မြေပဲမစိုက်ခင် ဂျစ်ပဆင်ကိုဘယ်အချိန်ထည့်ရတာလည်းရှင့် မြေပဲစိုက်ပြီးမှထည့်ရင်အစိုဓာတ်မလုံလောက်မှာစိုးလို့ပါရှင့် ကျွန်မတို့ဒေသမှာမြေပဲကိုရေသွင်းလေ့မရှိလို့ပါ

မြေပဲစိုက်ပျိုးရာတွင် ကယ်လ်စီယမ်ဓာတ်ကို အဓိကပေးစွမ်းသည့် ဂျစ်ပဆမ် (Gypsum) ကို မစိုက်ခင် ကြိုတင်ထည့်သွင်းခြင်းက အကောင်းဆုံးနှင့် အန္တရာယ်အကင်းဆုံး ဖြစ်ပါတယ်။ မေးခွန်းရှင်၏ဒေသသည် ရေသွင်းစိုက်ပျိုးရန် ခက်ခဲသောကြောင့် မြေပဲစိုက်ပြီးမှ ဂျစ်ပဆမ်ထည့်ပါက မိုးခေါင်သည့်အခါ မြေဩဇာမပျော်ဝင်နိုင်ဘဲ အာဟာရဓာတ်မပြည့်စုံမှာ စိုးရိမ်ရတတ်ပါတယ်။ ထို့ကြောင့် နောက်ဆုံးထွန်ရေးပြင်ချိန်တွင် တစ်ဧကလျှင် ၅၀ ကီလိုဂရမ် (၁ အိတ်ခွဲခန့်) ကို မြေထဲသမအောင် ကြိုထည့်ပေးခြင်းဖြင့် အစောပိုင်းမိုးရေနှင့်အတူ ပျော်ဝင်ကာ အစိုဓာတ်မလုံလောက်မည့် အန္တရာယ်မှ ကာကွယ်နိုင်ပါတယ်။ အကယ်၍ စိုက်ပြီးမှ ထည့်လိုပါက စိုက်ပြီး ရက် ၃၀ မှ ၄၅ ရက် (ပန်းပွင့်/စွယ်ဆင်းချိန်) တွင် တစ်ဧက ၅၀ ကီလိုဂရမ်နှုန်းဖြင့် မြေအစိုဓာတ်ရှိချိန်ကို ရွေးချယ်၍ အပင်ခြေတွင် မြေဆွမြေဖုံးစနစ်ဖြင့် ထည့်သွင်းပေးရမှာပါ။‌မြေခံမှာထည့်ပေးတာအကောင်းဆုံးပါ