အစိမ်းရောင်လမ်း

အစိမ်းရောင်လမ်း အက်ပ်

အမေးအဖြေနှင့် အသိပေးချက်များကို ပိုမြန်မြန် ရယူနိုင်ပါသည်။

ရယူရန် ရယူရန်
အရည်အသွေးကောင်းသော အီးအမ်အရည် ဟုတ်မဟုတ် စစ်ဆေးနည်း (၂)

အရည်အသွေးကောင်းသော အီးအမ်အရည် ဟုတ်မဟုတ် စစ်ဆေးနည်း (၂)

အဆင့် (၄) ချဉ်ငန်ဓာတ်ကို စစ်ဆေးခြင်း

အီးအမ်ပျော်ရည်၏ အဖြစ်သင့်ဆုံး ချဉ်ငန်ကိန်း (pH value) မှာ ၃.၇၅ နှင့် ၄.၇၅ အတွင်း ဖြစ်ရမည်။  ၄.၇၅ နှင့်အထက် ဥပမာ ၆.၅ လောက်ဆိုရင် အချဉ်ဖြစ်စေသော ဒိန်ချဉ် ဘတ်တီးရီးယား (Lactobacilli) မရှိသလောက်ကို ဖြစ်သည်။ ထို့အတွက် အီးအမ်သည် အနည်းငယ်ထက်ပိုသော အတော်အသင့်ချဉ်လွန်းသော သဘောရှိသည်။ ချဉ်ငန်ကိန်း ၃.၇၅ ထက် နည်းပါက အက်ဆစ်ဓာတ်များသဖြင့် သုံးရန် မသင့်တော်ပေ။

အဆင့် (၅) စေးပျစ်မှုကို စစ်ဆေးခြင်း

စေးပျစ်မှုကို စစ်ဆေးရန် ရေထည့်ထားသောဖန်ခွက်ထဲသို့ အီးအမ်ပျော်ရည် တစ်စက်ကို ထည့်ပါ။ ထည့်ထည့်ခြင်းတွင် အရည်စက်မှာ ပြိုကွဲမသွားရပါ။ ၁ - ၂ စက္ကန့် ကြာမှသာ အရည်သည် ရေအတွင်း ပျော်ဝင်ရပါမည်။

အဆင့် (၆) အလုပ်လုပ်ဆောင်မှုကို စစ်ဆေးခြင်း

ဒီအဆင့်ကို အကျယ်တဝင့် ပြောမည်ဆိုပါက ကျယ်ဝန်းပါသည်။ စမ်းနည်းများစွာရှိပါသည်။ ရေး၍ ပြီးမည် မဟုတ်ပါ။ ထို့အတွက် အကျဉ်းချုံး နည်းတစ်ခုသာ ဖော်ပြပါမည်။ အီးအမ်အရည် အနည်းငယ်ဖြင့် ချက်ခါစ ထမင်း (မပူနေရပါ ၊ခပ်နွေးနွေး အနေအထားတွင်) ကိုလောင်းပါ။ ထို့နောက် ထည့်စရာ တစ်ခုခုအတွင်း ထည့်၍ လေအလုံပိတ်ထားပါ။ ၃  - ၄ ရက်ခန့် ကြာလျှင် ထမင်းတွေမှာ ပုံမှန် နေမြင့်ရင် ထမင်းများ သိုးသကဲ့သို့ ပုတ်သိုးခြင်း၊ ရိရွဲခြင်း၊ အနံ့ဆိုးထွက်ခြင်းများ မဖြစ်ရပါ။ 

အထက်ဖော်ပြပါ အဆင့်များသည် အီးအမ်အပြင်း၊ အသင့်သုံး အီးအမ်တို့ကိုသာ အာနိသင်ရှိ၊ မရှိယေဘုယျစမ်းခြင်း ဖြစ်ပါသည်။ ပင်မ အီးအမ်ကို စမ်းချင်ပါက အီးအမ်အပြင်း သို့မဟုတ် အသင့်သုံးအီးအမ်အနေဖြင့် ပြန်ပြောင်း၍ စမ်းနိုင်ပါသည်။ ထို့အပြင် အီးအမ်အမျိုးစားချင်း အတူတူကို ဘယ် အမျိုးအစားက ပိုကောင်းသည် ကို စမ်းသပ်သည့်နည်းများ မပါဝင်သေးပါ။ 

ဒီဆောင်းပါးကို ပြင်ဆင်ချိန် ကြာမြင့်ပါသဖြင့် ကူးချမည်ဆိုပါက ကျေးဇူးပြု၍ ရေးသားသူကို အားနာပေးပါရန် လေးစားစွာမေတ္တာရပ်ခံအပ်ပါသည်။ အသင့်သုံးနေသော အီးအမ်သည် ဖော်ပြပါအဆင့် ၆ ဆင့် စမ်းသပ်ခြင်းတွင် အနည်းဆုံး ၅ ဆင့် အောင်မြင်နိုင်ရပါမည်။ 

ဖုန်းမာန် Lab

အပိုင်း(၁) >>>>> https://greenwaymyanmar.com/posts/EM_Quality_Checking

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

 

 

2
ဦးခင်ရှိန်

ဦးခင်ရှိန်

လွန်ခဲ့သော ၄ နှစ် က

မြေဆွေးလုပ်သုံးပါ

Htet Aung

Htet Aung

လွန်ခဲ့သော ၄ နှစ် က

ဘယ် လိုသုံးရမလဲ

You

ဆက်စပ်မေးခွန်းများ

မျိုးစေ့မသိမ်းခင် အဆင့်မှာ ပုတ်ပြီးခြောက်သွားတာ ဘာကြောင့်ဖြစ်တာလဲပြောပြပေးပါဆရာ၊ဆရာမတို့ရှင့်

Tone meezae • ဖြေကြားချက် 1 ခု

ဆရာတို့ခင်ဗျာ မီးဖိုချောင်မှထွက်သောပြာကို ငြုပ်/ပြောင်းပင် တို့မှာ မြေသြစာအဖြစ် အသုံးပြု၍ရပါသလားဗျ ကောင်းကျိုး(သို့) ဆိုးကျိုးများ သိချင်ပါတယ်ဗျာ

ဦးနိုင်လင်းထွန်း • ဖြေကြားချက် 2 ခု

ဆင်းသုခစပါးစိုက်ခင်းကိုမြေဩဇာဘယ်လိုကြွေးရမလဲဆရာ။

U Win Zaw • ဖြေကြားချက် 3 ခု

မိုးရွာတာနိမ့်နေတဲ့နေရာတွေရေဝပ် ရေ ‌‌‌ေမြာင်းကမလုပ်ထားမိဘူး အပင်ထိခိုက်နိင်‌ေြခရှိလား ရေခန်းသွားရင်ဆေးဖြန်းလို့ရပါသလား ဘာဆေးြဖန်ရပါသလဲ

Mg Seit • ဖြေကြားချက် 1 ခု

အီးအမ်အပြင်း(CEM)ကိုအပင်ကိုတိုက်ရိုက်ဖြန်းလို့ရလား။ရတယ်ဆိုရင်ရေနဲ့ဘယ်လောက်ရောစပ်ရမလဲပြောပြပေးပါ ကျေးဇူးတင်ပါတယ်။

မျိုးလှိုင် • ဖြေကြားချက် 4 ခု

မတင်ဘဲ ထွက်မှာ သေချာပါသလား။

သင်ရေးထားသည်များကို မတင်ရသေးပါ။ ဤစာမျက်နှာမှ ထွက်ပါက ပျောက်ဆုံးသွားပါမည်။