လက်ရှိအသားငါးဈေးနှုန်းများ (ဆိတ်သားဈေးစံချိန်တင်အောင်မြင့်တက်)

AMIA • 15/01/2026

ပြည်တွင်း အသား ငါးစျေးကွက်မှာ ဆိတ်သားစျေးနှုန်းက စံချိန်‌တင်‌ဈေးမြင့်တက်လာပြီး ဝက်သား နဲ့ အမဲသားကလည်း အမြင့်စျေးနှုန်းမှာပဲ ဆက်ရှိနေတယ်လို့ အသားငါး ရောင်းချသူတွေ ဆီကသိရပါတယ်။

ဆိတ်သားစျေးက လက်ရှိ ပြည်တွင်း အသားစျေးကွက်မှာ တစ်ပိဿာကို ၈၅၀၀၀ ကျပ်ဝန်းကျင် အထိစျေးနှုန်း မြင့်တက်နေတာ ဖြစ်တယ်လို့သိရပါတယ် ။

ဝက်သားစျေးကတော့ သုံးထပ်သား အဆီအသား အရော တစ်ပိဿာကို ၃၂၀၀၀ ကျပ်စျေးရှိပြီး နေရာဒေသအလိုက် စျေးကွာခြားတဲ့ အခြေအနေတွေကြောင့် အမြင့်ဆုံး တစ်ပိဿာကို ၄၅၀၀၀ အထက်အထိ စျေးရှိတယ်လို့ သိရပါတယ်။

အမဲသားစျေးကလည်း တစ်ပိဿာကို ၃၃၀၀၀ ကျပ်မှ ၃၈၀၀၀ ကျပ်အထိ စျေးတန်းရှိ နေပြီး အသားအနေအထားပေါ် လိုက်ပြီး စျေးနှုန်းကွာခြားမှု ရှိသလို ၊ နေရာဒေသ အပေါ်လိုက်ပြီး လည်း စျေးနှုန်းလည်းကွာခြား မှုရှိတယ်လို့ သိရပါတယ်။

ဆိတ်သား ၊ အမဲသား နဲ့ ဝက်သား စျေးနှုန်းတွေက မြင့်တက်နေတဲ့အတွက် စားသုံးမှုနှုန်းအနေနဲ့ ယခင်ကထက် ပိုပြီး လျော့ကျသွားတဲ့ အခြေအနေ ရှိတယ်လို့ သိရပါတယ်။

" ဆိတ်သားက ဒီနေ့သိရတာ ၈၅၀၀၀ တဲ့ လက်လန်တယ်။ အမဲသား ၊ ဝက်သားစျေးကလည်း မြောက်နေတုန်းပဲ ။ စျေးက မြင့်တာက တပိုင်း ၊ ဒီဆိတ်သားတို့ အမဲသား နဲ့ ဝက်သားက လူတိုင်းလည်း သိပ်ပြီးစားတဲ့ အသားမဟုတ်တော့ ခုကာလ စားသုံးမှု ပိုပြီးကျပါတယ် " လို့ ပဲခူးတိုင်းက အသား ရောင်းချသူ ကိုဇော်က ပြောပါတယ်။

ကြက်သား နဲ့ ငါးကြင်းကတော့ အကျစျေးမှာ ပဲရှိပြီး လက်ရှိမှာ ကြက်သား တစ်ပိဿာကို အမြင့်ဆုံး အသားသီးသန့် ( အရိုးမပါ) တစ်ပိဿာ ၂၇၀၀၀ ကျပ် ရှိပြီး ကြက်အပေါ်ပိုင်း အသား ရင်ညွှန့်ရိုးပါတာက ၂၃၀၀၀ ကျပ်နဲ့ ပေါင်က ၂၀၀၀၀ စျေး ၊ အတောင်ပံက ၁၈၀၀၀ ကျပ်ဝန်းကျင်ရှိ ပါတယ်။

ငါးကြင်းစျေးနှုန်းကတော့ တစ်ပိဿာကို ၂၆၀၀၀ ကျပ်မှ ၂၈၀၀၀ ကျပ်ဝန်းကျင် စျေးရှိပြီး လက်ရှိပြည်တွင်းအသားငါး စျေးကွက်မှာ ကြက်သား နဲ့ ငါးကြင်းကိုသာ စားသုံးမှုများတယ်လို့ သိရပါတယ်။

AMIA (ဈေးကွက်နှင့် သတင်းအေဂျင်စီ)မှ အစိမ်းရောင်လမ်းဆော့ဝဲသို့ ပေးပို့ထားသော အစိမ်းရောင်လမ်း၏ မူပိုင်ဆောင်းပါးဖြစ်သဖြင့် ဆောင်းပါးများ၊ သတင်းများ ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်ဟု” ထည့်ပေးပါရန် မေတ္တာရပ်ခံအပ်ပါသည်။

ဆက်စပ်အကြောင်းအရာ၊ မေးခွန်းများနှင့် ဆောင်းပါးများကို ဆက်လက်ဖတ်ရှုနိုင်ပါသည်။

အကြောင်းအရာ 1

သားငါးဈေးနှုန်းများ

ဆက်စပ်ဆောင်းပါးများ

မွေးမြူရေးသတင်း

အစာဈေးမြင့်ပြီး တွက်ချေမကိုက်တော့သဖြင့် ငါးမွေးမြူသူတွေ လျော့ကျလာ

AMIA

မွေးမြူရေးသတင်း

အသားဈေးရဲ့ ၂ ဆ နီးပါးဖြစ်နေတဲ့ ငါးခြောက်ဈေးကွက်

AMIA

မွေးမြူရေးသတင်း

ကြက်ခြံဖမ်းဈေးသာကျပြီး အသားရောင်းဈေးမကျလို့ မွေးမြူသူများအခက်ကြုံနေ

AMIA

ဆက်စပ်မေးခွန်းများ

ဧရာပဒေသာ၄ဧကစိုက်အစေ့ချစိုက်ခင်းပါ၃၀ရက်သားမှာ၁၆ပတ်လည်ဂျစ်ပ်ဆမ်၁အိတ်ပုလဲ၁အိတ် ၄၅ရက်သားမှာ၁၅ပတ်လည်၂အိတ် ၇၀ရက်သားမှာပိုတက်၁အိတ်ပုလဲ၁အိတ်ဂျစ်ပ်ဆမ်၁အိတ် (နောက်အပတ်၈၅ရက်သားမှာပုလဲ၁အိတ်ပိုတက်၁အိတ်ဂျစ်ပ်ဆမ်၂အိတ်ထပ်ကျွေးမှာပါ)နောက်ဆုံးအပတ်ဘယ်ရက်လောက်ထပ်ကျွေးသင့်လဲခဗျာဘာမြေသြဇာကျွေးသင့်ပါသလဲခဗျအပင်နိမ့်တဲ့နေရာက၂ပေခွဲအပင်မြင့်တဲ့နေရာက၃ပေလောက်တော့ရှိပါတယ်တယ်အကြံပေးပါအုန်းခဗျ

kyaw zin • ဖြေကြားချက် 1 ခု

မြေသြဇာ ၅၀ kg အိပ်မရရင် ရွတ်ဖြန်းမြေသြဇာလေးတွေသုံးပြီး စပါးရင့်မှဲ့သည်အထိ အသုံးပြုလို့ရပသလား ဘာကြောင့်ဆို မြေသြဇာတွေအဆမတင်စျေးကြီးနေလို့ ရွတ်ဖြန်းမြေသြဇာ NPK ပါတဲ့အိပ်လေးတွေအသုံးပြုချင်ပါတယ် အဆင်ပြေမလားခမျ

လိူင်စိုး • ဖြေကြားချက် 1 ခု

ကျနော်လယ်ကွက်တွေထဲမှာစပါးမစိုက်ရသေးဘူးရွှေခရုအကောင်ငယ်းများအားကြီးတွေ့ရတယ်ဘဲကြောင်းဖို့ဘဲကမရှိကောက်ဖို့လဲမဖြစ်နိုင်။ဘယ်ဆေးဝါးသုံးသင်သလဲဗျိ့။

U Win Zaw • ဖြေကြားချက် 3 ခု

ကုသလို့ ရနိုင်ပါအုံးမလားဗျ ဘာဖြစ်တာလဲ ဘယ်လိုကုသရမလဲ နားလည်သော ပညာရှင်များ အကြံပေးပါအုံး မိုးဆက်တိုက်ရွာလို့ ဖြစ်သွားတာပါ

ကိုကျော်ဇင်ဦး • ဖြေကြားချက် 4 ခု

ဆိတ်တွေ ချေးပန်းနေလို့ ဘယ်လိုကာကွယ်ရမလဲ ဆရာတို့ ကုညီပါအုန်း ခုမှ စိုက်ပျိုးရေးနဲ့ မွေးမြူရေး စပြီလုပ်တာဖြစ်လို့ မကျွမ်းကျင်လို့ပါ🙏🙏🙏

မောင်ပေါက်ကြီး • ဖြေကြားချက် 1 ခု

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

နောက်ဆုံး ဆောင်းပါးများ