Khant Zaw Htetမိမိခြံထဲ စိုက်ကွင်းမြေကို ချဉ်လား ငံလား တိုင်းတာပြီး မြေပြင်ကြမယ် စသဖြင့် အများစု လုပ်ကိုင်လာကြပါတယ်။ အချို့က လစ်တမတ် စက္ကူ နဲ့တိုင်းသလို ရေဆင်း စိုက်ပျိုးရေး သုတေသနဌာနက ထုတ်တဲ့ မြေဆီ ဓာတ်ခွဲသေတ္တာငယ် (soil test box) နဲ့ တိုင်းကြပါတယ်။ အချို့ကတော့ မြေချဉ်ငံတိုင်း ကိရိယာ (pH meter)နဲ့ တိုင်းတာပါတယ်။ အခက်အခဲရှိပြီး မြေအချဉ်အငံ တိုင်းလိုသူတွေ အတွက် အဆင်ပြေပါလိမ့်မယ်။ ဒီအကြောင်းမှာ ကျွန်တော် မြင်တာက မြေချဉ်တာ ငံတာကို အချို့လူတွေက pH meter ထောက်ပြီး ဓာတုတွေ အသုံးများလို့ မြေပျက်ပြီဆိုတာမျိုးကို ချက်ချင်း လက်မခံပါနဲ့။ မြေမှာ နေရာ (၁၀) နေရာလောက်ထောက်ပြီး မြေပျက်တယ်လို့ ချက်ချင်းကောက်ချက်ဆွဲလို့ မသင့်ပါ။ အနည်းဆုံး တစ်ဧကလောက်ရှိတဲ့မြေတွေမှာ အနည်းဆုံး မြေနမူနာ နေရာ (၂၀) အထက် များများ ယူလေ ကောင်းလေ ဖြစ်ပါတယ်။ မြေနမူနာ မယူသင့်တဲ့ နေရာတွေလည်း ရှိပါသေးတယ်။
(၁)မြေဆွေးပုံ ထားတဲ့နေရာ ဒါမှမဟုတ် အပင်ခြေမြေဆွေးမြေသြဇာ ပုံထားတဲ့နေရာ (၂) ကျောက်ကြမ်း များတဲ့နေရာ (၃) ခြံစည်းရိုး တာဘောင်နေရာ (၄) ရေဝပ်လွန်းသောနေရာနဲ့ ချောင်း၊ အိုင်နဲ့ ပေ ၃၀ ခန့်မှန်းအတွင်း (၅) ရေဖျော်တိုင်းသော ကိရိယာကို သုံးရမယ်ဆိုလျှင် ဥပမာ- လစ်တမတ်စက္ကူ ၊ pH meter တို့မှာ ရေကို ပီအိပ်ချ် ၇ (pH 7) ရှိတဲ့ ရေသန့်သာ သုံးသင့်ပါတယ်။ ရေသန့်ခက်သောနေရာမှာ ရေရဲ့ ချဉ်ငံကို အရင် စစ်ယူပြီးမှ အသုံးပြုရန် လိုပါတယ်။
ဒါတွေကို ရှောင်ကျဉ်ပြီး တိုင်းမှ အနီးစပ်ဆုံး အဖြေကို ရပါလိမ့်မယ်။ ကိရိယာလေးနဲ့ မြေတစ်ဆုပ်လောက်တိုင်းပြီး ချဉ်ပါတယ်၊ ငံပါတယ်ပြောရင် လုံးဝမယုံပါနဲ့။ တကယ်တိုင်းချင်ရင် စိုက်ခင်းအတိုင်းမြေနမူနာ ယူမယ် တောက်လျှောက်တိုင်းမယ်ဆိုရင် ဇစ်ဇက်ပုံ(zig zag) ပုံစံ လျှောက်ပြီး တိုင်းခြင်း မြေနမူနာ ယူမှုတွေ ပြုလုပ်သင့်ပါတယ်။ မြေနမူနာယူခြင်းကို ပြီးမှ သီးသန့်ပြောပါ့မယ်။ ဒီလိုတိုင်းမှ ၇၀ ရာခိုင်နှုန်း သာ မှန်တဲ့အဖြေလို့ သုံးသပ်ရပါလိမ့်မယ်။ မိမိခြံထဲမှာ မြေတွင်း အာဟာရ လိုအပ်တာသိဖို့ မြေချဉ်တာလား ငံနေတာလား အရင်သိရပါလိမ့်မယ်။ ပီအိပ်ချ် ၇ (pH 7) အထက်ဆို ငံတယ်၊ အောက်ဆို ချဉ်တယ်ဆိုတာ အားလုံးသိထားပြီးသားပါ။ မြေငံတွေမှာဆို သစ်ဆွေးဓာတ်ပမာဏ နည်းပါးနေတတ်လို့ သစ်ဆွေးတွေ ဖြစ်စေမည့်အရာတွေ များများ လိုအပ်ပြီး မြေချဉ်နေပြီဆိုရင်တော့ ထုံးထည့်ပြီးပြင်မယ်ပေါ့ဗျာ။
ဒီတော့ဗျာ မိမိခြံထဲက မြေကို ချဉ်လား ငံနေတာလားကို မီးဖိုချောင် ပစ္စည်းနဲ့ အလွယ်တကူ ခန့်မှန်းနိုင်တယ်ဆိုရင် ယုံမလား??
ချဉ်နေလား၊ ငံနေလား သိဖို့ ရှာလကာရည် နဲ့ မုန့်ဖုတ်ဆိုဒါ အနည်းငယ်ဆီ လိုအပ်ပြီး ဖန်ခွက် ၂လုံးရှိရပါလိမ့်မယ်။ ရေသန့် တဘူး အပါအဝင်ပေါ့ဗျာ။ မြေကြီး တခွက်စာကို ဖန်ခွက်ထဲထည့် ရှာလကာရည် ခွက်တဝက်ကိုထည့် ရောပြီး ဇွန်းနဲ့မွှေရန် လိုအပ်ပါတယ်။ အမြုပ် တစီစီထွက်လာရင် ပီအိပ်ခ်ျ ၇-၈(pH 7-8) ကြားရှိတယ်လို့ အဖြေရပါတယ်။ အမြုပ်မထွက်ဘူးဆိုလျှင် မိမိယူလာတဲ့မြေတခွက်ကို တခြားဖန်ခွက်ထဲမှာ မြေကြီးတခွက်၊ ဆိုဒါ ခွက်တဝက် ရေသန့်ထည့်ပြီး မွှေလိုက်ပါ။ အမြုပ် တစီစီထွက်လာရင် ပီအိပ်ချ် ၅-၆ (pH 5-6) လို့ ယူဆတဲ့ အဖြေထွက်ပြီပေါ့ဗျာ။ စမ်းသပ်မှု ၂ခုလုံးမှာ ချဉ်ငံကိန်း ၇ (pH 7) ရတဲ့ မြေအုပ်စုကတော့ အလွန်ရှားပါလိမ့်မယ်။ မြေတခု စမ်းတိုင်းမှာ ဖန်ခွက် ၂လုံး၊ တလုံးက ရှာလကာရည် တလုံးက မုန့်ဖုတ်ဆော်ဒါ ရေဖျော်ပြီး တပြိုင်တည်း ယှဉ်စမ်းခြင်းက သိသာထင်ရှားစေပါတယ်။ ချိန်ခွက်ဆိုတာက နို့ဆီခွက် စသဖြင့် ပမာဏတခု တိုင်းတာရန် အတွက်ဖြစ်ပါတယ်။
မြေနမူနာယူနည်း
မြေ နမူနာယူမယ်ဆိုရင် ပေါက်ပြားနဲ့ ဂေါ်ပြား အိတ်တလုံး လိုပါလိမ့်မယ်။ ပေါက်ပြားနဲ့ မြေနမူနာယူမယ့်နေရာ ရှင်းပြီး ဗွီ(V) ပုံ မြေကိုပေါက်ထုတ်ပြီး မြေအလယ်သားကို ဖယ်ရပါလိမ့်မယ်။ ပြီးရင် ဂေါ်ပြားနဲ့ V ပုံ ကျင်းနောက်ကနေ ကိတ်မုန့်လှီးသလို လှီးချရပါမယ်။ အဲဒီမျက်နှာ၂ခုကမြေကို သမစွာမွှေပြီး အိတ်ထဲ ထည့်ရပါလိမ့်မယ်။ ထိုနည်းအတွင်း နေရာပေါင်းစုံမှ မြေကို ထိုအိတ်ထဲမှ စုထည့်ပြီး မိုးကာပေါ် တလင်းပေါ်မှာ သမအောင် ကြိမ်ဖန်များစွာ မွှေပြီး မြေချဉ်ငံကိန်းကို တိုင်းနိုင်ပါတယ်။
Khant Zaw Htet (ACOM)
Farm Link Co.,Ltd ကြော်ငြာ
.jpg)
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ question.title }}