မြေဆွေးကို ပုံစံမျိုးစုံသုံးလို့ရပါတယ်

ဆိုတော့ကာ မြေဆွေးကနေပြီးတော့ အထွက်တွေကောင်းဖို့အတွက် မြေကနေပြီးတော့ ရေထိန်းထားနိုင်စွမ်ကောင်းဖို့၊ လေဝင်လေထွက်ကောင်းဖို့အတွက်ကို ကူညီထောက်ပံ့ပေးတယ်ဆိုတော့ သုံးသင့်တဲ့ မြေသြဇာကောင်းဖြစ်ပါတယ်။ ဘယ်လိုတွေ သုံးကြလဲဆိုတော့

• မြေထဲ ထည့်ခြင်း

• မြေဖုံးအဖြစ်သုံးခြင်း

• မြေဆွေးရည် အဖြစ်ပြောင်းလဲ အသုံးချခြင်း

မြေထဲထည့်တာက တော်တော်များများ သုံးကြတဲ့နည်းလမ်းပါပဲ။ မြေထဲမှာ အော်ဂဲနစ်ပစ္စည်းတွေကို ပြန်ပြီးဖြည့်တင်းပေးတဲ့အနေနဲ့ သုံးကြပါတယ်။ အော်ဂဲနစ်ပစ္စည်းတွေဆိုတာ တကယ်ကိုသန့်စင်ပြီးတော့ အပင်တွေအာဟာရနဲ့ ကြီးထွားဖို့အတွက် မရှိမဖြစ်အသုံးချကြရတဲ့ ပစ္စည်းဖြစ်ပါတယ်။

မြေဖုံးအဖြစ်သုံးကြတယ်ဆိုတာကလည်း မြေနဲ့မရောပဲနဲ့ မြေပေါ်မှာ တင်ပေးတာကိုပြောတာပါ။ သူက ဓာတုမြေသြဇာတွေလို အငွေ့ပျံတတ်သွားတာမဟုတ်ပဲနဲ့ မြေပေါ်တင်ထားလည်း ပရုတ်လုံးလေးလို ဖြည်းဖြည်းချင်းပြန်ပြီးတော့ လွှတ်ပေးတာမျိုးဆိုတော့ အေးဆေးသုံးလို့ရပါတယ်။ အဲ့လို မြေပေါ်မှာ ၈-၁၀ စင်တီမီတာ ((၃)လက်မကနေ (၄)လက်မ) အထိလောက် ဖုံးပေးထားတာမျိုးက ဥယျာဉ်ခြံတွေမှာ သုံးလို့လည်းရတယ်။ အဲ့လို သုံးလိုက်ရင်တော့

• မြေအစိုဓာတ်ကို ထိန်းသိမ်းထားပေးနိုင်ပါတယ်။

• မြေကနေ အပူချိန်ကို ခံရပြီး အရမ်းပူနေတာမျိုး ဖြစ်နေတာကိုလည်း လျှော့ချပေးနိုင်ပါတယ်။

• နောက်ပြီးတော့ မြေဆွေးက အပေါ်ကနေပြီးတော့ အာဟာရတွေကို တစ်ဖြည်းဖြည်း ထုတ်လွှတ်ပေးပြီးတော့ မြေထဲမှာလည်း အော်ဂဲနစ်ပစ္စည်းတွေကို မြေသားထဲကို ထည့်ပေးလိုက်တာမျိုး ကောင်းကျိုးတွေကို ရစေနိုင်ပါတယ်။

မြေဆွေးတွေကို မြေဖုံးအဖြစ်သုံးပေးရင်တော့ အပေါ်မှာကောက်ရိုးလေးကို ထပ်ဖုံးပေးထားနိုင်ရင် ပိုကောင်းတာဖြစ်ပါတယ်။ အဲ့လို လုပ်ပေးတာကတော့ အာဟာရတွေ အကုန်အပြည့်အဝ ရစေချင်တာကြောင့်ပါ။

မြေဆွေးရည်အဖြစ် အသုံးပြုခြင်းမှာဆိုရင် မြေဆွေးကို အရည်အဖြစ်ပြောင်းပြီးတော့ ရွက်ဖျန်းအားဆေးရည်အဖြစ်နဲ့ သုံးတာပဲဖြစ်ပါတယ်။ အဲ့လို ပြောင်းလဲလိုက်တဲ့အခါ နိုက်ထရိုဂျင် ပါဝင်မှုနည်းပေမဲ့ တစ်ခြားသော အနည်းလို အာဟာရဓာတ်တွေကို ပြည့်ဝစွာ ထည့်ထားပေးတဲ့ ရွက်ဖျန်းအားဆေးရည်တစ်ခုအနေနဲ့ အပင်ကို ပိုမို သန်မာလာစေပါတယ်။ အဲ့ ရွက်ဖျန်းအားဆေးရည်ကို ဘယ်လိုလုပ်မလဲဆိုတော့ ရေစိမ်ပြီး ပြန်ဖျန်းပေးတာပါပဲ။ အဆင့်လေးတွေ သိချင်တယ်ဆိုရင်တော့.......

အဆင့်(၁)။ ။ ကောင်းကောင်းဆွေးမြေ့နေတဲ့ မြေဆွေးကို ဇကာအိတ်ထဲကိုထည့်ပေးပါ။ ဇကာကွက်က သေးလေကောင်းလေပေါ့နော်။ ဆေးဖျန်းပုံထဲ ပြန်ထည့်ဖျန်းမှာဆိုတော့ အဖတ်တွေမပါအောင် တစ်ခါတည်း လုပ်ထားတာပေါ့နော်။

အဆင့် (၂)။ ။ အဲ့အိတ်ကို ရေထည့်ထားတဲ့ ပုံးထဲမှာ ထည့်ပါ။

အဆင့် (၃)။ ။ တစ်နာရီကြာအောင်ထားပါ။ ပြီးတော့ အိတ်ကို ပြန်ဖယ်ထုတ်လိုက်ပါ။

အဆင့် (၄)။ ။ အဲ့ကနေ ထွက်လာတဲ့ အရည်တွေကို အပင်တွေကို ပြန်ဖျန်းပေးနိုင်ပါတယ်။ သတိထားရမှာကတော့ အနံ့ဆိုးထွက်လာတယ် ဆိုရင်တော့ မသုံးပါနဲ့။

အဆင့် (၅)။ ။ ရေစိမ်ပြီး ပြန်ထွက်လာတဲ့ အဖတ်လေးတွေကိုလည်း အပင်ခြေလေးမှာ ပုံပေးတာမျိုး လုပ်ပေးနိုင်ပါတယ်။

ကဲ မြေဆွေးလုပ်ပုံကြီးလည်း ပြီးသွားပြီ။ မြေဆွေးကို ဘယ်လိုသုံးတာလဲဆိုတာလည်း သိပြီးသွားပြီ။ အဲ့တော့ ကောင်းကောင်းအသုံးချနိုင်ပြီးတော့ ဓာတုတွေကြောင့်ဖြစ်လာတဲ့ ဆိုးကျိုးတွေကို ရှောင်ရှားနိုင်ကြပါစေလို့ ဆုတောင်းပေးရင်း…..

ထွန်းဝင်းကျော်

References;

“Compost Making Made Easy”, ADDA – VNFU Organic Project.

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...