ဆရာကြီးခင်ဗျ ကျနော် နှစ်တိုင်း ဆောင်းမြေပဲ စိုက်တာ မြေပဲရွက်ပြောက်ရောဂါ ၃၅၊၄၀ရက်သားလောက်ဆို စကျတာ တဖြည်းဖြည်း...

မျိုးပြောင်းလဲစိုက်ပါ။မြေပဲချည်း နှစ်ကြာနေပြီဆိုပါက သီးနှံပြောင်း။ လူးနယ်ဆေးအသုံးပြုပါ။ရောဂါမကျမီ ၊ပင်လုံးပြန့်ကုသဆေး (မှိုသတ်ဆေး)မသုံးရပါ။ကာကွယ်ရန်အတွက်ဆိုရင် မန်ကိုဇက်၊ကလိုသာလိုနေး၊.သီရန် .စသဖြင်သုံးရပါတယ်။

မြေပဲရွက်ပြောက်ရောဂါ နှင့် ကာကွယ် နှိမ်နင်းနည်းများ ဒီဆောင်းပါးLinkကို နှိပ်ပြီးလည်းလေ့လာနိုင်ပါတယ်ဗျ

မြေပဲရွက်ပြောက်ရောဂါ (Cercospora leaf spot) သည် မှိုကြောင့်ဖြစ်ပြီး အများအားဖြင့် မြေပဲစိုက်ပြီး (၃၀) ရက်မှ (၄၀) ရက်သားခန့်တွင် စတင်တွေ့ရှိရတတ်ပါသည်။ ရောဂါပြင်းထန်ပါက အရွက်များခြောက်ပြီး ကြွေကျသွားကာ အထွက်နှုန်းကို (၅၀-၇၀)% ထိ ထိခိုက်စေနိုင်ပါသည်။ မေးခွန်းရှင် သုံးထားတဲ့ Azoxystrobin + Difenoconazole က ဆေးကောင်းပါဗျာ။ ဒါပေမဲ့ ရောဂါက ပြင်းထန်နေပြီဆိုတော့ ဒီနည်းလမ်းလေးအတိုင်း တွဲသုံးကြည့်ပါဦးဗျ။ ရောဂါစမဖြစ်ခင် ကြိုကာကွယ်ဖိုအပင်သက်တမ်း ၂၅ ရက်ကနေ ၃၀ ရက်ဝန်းကျင်မှာ မန်ကိုဇက် (Mancozeb) ဒါမှမဟုတ် ကလိုရိုသာလိုနေး (Chlorothalonil)လိုမျိုး ထိသေဆေးတွေကို အရင်ကြိုဖျန်းထားပေးပါဗျာ။ ရောဂါဖြစ်လာပြီဆိုရင် အခုသုံးနေတဲ့Azoxystrobin + Difenoconazoleဒါမှမဟုတ် ဟက်ဆာကိုနဇိုး (Hexaconazole) လိုမျိုး ပင်လုံးပြန့်ဆေးတွေကို ပြောင်းလဲဖျန်းပေးရပါမယ်ဗျ။မြေပဲတစ်ရာသီမှာ အနည်းဆုံး (၃) ကြိမ်ကနေ (၄) ကြိမ်အထိ ဖျန်းပေးဖို့ လိုပါတယ်ဗျာ။ ပထမအကြိမ်အပင်သက်တမ်း ၃၀-၃၅ ရက် (ပန်းစပွင့်ချိန်) မှာ စဖျန်းပါဗျာ။ဒုတိယအကြိမ် ပထမအကြိမ်ဖျန်းပြီး ၁၀ ရက်ကနေ ၂ ပတ်အကြာမှာ ထပ်ဖျန်းပေးပါဗျ။ တတိယအကြိမ် နောက်ထပ် ၂ ပတ်အကြာမှာ တစ်ခါ ထပ်မံဖျန်းပေးရပါမယ်ဗျာ။ မိုးအရမ်းများပြီး ရောဂါက အရှိန်မသေသေးဘူးဆိုရင်တော့ ၁ ပတ် ဒါမှမဟုတ် ၁၀ ရက်တစ်ကြိမ်လောက် စိပ်စိပ်လေး ဖျန်းပေးဖို့ လိုပါလိမ့်မယ်ဗျာ။ ပိုပြီးထိရောက်အောင် ဒါလေးတွေ လုပ်ပေးပါဦးဗျ ဆေးကို အလှည့်ကျသုံးပါ -ဆေးတစ်မျိုးတည်းကိုပဲ ဇောက်ချမဖျန်းပါနဲ့ဗျာ။ မှိုက ဆေးယဉ်သွားတတ်လို့ ထိသေဆေးနဲ့ ပင်လုံးပြန့်ဆေးကို တစ်လှည့်စီ သုံးပေးတာက အကောင်းဆုံးပါပဲဗျ။ အောက်ခြေကို ဂရုစိုက်ပါ- ဒီရောဂါက အပင်အောက်ခြေ အရွက်တွေကနေ စဖြစ်တာမို့ ဆေးဖျန်းရင် အောက်ခြေအရွက်တွေပါ ဆေးရည်နှံ့အောင် ဖျန်းပေးဖို့ အရေးကြီးပါတယ်ဗျာ။ ပင်ကြွင်းပင်ကျန် ရှင်းလင်းပါ-ရောဂါကျပြီးသား အပင်အကျန်တွေကို စိုက်ခင်းထဲမှာ မထားပါနဲ့၊ စုပြီး မီးရှို့ဖျက်ဆီးပစ်ပါဗျ။ ဒါမှ နောက်တစ်ခါပြန်စိုက်ရင် ရောဂါပိုး မကျန်ခဲ့မှာ ဖြစ်ပါတယ်ဗျာ။ အပင်သက်တမ်း ၃ လခွဲ (ရက် ၁၀၀ ကျော်) ထိ စိမ်းစိမ်းစိုစိုနဲ့ ရှိနေမှ မြေပဲဥတွေ အောင်အောင်မြင်မြင်နဲ့ အထွက်တိုးမှာ ဖြစ်ပါတယ်ဗျာ။ အခုပြောပြတဲ့အတိုင်း စနစ်တကျလေး ဂရုစိုက်ကြည့်ပါဦးလို့ အကြံပြုပါရစေဗျာ။ မိမိစိုက်ခင်းရဲ့ အခြေအနေကိုလည်း နောက်ထပ် သိချင်တာရှိရင် အားမနာတမ်း မေးမြန်းနိုင်ပါတယ်ဗျာ။