ပြည်တွင်းလျှော်ဖြူဈေးကွက်တိုးတက်စေရန် ရွေ့လျားအရောင်းစနစ်ဖြင့် စတင်ရောင်းချမည်
ပြည်တွင်းလျှော်ဖြူဈေးကွက် တိုးတက်စေရန် ရွေ့လျားအရောင်းစနစ်ဖြင့် ရောင်းချရန် စီစဉ်ကြိုးပမ်းနေကြောင်း ကိုယ်တိုင်စိုက်ပျိုးထုတ်လုပ်နေသူများက ပြောသည်။
"လျှော်ဖြူကို တန်ဖိုးမြင့်ထုတ်ကုန် (Value Added) လုပ်ထားတဲ့ စားသောက်ကုန်/အအေး စတာတွေကို ရွေ့လျားထရပ်ကားနဲ့ လိုက်လံရောင်းချနိုင်ဖို့ စီစဉ်နေပါတယ်။ ဒီလအတွင်းမှာပဲ စတင်ရောင်းချသွားမှာပါ။ အရင်ဆုံး မန္တလေးမြို့တစ်ဝိုက်မှာ စတင်ရောင်းချဖြစ်မှာပါ။ လျှော်ဖြူစေး (ဆေးကုလားမ) ရဲ့ ကျန်းမာရေးအတွက် ဆေးဖက်ဝင်ပုံ၊ ခန္ဓာကိုယ်အတွက် အကျိုးပြုပုံ ကောင်းကျိုးတွေကို လူအများ သိရှိနားလည်လာပြီး၊ စားသုံးမှု တိုးမြှင့်လာဖို့အတွက် ရည်ရွယ်ပါတယ်။ ဆေးကုလားမကို မန်ကျည်းဖျော်ရည်ထဲမှာ ထည့်သောက်တာအပြင် တခြားနည်းလမ်းတွေနဲ့ သုံးစွဲလို့ရတယ်ဆိုတာကိုလည်း အများသိရှိအောင် မျှဝေပေးချင်ပါတယ်။"
ဟု မန္တလေးတိုင်းဒေသကြီး၊ ပုသိမ်ကြီးမြို့နယ်၊ ဂန္ဓမာရွာ၊ မန္တလေး-မတ္တရာကားလမ်း၊ မိုင်တိုင်(၁၁) အနီးရှိ နန္ဒဝန်လျှော်ဖြူထုတ်လုပ်ရေးခြံမှ စီမံအုပ်ချုပ်သူ ဦးဇင်မင်းသန့်က ပြောသည်။
ပြည်ပသို့တင်ပို့ရောင်းချသည့် လျှော်ဖြူစေး Export ပြည်ပဈေးကွက် ကျဆင်းလျက်ရှိသော်လည်း တောင်သူများအနေဖြင့် စိတ်ဓာတ်မကျဘဲ ပြည်တွင်းဈေးကွက်သစ်များ ဖော်ဆောင်နိုင်ရန် ကိုယ်ထူကိုယ်ထ ကြိုးပမ်းနေကြခြင်း ဖြစ်သည်။
"ကိုယ်ထူကိုယ်ထ စနစ်နဲ့ပဲ စီစဉ်နေတာဖြစ်ပါတယ်။ ပြည်ပဈေးကွက်က အခုလိုအားနည်းလာပေမယ့်လည်း ကုန်ချောအဖြစ်နဲ့ လျှော်ဖြူစားသောက်ကုန် ထုတ်ကုန်တွေ ထုတ်လုပ်ရောင်းချနေပါတယ်။ ဓာတုဆေးဝါးမပါ သန့်စင်ပြီး လျှော်ဖြူစေးကို ဆေးကုလားမ သီးသန့်အနေနဲ့ အပြင်၊ ရေခဲမှုန် တစ်ခါဖျော်ထုပ် (အချိုပါ, အချိုမပါ)၊ မန်ကျည်းလျှော်ဖြူ၊ ပင်ပွားလျှော်ဖြူ၊ ထန်းလျက်လျှော်ဖြူ စတဲ့ထုတ်ကုန်အမျိုးမျိုး ထုတ်လုပ်ပြီး ရန်ကုန်နဲ့ တခြားမြို့တွေကို တစ်နိုင်တစ်ပိုင်တင်ပို့ရောင်းချပါတယ်။"
ဟု ၎င်းက ဆက်လက်ပြောသည်။
လျှော်ဖြူစေး (ဆေးကုလားမ) ကို စားသုံးခြင်းကြောင့် ရရှိနိုင်သောအကျိုးအာနိသင်များမှာ ဆီး၊ ဝမ်း၊ သွေး၊ လေ မှန်ကန်ခြင်း၊ သွေးတွင်းအချိုဓါတ်ကို ထိန်းညှိပေးခြင်း၊ ခွန်အားတိုး အဆီကျလှပစေခြင်း၊ အရွယ်တင်နုပျိုစေခြင်း၊ အသားအရေ စိုပြေဝင်းပစေခြင်း၊ ပူပြင်းသောရာသီဥတုမျိုးတွင် စားသုံးပေးသင့်ခြင်း စသည်တို့ ဖြစ်သည်။
ပြည်တွင်း၌ ဆေးကုလားမကို ရေခဲမုန့်၊ ဂျယ်လီ၊ ရွှေရင်အေး စသည့် မြန်မာရိုးရာ အဖျော်စားသောက်ကုန်များတွင် ထည့်သွင်းအသုံးပြုခြင်း၊ တိုင်းရင်းဆေးအနေဖြင့် ဆီးရွှင်ဆေး၊ ဝမ်းပျော့ဆေး၊ အားတိုးဆေးများ ဖော်စပ်ရာတွင်လည်းကောင်း၊ လျှော်ဖြူအခြေခံ စားသောက်ကုန်နှင့် အလှကုန်များတွင်လည်းကောင်း ထည့်သွင်းအသုံးပြုကြသည်။
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။
အာရွန်
လွန်ခဲ့သော ၄ နှစ် ကဈေးကွက်လေးရှိရင်သိချင်ပါတယ် ပခုက္ကူကပါ
ဆက်စပ်မေးခွန်းများ
လေးစားရပါသော တောင်သူကြီးများခင်ဗျာ... ဖရဲစစိုက်မှာမို့ ဖရဲအထွက်ကောင်းတဲ့ စိုက်ပျိုးနည်းလမ်းဝေမျှပေးပါအုံး ခင်ဗျာ...တောင်သူကြီးများခကျန်းမာ ချမ်းသာကြပါစေ...ခင်ဗျာ။
U BHONE THWE HTAN • ဖြေကြားချက် 1 ခု
မင်္ဂလာပါ စိုက်ပျိုးရေးပညာရှင်များခင်ဗျာ။ ကျွန်တော့်စပါးခင်းမှာ ဂုတ်ကျိုးရောဂါ ဝင်နေပါတယ်။ လက်ရှိ စပါးက နို့ရည်ဝင်အဆင့်တော့ကျော် ဖြစ်ပါတယ်။ ရိတ်သိမ်းဖို့ ရက် ၂၅ခန့် လိုပါသေးတယ်။ စပါးခင်းတစ်ခင်းလုံး ရောဂါပျံ့နှံ့နေပါတယ်။ စပါးနှံ ၃၀% ခန့် ဂုတ်ကျိုးပြီး ဖြူခြောက်နေပါတယ်။ ရောဂါကလည်း နေ့စဉ် တိုးလာနေပါတယ်။ မေးချင်တာက— ၁။ ဒီအချိန်မှာ မှိုသတ်ဆေး ဖျန်းသင့်ပါသလား။ ၂။ ဖျန်းသင့်တယ်ဆိုရင် ဘယ်ဆေးအမျိုးအစား သုံးသင့်ပါသလဲ။ ၃။ ရိတ်သိမ်းဖို့ ရက် ၃၀ သာလိုတော့တဲ့အတွက် ဘယ်ဆေးက သင့်တော်ပါသလဲ။ ၄။ ကျန်ရှိနေတဲ့ စပါးနှံတွေကို ရောဂါမထပ်ပြန့်အောင် ကာကွယ်နိုင်ပါသလား။ အခုပုံက ရိုက်ထားတာ ၂ရက်ရှိပါပီဗျာ အကြံဉာဏ်ပေးကြပါဦးခင်ဗျာ။ ကျေးဇူးတင်ပါတယ်။
Nyi Nyi Aung • ဖြေကြားချက် 1 ခု
ဒီနှစ် ငရုပ်စျေးနဲ့ပြောင်းစျေးလေး ကောင်းနိုင်လားရှင့် မနှစ်က ငရုပ်စျေးလေးလောက်ရှိရင်အဆင်ပြေပါတယ် စျေးကောင်းရနိုင်လား ရှင့်မိတ်ဆွေတို့
Saung • ဖြေကြားချက် 1 ခု
မုိခါ မျိုး27ရက်သား 10ရက်သားခန့် တန်းရှင်း ရွေးချယ် ၊ 15ရက်သားကျော်ကယူနတီမှိုဆေးဖြန်းထားပြီး 25ရက်သားက(ပုံပါ) ပိုးသတ်ဆေးဖြန်းထားပါတယ် အပင်တွေ သေနေလို့ တစ်ချို့က ပုံပါအတိုင်းအညွှန့်ပုပ်ပုပ် သွားလို့ ပိုးကြောင့်လား မှိုကြောင့်လား ဖြေပေးပါဦး ဆရာတို့
Hlaing Min Tun • ဖြေကြားချက် 1 ခု
ဆရာပဲတီစိမ်းတွေကအရွက်တွေခြောက်ပြီးနွမါးကျသွားတယ်ဆရာမှိုကျတယ်ထင်ပြီးတော့မှိုဆေးတော့ဖြန်းထားတယ်ဆရာအကြံပေးပါအုံးမှိုကျမကျဆရာဆေးလဲညွန်ပါအုံးဆရာ
မောင်ခိုင်လင်းထွန်း • ဖြေကြားချက် 1 ခု
.jpg)
Farm Link Co.,Ltd
ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....
နောက်ဆုံး ဆောင်းပါးများ
ပတ်ဝန်းကျင်ဆိုင်ရာ သိပ္ပံပညာ (အပိုင်း-၆)
10/11/2026
နိုဝင်ဘာ ၉ မှ ၁၅ ရက်အတွင်း မြန်မာနိုင်ငံကို ခြိမ်းခြောက်နိုင်သည့် မုန်တိုင်းဖြစ်ပေါ်နိုင်ခြေ လုံးဝမရှိ
09/11/2026
အပင်ရဲ့ အစာချက်လုပ်မှုကို ထိခိုက်စေတဲ့ သရက်ခေါင်ညွန့်စားပိုး(သို့) သရက်ရွက်အိမ်ဖွဲ့ပိုး
09/11/2026
တစ်ပတ်စာ ဈေးကွက်သုံးသပ်ချက် (2-6.11.2026)
06/11/2026
စစ်ကိုင်းတိုင်း၊ ကချင်ပြည်နယ်နှင့် ရှမ်းပြည်နယ် (မြောက်ပိုင်း) ဒေသများအတွက် မိုးလေဝသခန့်မှန်းချက် (နိုဝင်ဘာ ၅ -၁၁အထိ)
06/11/2026
More from ဒေါ်နန်းထက်ထက်ချစ်
အားလုံး
ဈေးကွက်ကောင်းစောင့်ဆိုင်းလိုသည့်ကြက်သွန်စိုက်ပျိုးသူများအနေဖြင့် သိုလှောင်ရုံကိုစနစ်တကျပြုလုပ်သင့်
25/01/2022
စက်သုံးဆီဈေးနှုန်းများမြင့်တက်နေခြင်းသည် ကြက်သွန်ဈေးကွက်အပေါ် ရိုက်ခတ်မှုရှိနေ
21/01/2022
ကွမ်းသီးအစိုအခြောက်အရောင်းအဝယ်များ အမြဲမပြတ်ရှိနေပြီး ဈေးကွက်ပွင့်လန်းနေ
19/01/2022
ကွမ်းသီးပင်ကို ရေမြေရာသီဥတုအပေါ်မူတည်၍ ခါတော်မီစိုက်ပျိုးစနစ်ဖြင့် စိုက်ပျိုးထုတ်လုပ်လာကြ
18/01/2022
ဈေးကွက်တွင်း ငရုတ်သီးစုပြုံဝင်ရောက်ခြင်းကိုထိန်းချုပ်ရန် တစ်ချို့ဒေသများတွင် ငရုတ်သီးခူးဆွတ်မှု ရပ်ဆိုင်း
17/01/2022
