အစိမ်းရောင်လမ်း

အစိမ်းရောင်လမ်း အက်ပ်

အမေးအဖြေနှင့် အသိပေးချက်များကို ပိုမြန်မြန် ရယူနိုင်ပါသည်။

ရယူရန် ရယူရန်
ကြက်ဥဈေးနှုန်းများ တစ်ပတ်အတွင်း အဆမတန်မြင့်တက်လာ

ကြက်ဥဈေးနှုန်းများ တစ်ပတ်အတွင်း အဆမတန်မြင့်တက်လာ

     ရန်ကုန်တိုင်းဒေသကြီးရှိ ကြက်ဥဈေးနှုန်းများ တစ်ပတ်အတွင်း အဆမတန်မြင့်တက်လာကြောင်း ဥစားကြက်မွေးမြူသူများထံမှ သိရသည်။

မနှစ်ကတုန်းက ကြက်သမားတွေ သိပ်မမြတ်ကြပါဘူး။ ရာသီဥတုပူတုန်းကလည်း ပူလို့ဆိုပြီး ကြက်ခြံတွေမှာ ကြက်အသေအပျောက်တွေ များခဲ့တယ်။ ဒီနှစ်ကျတော့ စိတ်ဓာတ်ကျတဲ့သူတွေလည်း ကျကုန်ပြီး ကြက်တွေလျော့မွေးကြကုန်ကြတယ်။ ကြက်ဥ,ဥနှုန်း အနည်းအများကြောင့် ဆိုတာထက် အခုကာလမှာက ဝယ်လိုအားကိုက များနေတာကြောင့် ဈေးတက်ကုန်တာပါ။ အခြေခံလူတန်းစားတွေကျတော့လည်း အားရှိတဲ့အစားအစာက ကြက်ဥပဲရှိတာလေ။ ကိုဗစ်ကို ကာကွယ်စေတယ် ပြောကြတော့ ပိုပြီး ရောင်းအားကောင်းကုန်တာပေါ့။

ဟု ရန်ကုန်တိုင်းဒေသကြီး၊ မှော်ဘီမြို့နယ်မှ ဥစားကြက်မွေးမြူသူ ကိုကျော်ကြီးက ပြောသည်။

     မူလက တစ်လုံးလျှင် (၉၀)ကျပ်မှ (၁၀၀)ကျပ်အတွင်း လက်လီရောင်းချခဲ့သည့် ကြက်ဥအရွယ်အစားများမှာ ယခုအခါ တစ်လုံးလျှင် (၁၂၀)ကျပ်မှ (၁၅၀)ကျပ်အထိ ဈေးနှုန်းများ မြင့်တက်နေကြောင်း သိရသည်။

လက်လီပြန်ရောင်းဖို့အတွက် လိုက်ဝယ်တာတောင် ဝယ်လို့က မရတော့ဘူး။ ကြက်ဥဒိုင်မှာကို ပစ္စည်းက ပြတ်နေတာ။ ဟိုရက်ကတင် တစ်လုံး ၉၀ ကျပ်လောက်ရှိတဲ့ကြက်ဥက အခု နှစ်ရက်အတွင်းမှာကို တစ်လုံး ၁၁၀၊ ၁၂၀ ကျပ်တွေဖြစ်ကုန်တော့ ဘယ်လိုဈေးနဲ့ရောင်းရတော့မလဲ။ ဒါလည်း လူတွေက ဝယ်နေကြတာပဲ။ ဘဲဥက ဒီလောက်ဈေးမတက်ဘူး။ ကြက်ဥက ထိုးတက်နေတာ။

ဟု ရန်ကုန်တိုင်းဒေသကြီးမှ ကြက်ဥ၊ ဘဲဥရောင်းဝယ်ရေးလုပ်ကိုင်သူ ဒေါ်ရီရီစိုးက ပြောသည်။

     ယခုကဲ့သို့ ကြက်ဥဈေးနှုန်းများ မြင့်တက်လာရခြင်းမှာ COVID ရောဂါပိုး ကူးစက်ပြန့်ပွားမှု ပြန်လည်မြင့်တက်လာပြီးသည့်နောက်၊ လူစုလူဝေးသွားလာခြင်းများ တင်းကြပ်မှုရှိလာပြီး အစာခြောက်များ၊ ကြက်ဥ၊ ဘဲဥ စသည်များ ဝယ်ယူစုဆောင်းမှု များပြားလာခြင်းကြောင့်လည်း ဖြစ်သည်။

1
အမည်မသိ

အမည်မသိ

လွန်ခဲ့သော ၅ နှစ် က

တရုတ်ဉတွေဝင်နေပါတယ်နော် သတိထားပါ ကြက်ဥတွေကိုနှစ်ပတ် ၁၄ရက်လောက်မဝယ်ဘဲနေကြပါ အရင်စျေးပြန်ရောက်လာပါလိပ်မယ်

You

ဆက်စပ်မေးခွန်းများ

ပဲပင်စည်ထိုးယင်ဝင်နေလို့ဗျား ဘယ်လိုဆေးတွေဖျန်းရမလဲဗျ အကူအညီလေးရအောင် ဖြေပေးကြပါအုံး...

နေရောင်အောက်က ဘဝသမား • ဖြေကြားချက် 0 ခု

အရင်နှစ်ကမြစ်ခြောက်ဆွေးရောဂါတေကြောင့်အပင်တေသေပါတယ် ဘယ်လိုမျိုးစေ့လူးနယ်ဆေးကိုသုံးရမလဲဗျ ပဲတီစိမ်းကိုထွန်ခင်းလုပ်မှာပါ

ဦးစောမောင်ဌေး • ဖြေကြားချက် 4 ခု

ဆရာတို့ခင်ဗျာ ပြောင်းပင်များ ပြောင်းဖူး ဖူးချိန်တွင် မုန့်ဖုတ်ဆော်ဒါအား အပင်ခြေပုံခြင်း ဖြင့်လည်းကောင်း အရည်ဖျော်၍ ဖျန်းပေးခြင်းဖြင့်လည်းကောင်း အဖူးထွားသည်ဟု ပြောကြပါသည်။ သို့ဖြစ်ပါ၍ ထိုအယူအဆမှာ မှန်ကန်ခြင်း ရှိ/မရှိ သိပါရစေဗျာ။ ပြောင်းစိုက်ပျိုးရေးအတွက် အသင့်တော်ဆုံးဖြစ်မယ့် မြေသြဇာကိုလည်း သိပါရစေခင်ဗျာ။ အောက်ပါပုံတွင် ပါရှိသော ပြောင်းပင်တွင်ကျရောက်နေသည့် မှိုရောဂါအတွက် မည်သို့ကုသရမည် ဆိုသည်ကိုလည်း ညွှန်ကြားပေးပါခင်ဗျာ။

ဦးနိုင်လင်းထွန်း • ဖြေကြားချက် 1 ခု

သဘာဝမြေသြဇာကို ကိုယ်တိုင်ထုတ်လုပ်ရောင်းချချင်တာပါ။ဘယ်လိုအရာတွေကိုပေါင်းစပ်ထုတ်လုပ်ရမလဲဗျ နည်းပညာသိသူများမျှဝေပေးပါဦး

YeMinZaw • ဖြေကြားချက် 4 ခု

ထရိုင်ကိုဒါးမားဘယ်မှာဝယ်ရမလဲ မှုံရွာကပါ မှိုကြချိန်အသုံးပြုလို့အဆင်ပြေးလားဗျ

ko moe • ဖြေကြားချက် 1 ခု

မတင်ဘဲ ထွက်မှာ သေချာပါသလား။

သင်ရေးထားသည်များကို မတင်ရသေးပါ။ ဤစာမျက်နှာမှ ထွက်ပါက ပျောက်ဆုံးသွားပါမည်။