုတ်ပြီး မှိုမျှင်တွေနဲ့ သူတို့ကိုယ်သူတို့ ကာကွယ်တတ်လို့ တော်ရုံအင်းဆက်စားအကောင်တွေရဲ့ ရန်ကိုလည်း ရှောင်တတ်ပါသေးတယ်။ ဒါကြောင့် ယင်ဖြူကို သုတ်သင်ရှင်းလင်းဖို့က အခက်တွေ့နေရတာဖြစ်ပါတယ်။

ယင်ဖြူကိုနိုင်တဲ့ သဘာဝမိတ်ဆွေပိုးတွေရှိပေမယ့် ပင်လုံးပြန့်ပိုးသတ်ဆေးတွေ အသုံးပြုကြတဲ့အခါ မိတ်ဆွေပိုးတွေရှားပါးပျောက်ကွယ်သွားပါပြီ။ ဒီတော့ ဖျက်ပိုးတွေက ပွားချင်တိုင်းပွားနေတော့တာပေါ့။

ဒါကြောင့် အကောင်းဆုံးနည်းလမ်းကတော့

• အကောင်ရေ အရမ်းမများခင်မှာ လက်နဲ့ဖယ်ပစ်တာပါပဲ။ ကိုယ့်စိုက်ခင်းကို ဂရုတစိုက်ကြည့်နေပြီး ဥအဆင့်၊ ရုပ်ဖုံးအဆင့် အဖြူရောင်လေးတွေ အရွက်မျက်နှာပြင်အောက်ဘက်မှာ တွေ့နေရပြီဆိုရင် ချက်ချင်းဖယ်လိုက်ပါ။ သီးနှံပင်ရဲ့အရွက်က ခံနိုင်ရည်နည်းနည်းရှိမယ်ဆိုရင်တော့ ရေပြင်းပြင်းနဲ့ထိုးချခြင်းကလည်း ထိရောက်မှုရှိပါတယ်။

• ရောင်ပြန်ရှိတဲ့ ပလတ်စတစ်စတွေ စိုက်ဘောင်ပေါ်မှာ အုပ်ထားပေးလို့ရပါတယ်။ အလင်းရောင်ထိုးရင် ရောင်ပြန်ဟပ်မယ့် ငွေရောင်အစမျိုးတွေဆိုလည်း ရပါတယ်။ အုပ်မယ်ဆိုရင်တော့ မြက်တွေအရင်ရှင်းဖို့ မမေ့ပါနဲ့နော်။

• သီးနှံရိတ်သိမ်းပြီးတဲ့အခါ အကြွင်းအကျန်အပင်တွေမှာ ယင်ဖြူတွေရှိမရှိစစ်ဆေးပြီး ရှိတယ်ဆိုရင် နောက်တစ်ရာသီအတွက် ကာကွယ်တဲ့အနေနဲ့ မီးရှို့ဖျက်ဆီးတာမျိုးကို လုပ်သင့်ပါတယ်။

• နောက်တစ်ခုကတော့ အဝါရောင်ပိုးကပ်ကော်တွေ ထားပေးတာပါ။ ယင်ဖြူတွေက သိပ်မပျံနိုင်တာမို့ များများတော့လိုပါတယ်။ နေရောင်ဘက်တော့ တည့်တည့်ကြီး လှည့်မထားရပါဘူး။

• ပိုးသတ်ဆေးအသုံးပြုချင်တယ်ဆိုရင်တော့ သဘာဝပိုးနှင်ဆေးတွေထဲကမှာ တမာဆီ၊ ရေနံဆီ နဲ့ ဆပ်ပြာတို့ကိုအခြေခံပြီး ထုတ်လုပ်ထားတဲ့ ပိုးနှင်ဆေးတွေအသုံးပြုနိုင်ပါတယ်။ ခဏခဏဖြန်းပေးရမှာဖြစ်တဲ့အတွက်ကြောင့် အပင်တွေမလောင်ဖို့အတွက်က ရေငတ်မနေဖို့ အပူချိန်အရမ်းများတဲ့ ရာသီဥတုဖြစ်မနေဖို့ လိုအပ်ပါတယ်။ ဖြန်းတဲ့အခါ အရွက်အောက်မျက်နှာပြင်တွေကိုပါ ထိဖို့လိုအပ်ပါတယ်။ နှံ့စပ်အောင်ဖြန်းရမှာဖြစ်လို့ သဘာဝပိုးနှင်ဆေးတွေက အသင့်တော်ဆုံးပါ။

ယင်ဖြူက နှိမ်နင်းရခက်ပေမယ့် ဒီလိုနည်းတွေနဲ့ ကြိုတင်ကာကွယ်ထားလို့ ရပါတယ်။ ကာကွယ်ခြင်းက ကုသခြင်းထက် ပိုထိရောက်မှာပါ။ အားလုံးပဲအဆင်ပြေကြပါစေ။

သိမ့်ဇာ

Source: http://ipm.ucanr.edu/PMG/PESTNOTES/pn7401.html

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...