အရွက်ကဘာဖစ်လည်းဆိုတာသိချင်လို့ပါဗျ

ပုံပါ ဘိုစားပဲပင်တွင် အရွက်များ ဝါဖျော့နေခြင်းသည် အာဟာရဓာတ် ချို့တဲ့မှုနှင့် စုပ်စားပိုး ကျရောက်မှုတို့ကြောင့် ဖြစ်နိုင်ပါတယ်။ အရွက်ရင့်များ တစ်ပြင်လုံး ဝါနေခြင်းမှာ နိုက်ထရိုဂျင် (Nitrogen) ချို့တဲ့ခြင်းဖြစ်ပြီး၊ အရွက်နုများတွင် ရွက်ကြောစိမ်းပြီး ရွက်ကြောကြား ဝါခြင်းမှာ သံဓာတ် (Iron) ချို့တဲ့ခြင်း ဖြစ်နိုင်ပါတယ်။ ထို့ပြင် အရွက်များမှ အာဟာရရည် စုပ်ယူတတ်သည့် လှေးပိုး၊ ယင်ဖြူ၊ မွှားပင့်ကူနီ စသည့် စုပ်စားပိုးများ ရှိမရှိ သိရှိနိုင်ရန် အရွက်အောက်မျက်နှာပြင်ကို သေချာလှန်၍ ရှာဖွေစစ်ဆေးရပါမယ်။ ကုသရန်အတွက် အမိုင်နို ရွက်ဖျန်းအားဆေးနှင့် အနည်းလိုအာဟာရ များကို ပက်ဖျန်းပေးရမည်ဖြစ်ပြီး၊ စုပ်စားပိုးတွေ့ပါက တမာဆေးရည် သို့မဟုတ် ပင်လုံးပျံ့ပိုးသတ်ဆေး သုံးစွဲပေးရပါမယ်။ ရေဝပ်ခြင်းကြောင့်လည်း အမြစ်က အာဟာရမစုပ်နိုင်ဘဲ ဝါတတ်သဖြင့် ရေသွင်းရေနုတ်ကိုလည်း ဂရုစိုက်ပေးရပါမယ်။