ပျိုးစေ့ပေါ်ကို နွားချေးဖြူးလို့ရ..မရနှင့် တစ်ပတ်အတွင်း စိတ်ဝင်စားစရာ အမေးအဖြေများ

Green Way • 12/08/2023

စိတ်ဝင်စားစရာ အမေးအဖြေတွေကို လေ့လာရမယ့် စနေနေ့ကို ပြန်လည်လို့ရောက်ရှိလာခဲ့ပါပြီ။

ဒီတစ်ပတ်မှာလည်း ဦးကြီးတို့အတွက် လေ့လာမှတ်သားစရာကောင်းတဲ့ အမေးအဖြေလေးတွေကို စုစည်းပြီးဖော်ပြပေးလိုက်ပါတယ်နော်။

၁။ မေး (Ye Htet Kyaw) - အီးအမ်အပြင်းကနေ အသင့်သုံးအီးအမ်လုပ်တဲ့အခါ အသုံးပြုတဲ့ရေကို ရေသန့်နဲ့လုပ်လို့ရနိုင်မလား။

ဖြေ (ဒို့ဦးလေး) - ရေသန့်မှာ ကလိုရင်းပါတတ်တဲ့အတွက် ရိုးရိုးရေသာ သုံးသင့်ပါတယ်။ သဘာဝမိုးရေ ကောင်းပါတယ်ဗျ။

၂။ မေး (မျိုးသူ)- ဆရာတို့ခဗျ စပါးပင်သံချေးရောဂါဖြစ်နေရင် ဆာလဖာဓာတ်မြေသြဇာမသုံးသင့်ဘူးပြောကြလို့ ရှင်းပြပေးပါအုံးခဗျ။ကျေးဇူးပါ။

ဖြေ (ဒို့ဦးလေး) - ဆာလဖာကြောင့်မဟုတ်ဘဲ အမိုနီယံကြောင့် ရောဂါကို ပိုဆိုးစေမှာစိုးလို့ဖြစ်ပါလိမ့်မယ်(အမိုနီယံဆာလဖိတ်မြေသြဇာ ) အောက်က မြေသြဇာတော့ ကျွေးရက်ရောက်ရင်ကျွေးပါ။ သံချေးရောဂါအတွက် ဟက်ဇာကိုနာဇိုးလိုမျိုး မှိုသတ်ဆေးဖျန်းရမှာပါ။ ရွက်ဖျန်းအားဆေးရှောင်သင့်တာပါ။

၃။ မေး (ဝင်းစိန်) - ရွှေဖရုံပင် အဖိုဖွင့်သာ ပွင့်နေပါသဖြင့် အသီးဖြစ် အမပွင့် ပွင့်အောင် ဘယ်လိုလုပ်ဆောင်ရမလဲ ဆရာတို့။

ဖြေ(ဒို့ဦးလေး) - စောင့်ကြည့်ပါဦး။အဖို ၄ ပွင့်လောက်ပွင့်ပြီးမှ အမပွင့်လာတတ်ပါတယ်။ အပင်ဖြစ်သန်လွန်းနေရင်.အညွန့်ဖြတ်ပေးပါ။

(ဦးမောင်မောင်ထွေး) - အဖိုပွင့်ကစောစောပွင့်လေ့ရှိတယ်။ အမပွင့်လိုက်လာအောင်အညွန့်ဖြတ်ပေးပါ။ ဘေးတက်မှပထမအပွင့်ကအမပွင့်ရလာမယ်အညွန့်များဖြတ်ပေးပါအသီးများများရမယ်။

၄။ မေး (Say) - ခရမ်းချဥ်ပျိုးပင်က အိတ်အပေါ်ယံကို နွားချေးဖြူးရင် (အစေ့ပေါ်ကဖြူထားတာပါ)ခါးရိတတ်လားဗျ။ ပေါက်ခါစလေးတေ ခါးမရိအောင် ဘယ်လိုလုပ်ရမလဲဗျ။ သဲဖြူးရမလားဗျအစေ့ပေါ်ကို။

ဖြေ (ဦးမောင်မောင်ထွေး)- ပေါက်ခါစအပင်လေးကို နွားချေးမဖြူးပါနှင့်။ အပင်ပေါက်ခါစလေးတွေအတွက် အာဟာရမလိုအပ်သေးပါ။ နောက်ခရမ်းချဥ်ပျိုးရင် သေချာဆွေးတဲ့ နွားချေးကို ကြိုတင်ထည့်ထားပါ။ မျိုးစေ့ကို ဟိုမိုင်းမှိုသတ်ဆေးနဲ့လူးပြီးပျိုးပါ။ နွားချေးမဆွေးရင် နောက်ပိုင်းတွင် ပင်ညှိုးရောဂါကျရင်ပိုဆိုးမယ်။

၅။ မေး (မျိုးသူ) - ဆရာခဗျ စပါးတွက်နွားချေးနဲ့ ပုလဲကိုရောပီးတစ်ရက်မကကြို နှပ်ထားလို့ရလား။တညအိပ်ပဲထားရတာလား သိချင်ပါတယ်။ကျေးဇူးပါ။

(Myint Maung Maung) - နွားချေးအခြောက်မှုန့်ဆိုရင်တော့ တစ်ညမကဘူး နှပ်ထားလို့ရပါတယ်။

(ဦးမောင်မောင်ထွေး) - နွားချေးရဲ့သဘာဝကနှပ်ထားရင်ကောင်းတယ်။ ပုလဲကတော့နှပ်ထားရင်မကောင်းပါ။ ဆုံးရှုံးသွားမယ်အဲဒီသဘာဝကိုသိရင် ဘယ်လိုသုံးသင့်သလဲဆိုတာ မိမိကိုယ်တိုင်ဆုံးဖြတ်နိုင်ပါတယ်။ ဥပမာနွားချေးကိုအရင်နှပ်ထားပြီး ပုလဲကိုစိုက်ခါနည်းမှသို့မဟုတ် အပင်လှန်ချိန်မှထည့်နိုင်တယ်။

မေးခွန်းတွေအကုန်လုံးကလည်း အခုချိန်တောင်သူတိုင်းကြုံတွေ့နေရတဲ့ ပြဿနာတွေကြီးကို စုစည်းထားတာမို့ ဗဟုသုတရမယ်လို့ မျှော်လင့်ပါတယ်ရှင့်။

တခြားမိတ်ဆွေတောင်သူတွေလည်း ဒီလိုမျိုးအကြံဉာဏ်တွေရယူချင်တယ်ဆို အမေးအဖြေကဏ္ဍမှာ ပို့စ်တင်မေးလို့ရနေပါပြီနော်။ ဘယ်လိုတွေမေးရမှန်းမသိရင် ပုံလေးသာတင်ပြီး မေးလိုက်။ ဆရာတို့က သေချာကြည့်ပြီး ဖြေပေးနေပါပြီရှင့်။ အမေးအဖြေကဏ္ဍမှာ အားမနာတမ်း ပို့စ်တင်မေးနိုင်ပါကြောင်း သတင်းကောင်းပေးရင်း ဒီတစ်ပတ်တော့ ဒီလောက်နဲ့ပဲ အဆုံးသတ်လိုက်ပါဦးမယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဆက်စပ်ဆောင်းပါးများ

အထွေထွေ

သမိုင်းအစဉ်အလာကြီးတဲ့ ငရုတ်သီး

Thu Ra Nyi Nyi

အထွေထွေ

မက်ဆီအမြဲလိုလို ပိုက်နဲ့စုပ်သောက်နေတာက ဘာလဲ?

Thein Soe Min

အထွေထွေ

ကျန်းမာပျော်ရွှင်ပါစေ.. အမေ

Green Way

ဆက်စပ်မေးခွန်းများ

ဧရာပဒေသာ၄ဧကစိုက်အစေ့ချစိုက်ခင်းပါ၃၀ရက်သားမှာ၁၆ပတ်လည်ဂျစ်ပ်ဆမ်၁အိတ်ပုလဲ၁အိတ် ၄၅ရက်သားမှာ၁၅ပတ်လည်၂အိတ် ၇၀ရက်သားမှာပိုတက်၁အိတ်ပုလဲ၁အိတ်ဂျစ်ပ်ဆမ်၁အိတ် (နောက်အပတ်၈၅ရက်သားမှာပုလဲ၁အိတ်ပိုတက်၁အိတ်ဂျစ်ပ်ဆမ်၂အိတ်ထပ်ကျွေးမှာပါ)နောက်ဆုံးအပတ်ဘယ်ရက်လောက်ထပ်ကျွေးသင့်လဲခဗျာဘာမြေသြဇာကျွေးသင့်ပါသလဲခဗျအပင်နိမ့်တဲ့နေရာက၂ပေခွဲအပင်မြင့်တဲ့နေရာက၃ပေလောက်တော့ရှိပါတယ်တယ်အကြံပေးပါအုန်းခဗျ

kyaw zin • ဖြေကြားချက် 1 ခု

မြေသြဇာ ၅၀ kg အိပ်မရရင် ရွတ်ဖြန်းမြေသြဇာလေးတွေသုံးပြီး စပါးရင့်မှဲ့သည်အထိ အသုံးပြုလို့ရပသလား ဘာကြောင့်ဆို မြေသြဇာတွေအဆမတင်စျေးကြီးနေလို့ ရွတ်ဖြန်းမြေသြဇာ NPK ပါတဲ့အိပ်လေးတွေအသုံးပြုချင်ပါတယ် အဆင်ပြေမလားခမျ

လိူင်စိုး • ဖြေကြားချက် 1 ခု

ကျနော်လယ်ကွက်တွေထဲမှာစပါးမစိုက်ရသေးဘူးရွှေခရုအကောင်ငယ်းများအားကြီးတွေ့ရတယ်ဘဲကြောင်းဖို့ဘဲကမရှိကောက်ဖို့လဲမဖြစ်နိုင်။ဘယ်ဆေးဝါးသုံးသင်သလဲဗျိ့။

U Win Zaw • ဖြေကြားချက် 3 ခု

ကုသလို့ ရနိုင်ပါအုံးမလားဗျ ဘာဖြစ်တာလဲ ဘယ်လိုကုသရမလဲ နားလည်သော ပညာရှင်များ အကြံပေးပါအုံး မိုးဆက်တိုက်ရွာလို့ ဖြစ်သွားတာပါ

ကိုကျော်ဇင်ဦး • ဖြေကြားချက် 4 ခု

ဆိတ်တွေ ချေးပန်းနေလို့ ဘယ်လိုကာကွယ်ရမလဲ ဆရာတို့ ကုညီပါအုန်း ခုမှ စိုက်ပျိုးရေးနဲ့ မွေးမြူရေး စပြီလုပ်တာဖြစ်လို့ မကျွမ်းကျင်လို့ပါ🙏🙏🙏

မောင်ပေါက်ကြီး • ဖြေကြားချက် 1 ခု

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

နောက်ဆုံး ဆောင်းပါးများ