မိုးခေါင်ရေရှား ဒေသတွေမှာ တွင်းရေနဲ့ မြေမပြတ်စီးအောင် စိုက်ပျိုးနည်း ကိုသိချင်ပါတယ် စိုက်ပျိုးရေ စမ်သက်နည်း အ...

မေးခွန်းရှည်ကြီး နဲ့၊အားကိုးတကြီး​မေးလာတဲ့ တူ​မောင် ​kyaw lwinရဲ့ ​မေးခွန်းကို ဦး​လေး .လက်လှမ်းမီသ​လောက်​ဖြေကြား​ပေးပါ့မယ်​နော်။ ဦး​လေးလည်း အညာသား၊​တောင်သူသားဆို​တော့.မိုးနည်း​ရေရှား​ဒေသရဲ့ စိုက်ပျိုး​ရေ အခက်အခဲကို သ​ဘော​ပေါက်ပါတယ်။ တူ​မောင်​ပြောသလို အညာမှာ ​မြေ​အောက်​ရေတွင်းကတဆင့် ​ရေစုပ်စက်နဲ့​ရေတင်စိုက်ရင်၊​မြေကြီး​တွေ ဆား​ပွေးတက်ပြီး ပျက်တတ်ပါတယ်။ ​ရေရဲ့အရည်အ​သွေးကို စမ်းသပ်နည်း.​မေးထား​တော့.ဦး​လေးတို့နိုင်ငံမှာ ​ရေအရည်အ​သွေးကိုတိတိကျကျ စမ်းသပ်​ပေးတဲ့ ကိရိယာ ရှား​နေပါ​သေးတယ်။ (​တောင်သူ လက်လှမ်းမမီဘူး​ပေါ့ကွယ်) ground water tester အတွက် parameter​တွေရှိ​နေပါတယ်။ ​ရေရဲ့pH,ပါဝင်တဲ့ သတ္တုဓါတ်တမျိုးချင်းကို ​ဖော်ပြ​ပေးတယ်၊ဆိုဒီယံ​တွေ၊သံဓါတ်​တွေ၊စတဲ့ လူနဲ့ အပင်​တွေအတွက် အဆိပ်သင့်​စေတဲ့ သတ္တုဓါတ်​တွေ တိုင်းတာနိုင်တယ်။ သို့​ပေမယ့် တကယ့်လက်​တွေ့မှာ စမ်းသပ်ဖို့ မလွယ်ကူလို့ .​ရေ​စေးလား?၊.​ရေသွက်လား?.ဆိုတာ​လောက်ဘဲ စမ်းသပ်ပါ။ (ဆပ်ပြာ အမြှုပ်မထွက်ရင်.​ရေ​စေ:ဖြစ်ပြီး ဆပ်ပြာအမြှုပ်ထွက်ရင် ​ရေသွက်​ပေါ့။) ​ရေ​စေးဆိုရင် ​မြေပျက်လွယ်မယ်​ပေါ့။ ဂျစ်ဆန် လို၊​ကျောက်မှုန့်စစ်စစ်​တွေ များများထည့်​ပေးရပါတယ်။ မ​ကွေးတိုင်းထဲ မှာ၊ဂျစ်ဆန်(​ဂေါတန်​ကျောက်တူံး)ထွက်တဲ့​နေရာ​တွေ ​ပေါပါတယ်။ ကိုယ့်ဘာသာ စက်နဲ့ကြိတ်ရင် ​စျေးသက်သာပြီး ​ဖော​ဖောသုံးနိုင်တာ​ပေါ့။ အဲဒီ​ကျောက်မှုန့်နဲ့ ​နောက်​ချေး များများ ထည့်နိုင်လို့က​တော့ ​မြေပျက်တယ်ဆို မရှိနိုင်ပါဘူး​မောင်ရာ။ ​​ေနာက် ​မေးခွန်းတခုက..မိုး​ရေချိန်လက္မနည်းနည်းနဲ့ ဖြစ်ထွန်းနိုင်မယ့် သီးနှံ၊ အကျိုးအမြတ်လည်း ရ​စေမယ့်သီးနှံနဲ့ စိာက်နည်းစနစ်လည်း ​ပြောပြပေးပါဦးတဲ့..လား။ ဦး​လေးတို့အညာသား​တွေက၊အလုပ်​လောဘကြီးသကွဲ။ မိုးဦးလည်းစိုက်တယ်၊​နွေလည်းစိုက်တယ်။ ​ဆောင်းသီးနှံလည်း လက်မလွတ်ချင်ဘူး. တကယ်စိုက်​တော့လည်း..အကျိုးအမြတ်က မ​ရေရာပြန်ဘူး။အဲလိုဖြစ်​နေတယ်မို့လား.။ ဦး​လေးအကြံ​ပေးချင်တာက​တော့... လယ်သမား​တွေအတွက် မိုးဦးမှာ ​ကောက်​ခြောက်ကြဲမယ်။ ယာ၂/၄..စတဲ့.​အောင်​ရေ အတွက်မိုးတမိုး ​ကောင်း​ကောင်းရတာနဲ့ စပါး​အောင်တဲ့မျိုး​တွေကိုစိုက်ပါ။ (စား​ကောင်းတာ မ​ကောင်းတာ​ရွေးမ​နေနဲ့၊စပါးထွက်ဖို့အဓိကထားပါ) ယာသမား​တွေအ​နေနဲ့..မိုးရာသီမှာ၊နွား​ချေးချတာ၊ထွန်​ရေးပြင်တာ၊​မြေပြင်၊​ပေါင်းရှင်းတာ​လောက်ဘဲ လုပ်ပြီး၊ ​ဆောင်းတသီးကို အမိအရ ယူ​စေချင်ပါတယ်။ ပဲတမျိုးမျိုး(ကုလားပဲ၊​မြေပဲ၊ပဲတီစိမ်း.....)သို့မဟုတ် ​ဆောင်းနှမ်းကို စနစ်တကျ စိုက်ပါ။ အကျိုးရှိ​စေရပါမယ်။ စိုက်စနစ်ထက်..မျိုးနဲ့. စိုက်ချိန်အ​ရေးကြီးပါတယ်။ စမုံနက်မျိုးလည်းစိုက်လို့ရပါတယ်။ စိုက်ချိန်က သကြန်ကျပြီး ၁၄၆ရက်မှာ ရွာတဲ့ ကြယ်လွဲမိုး အပြီးစိူက်ရမှာပါ။ (​သောက်၊​ရေ၊အိုး---ကြယ်လွဲမိုး..တဲ့) ​ရှေးလူကြီး​တွေအဆိုအရ, ​ဖျောက်ဆိတ်ကြယ်လွဲ၊နှမ်းကြီးကြဲ...တဲ့။ အဲဒီရက်ကို အမိအရ နှမ်းကြဲပါ။ နှမ်းလည်း အထွက်ရ​စေသလို၊အကျိုးအမြတ်လည်း ရ​စေမှာပါ..လိူ့ တူ​တော်​မောင်ရဲ့အ​မေးကို၊အညာ​တောင်သူ​တွေအားလုံးအတွက် ​၊ဦး​လေး အ​တွေ့အကြုံအရ ​ဖြေကြား​ပေးလိုက်ပါတယ်ကွယ်။ အားလုံး ကျန်းမာချမ်းသာပြီး၊​ဘေးဘယာ ​ဝေးကွာ ကြပါ​စေ..