ကွမ်းစိုက်ထားပါတယ် ယခုအချိန်ကွမ်းစိုက်ထားလျှင်အနာရောဂါမကျရောက်အောင်ဘယ်လိုကြိုတင်ကာကွယ်သင့်ပါသလဲ

အခုအချိန်က ကွမ်းပင်တွေ ရောဂါကျရောက်တတ်တဲ့ အချိန်မို့လို့ ကြိုတင်ကာကွယ်ထားဖို့ အရမ်းအရေးကြီးပါတယ်ခင်ဗျာ။ ယူရီးယားဓာတ်မြေသြဇာ အများကြီးကျွေးရင် အပင်ပျော့ပြီး ရိုးမဲဆစ်ပြုတ် (ဘက်တီးရီးယား) ရောဂါ လွယ်လွယ်ဝင်တတ်လို့ ပိုတက်စီယမ်ဓာတ် ကို ပိုကျွေးပေးပါ။ကွမ်းက ရေဝပ်ရင် အမြစ်ပုပ်/ပင်ခြေပုပ်ရောဂါ ချက်ချင်းဖြစ်တတ်လို့ မြောင်းနက်နက်တူးပြီး ရေနုတ်မြောင်း သေချာလုပ်ထားပါ။ ညနေစောင်း ရေလောင်းတာကိုလည်း ရှောင်ပါ။ခြံထဲ လေအုံ့ပြီး စိုထိုင်းဆများရင် မှိုရောဂါကျလွယ်လို့ ပင်အိုရွက်အိုတွေကို ပုံမှန်ကိုက်ဖြတ် ရှင်းလင်းပေးပါ။မှိုနဲ့ ဘက်တီးရီးယား မလာအောင် ဘော်ဒိုးဆေးရည် (သို့မဟုတ်) ကြေးနီ (Copper) ပါတဲ့ မှိုသတ်ဆေးကို သတ်မှတ်အချိုးအစားအတိုင်း ကြိုတင်ပက်ဖျန်းပေးထားနိုင်ပါတယ်။ မြေကြီးထဲက မှိုရောဂါတွေကို ကာကွယ်ဖို့ ကောင်းကျိုးပြုမှို ထရိုင်ကိုဒါးမား (Trichoderma) ကို နွားချေးဆွေးနဲ့ ရောပြီး မြေပြင်ကတည်းကဖြစ်ဖြစ်၊ အပင်ခြေကိုဖြစ်ဖြစ် ကျွေးပေးပါ။

ရောဂါကာကွယ်ဖို့ဆိုရင်၊ မိုးများလို့ ရေဝင်ရင် ရေမဝပ်အောင် ရေထုတ်မြောင်းလုပ်ပါ။ မိုးစိုတဲ့ရက်တွေမှာ မန်ကိုဇက်/ကော့ပါး ကို ၇ရက်ခြား တကြိမါဝင်ပေးပါ။ အပင်ခြေကို ထုံး သို့မဟုတ် ဂျစ်ဆန် ဖြူးပေးပါ။ယူရီးယား/ဓာတ်မြေဩဇာ မသုံးပါနဲ့။ဟော်မုန်းအားဆေးမသုံးပါနဲ့။ အရွက်၊ရိုးတံပေါ်မှာ ရောဂါလက္ခဏာရှိမရှိ အမြဲစစ်ဆေးပါ။ထူးခြားတွေ့ရင် ပုံရိုက်ပြီး green way ကို မေးမြန်းပါ။

အပင်ရောဂါတွေ ဖြစ်ရတဲ့ အခြေခံအကြောင်းအရင်က အပင်က အဟာရဓာတ် အစုံမရလို့ ကိုယ်ခံအားနည်းချိန်၊ အပင်ပတ်ဝန်းကျင်က ရောဂါကျရောက်ဖို့အတွက် အားပေးသလိုဖြစ်နေတဲ့အချိန်မှာ ဖြစ်ပါတယ်။ ကွမ်းခြံတွေကို အလုံပိတ်ပုံစံနဲ့ စိုက်ကြပြီး ရေကို လိုအပ်တာထက် ပိုပြီးသွင်းကြတဲ့အခါ ခြံအတွင်းမှာ လေထုက ပူနွေးစိုဆွတ်သွားပါတယ်။ ဒီအခြေအနေက အပင်ရောဂါတွေ ကျရောက်ဖို့အကောင်းဆုံးအခြေအနေမှာ။ အပင်က အားနည်းတာနဲ့ ရောဂါကျရောက်ဖို့ လွယ်ကူသွားပါပြီ။ ဒါကြောင့် ခြံရဲ့ အခြေအနေကို ပြန်ပြီး သုံးသပ်စေချင်ပါတယ်ဗျ။