မြေ၁ဧကနဲ့ဒဿမ၈၀ဆိုရင် ထုံးအိတ်ခန့်မှန်းခြေဘယ်လောက်ထည့်ရလည်းရှင့်

မြေပဲသည် pH ၅.၅ မှ ၇.၀ (အထူးသဖြင့် ၆.၀ ဝန်းကျင်) တွင် အကောင်းဆုံး ဖြစ်ထွန်းပါတယ်။ မြေဆီလွှာ pH ၆.၀ အထက် ရှိနေပါက ထုံးကို အလွန်အကျွံ မထည့်သင့်ပါ (ထုံးများလွန်းလျှင် အပင်လောင်နိုင်ပြီး အခြားအာဟာရဓာတ် စုပ်ယူမှုကို နှောင့်နှေးစေနိုင်ပါတယ်)။ မြေချဉ်ငံကိန်း မိမိမြေကဘယ်လောက်ရှိလဲ အရင်သိမှထည့်သင့်ပါတယ်။စိုက်ပျိုးမြေ၏ ချဉ်ငံကိန်း (pH) ကို ၁ ယူနစ် မြှင့်တင်ရန်အတွက် မြေအမျိုးအစားအလိုက် ထုံးထည့်သွင်းရမည့် နှုန်းထား ကွာခြားပါတယ်။ သဲဆန်သောမြေများသည် မြေဓာတ်ပွပြီး ရုန်းအားနည်းသဖြင့် တစ်ဧကလျှင် ထုံးအိတ် ၃၀ မှ ၅၀ ခန့် (ပိဿာ ၁,၂၀၀ မှ ၂,၀၀၀ ဝန်းကျင်) သာ လိုအပ်သော်လည်း၊ နုန်းမြေ သို့မဟုတ် မြေစေးဆန်သော မြေများသည် မြေကျစ်လစ်ပြီး ဓာတ်ဖိုဖလှယ်မှုစွမ်းအား မြင့်မားသောကြောင့် တစ်ဧကလျှင် ထုံးအိတ် ၆၀ မှ ၁၀၀ ကျော်အထိ (ပိဿာ ၂,၄၀၀ မှ ၄,၀၀၀ ကျော်) တိုးမြှင့်ထည့်သွင်းရန် လိုအပ်တတ်ပါတယ်။ ထုံးကို တစ်ကြိမ်တည်းနှင့် အလွန်အကျွံ ထည့်သွင်းခြင်းထက် တစ်ဧကလျှင် အိတ် ၃၀ (သို့မဟုတ် ) ၅၀အထက် ကျော်လွန်ပါက သီးနှံမစိုက်ပျိုးမီ ရာသီခွဲ၍ အပိုင်းလိုက် ထည့်သွင်းပေးခြင်းက မြေဆီလွှာ ရှော့ခ် (Shock) မဖြစ်စေရန်အတွက် အကောင်းဆုံး ဖြစ်ပါတယ်။ထုံးကို မြေပဲမစိုက်ပျိုးမီ မြေနောက်ဆုံးထွန်းရေးပြင်ချိန် (သို့မဟုတ်) မျိုးမစိုက်မီ အနည်းဆုံး ၁လအလိုတွင် မြေကြီးထဲ နှံ့စပ်အောင် ထည့်ပေးရပါမယ်။၁နှစ်တည်း အိတ်အရေအတွက်အများကြီးထည့်သွင်းတာထက် နှစ်စဉ်အနည်းငယ် သာထည့်သင့်ပါတယ်။မြေချဉ်ငံကိန်း (pH) ကို မသိဘဲ အန္တရာယ်ကင်းစွာ ထည့်သွင်းလိုပါက တစ်ဧကလျှင် ထုံးအိတ် ၃ အိတ် မှ ၅ အိတ် ခန့် (ပိဿာအားဖြင့် ၁၀၀ မှ ၂၀၀ ဝန်းကျင်၊ တစ်အိတ်လျှင် ၄၀ ပိဿာနှုန်းဖြင့် ခန့်မှန်းတွက်ချက်ပေးထားသည်) ကို ပုံမှန်နှုန်းထားအဖြစ် ထည့်သွင်းပေးနိုင်ပါတယ်။ သဲဆန်သောမြေဖြစ်ပါက မြေဓာတ်ပြယ်လွယ်သဖြင့် နှစ်စဉ် ၃ အိတ်ခန့်သာ ထည့်သင့်ပြီး၊ နုန်းမြေ သို့မဟုတ် မြေစေးဆန်သောမြေဖြစ်ပါက ၄ အိတ်မှ ၅ အိတ်အထိ စိတ်ချလက်ချ ထည့်သွင်းနိုင်ပါတယ်။ ဤနှုန်းထားသည် မြေကြီးကို ဗုန်းခနဲ ချဉ်ငံကိန်းပြောင်းလဲမသွားစေဘဲ မြေပဲပင်အတွက် လိုအပ်သော ကယ်လ်စီယမ်ဓာတ်ကို အန္တရာယ်ကင်းကင်းနှင့် စဉ်ဆက်မပြတ် ဖြည့်ဆည်းပေးနိုင်သော အကောင်းဆုံး ပြုပြင်နည်းဖြစ်ပါတယ်။