မြေပဲဥစွယ်ချနေပြီ အပင်ကမတက်ဘူဘယ်လိုလုပ်ရမလဲဗျ

အပင်တက်ချိန်တုန်းက၊မိုးလိုအပ်ခဲ့ပုံရပါတယ်။သဲမြေတွေမှာ မိုးပြင်းပြင်းပိပြီးရင် အပေါ်ယံကြောတင်းပြီး ကြီးထွားမှုရပ်တန့်နိုင်ပါတယ်။ ဂျစ်ဆန်နဲ့ ကေဟူးမစ် ရောပင်ပြီး ဘောင်လုံးပေးပါ။

မြေပဲစိုက်ခင်းတွင် ပိုးမွှားနှင့် ရောဂါလက္ခဏာမရှိဘဲ အပင်မတက်ခြင်းသည် မြေဆီလွှာ ခြောက်သွေ့ကျပ်ခဲနေခြင်းကြောင့် ဖြစ်တတ်သဖြင့် ပထမဦးစွာ စိုက်ခင်းကို သင့်တင့်ရုံ ရေအမြန်သွင်းပေးရန် လိုအပ်ပါသည်။ အပင်အဆစ်တက်ပြီး အရှိန်အဟုန်ဖြင့် ပြန်လည်ကြီးထွားလာစေရန် ယူရီးယား (သို့မဟုတ်) နိုက်ထရိုဂျင် မြင့်မားသော ကွန်ပေါင်းမြေဩဇာကို အပင်ခြေတွင် ကျွေးပေးရမည့်အပြင် အမိုင်နိုအက်ဆစ် ပါဝင်သော ရွက်ဖျန်းအားဆေးကိုပါ တွဲဖက်ပက်ဖျန်းပေးရပါမယ်။ မြေပဲဥစွယ်ချချိန် တွင် မြေပဲခွံမာစေရန်၊ ဥအနှစ်ပြည့်စေရန်နှင့် ဖျင်းခြင်းမှ ကာကွယ်ရန် ကယ်လ်ဆီယမ်ဓာတ် ကြွယ်ဝသော ဂျစ်ပဆမ်မြေဩဇာကို တစ်ဧကလျှင် ပိဿာ ၅၀ မှ ၁၀၀ အထိ အပင်ခြေ၌ ထည့်ပေးရပါမယ်။ ထို့နောက် မြေပဲစွယ်များ မြေထဲသို့ လွယ်ကူစွာ ထိုးဝင်နိုင်ရန် အပင်ခြေကို မြေပွပွဖြင့် ဘောင်တင်မြေဖို့ပေးရမည်။ထို့အပြင် ဥအောင်စေရန် ပိုတက်ရှ်ဓာတ်နှင့် ဘိုရွန်ပါဝင်သော အနည်းလိုရွက်ဖျန်းမြေဩဇာကိုလည်း ပက်ဖျန်းပေးသင့်ပါသေးတယ်။ စွယ်များကို ထိခိုက်ပြတ်တောက်စေနိုင်သော ပေါက်ပြားဖြင့် မြေဆွခြင်းကို လုံးဝရှောင်ကြဉ်ကာ ပေါင်းမြက်များကို လက်ဖြင့်သာ အသာအယာ နှုတ်ပေးရပါမယ်။