ထုံး က မဖေါက်ခင် သုံးရမလား၊ ဖေါက်ပီးထုံး သုံးရမလား၊ တစ်ဧကကိုပမာဏ ဘယ်လောက်ထည့်ရမလဲ၊ မဖေ့ါက်ထုံးနဲ့ ဖေါက်ပီးထုံး...

မဖောက်ထုံးကို အသုံးပြုရမှာပါခင်ဗျာ။ သဲမြေ မြေချဉ်ငန်ကိန်း ၄ ဒသမ ၅၊ ၅ ဒသမ ၅ အခြေအနေမှာ တစ်ဟက်တာ ထုံး သုညဒသမ ၇ တန်၊ မြေချဉ်ငန်ကိန်း ၅ ဒသမ ၅ မှ ၆ ဒသမ ၅ ရှိနေပါက တစ်ဟက်တာ ထုံးတစ်တန်၊ နုန်းသမမြေ မြေချဉ်ငန်ကိန်း ၄ ဒသမ ၅ မှ ၅ ဒသမ ၅ ရှိနေပါက တစ်ဟက်တာ ထုံး ၂ ဒသမ ၈ တန်၊ မြေစေးမြေ မြေချဉ်ငန်ကိန်း ၄ ဒသမ ၅ မှ ၅ ဒသမ ရှိနေပါက တစ်ဟက်တာထုံး ၃ ဒသမ ၇ တန် ထည့်ပေးရန်ဖြစ်ပါတယ်။ (တစ်တန် = ပိဿာ ၆၀၀)။ အထူး သတိပြုရမှာကတော့ ထုံးကို မြေဆီလွှာအတွင်း ထည့်မယ်ဆိုပါက သီးနှံမစိုက်ပျိုးမီ အနည်းဆုံး တစ်လကြိုတင်၍ ထည့်ပေးဖို့လိုအပ်ပါတယ်။ သီးနှံစိုက်ပျိုးချိန်နဲ့ နီးကပ်စွာ ထည့်သွင်းပါက ထုံးက သီးနှံပင်ကို လောင်စေမှာဖြစ်ပါတယ်။ မြေချဉ်ငံကိန်းအတိအကျသိရမှထည့်သွင်းခြင်းက ပိုအန္တရာယ်ကင်းပါတယ်ခင်ဗျာ၊အကယ်၍ထည့်သွင်းချင်ပါကလည်း တစ်နှစ်တည်းပိဿာ ၆၀၀ထည့်သွင်းမည့်အစား ပိဿာ၂၀၀စီ ၃နှစ်ခွဲကျွေးခြင်းက အန္တရာယ်ကင်းမယ်လို့ယူဆမိပါတယ်ခင်ဗျာ