မြေဆီလွှာနဲ့ရေထု...ဘဝရဲ့ ရင်းမြစ်တစ်ခု
ဟီဘရူးအယူအဆအရ ဘုရားသခင်ဟာ ကမ္ဘာကြီးကို ခြောက်ရက်တည်းနဲ့ ဖန်ဆင်းတော်မူခဲ့တယ်..
အဲ့ဒီမှာမှ ပထမဆုံးနေ့မှာ ပထမဆုံးဖန်ဆင်းခဲ့တာကတော့ ကမ္ဘာမြေကြီးပါပဲတဲ့..
ဆိုတော့... ကမ္ဘာမြေကြီးဟာ ထိပ်ဆုံးက ဖန်ဆင်းတော်မူခံရတာပေါ့လေ..
ယုံကြည်ခြင်းတွေ... အယူအဆတွေ မည်သို့ပင်ရှိစေကာမူ..
ကမ္ဘာမြေကြီးဟာ သက်ရှိတွေရပ်တည်နေထိုင်ဖို့ နေရာထိုင်ခင်းဖြစ်ပြီး..
Soil လို့ခေါ်တဲ့ အပေါ်ယံမြေဆီလွှာကတော့ လူသားတွေရဲ့ ဝမ်းရေးကိုဖြေရှင်းပေးနေတဲ့ စားနပ်ရိက္ခာတွေ ထုတ်လုပ်ဖို့ အခြေခံအလွှာထုကြီးဖြစ်တယ်ဆိုတာဟာ ငြင်းမရတဲ့ အမှန်တရားပါပဲ။
လူသားတွေ စားသုံးနေတဲ့ စားနပ်ရိက္ခာရဲ့ ၉၅ ရာခိုင်နှုန်းကျော်ထိဟာ မြေဆီလွှာနဲ့ ရေထုကို အခြေပြုပြီး ရရှိလာတာတွေပဲဖြစ်တယ်လို့ ကုလသမဂ္ဂ စားနပ်ရိက္ခာနှင့်စိုက်ပျိုးရေးအဖွဲ့ကလည်း ဆိုထားပြန်ပါတယ်။
သို့သော်... ဒီလို အရေးပါလှတဲ့ ကမ္ဘာ့မြေဆီလွှာကြီးဟာ အခုဆိုရင်တော့...
- သစ်တောပြုန်းတီးလာမှုနဲ့ ရာသီဥတုပြောင်းလဲလာမှု
- ဓာတုအလွန်အကျွံသုံးစွဲခြင်းကဲ့သို့ ရေတိုစိုက်ပျိုးရေးနည်းစနစ်များဖြင့် စိုက်ပျိုးမှု
- ညစ်ညမ်းပျက်စီးအောင် လုပ်ခံနေရမှု
- မြို့ပြဧရိယာများ ချဲ့ထွင်လာမှုစတဲ့ လူသားပယောဂတွေနဲ့အတူ ပျက်စီးယိုယွင်းခြင်းကပ်ဘေးရဲ့ ခြိမ်းခြောက်ခံရမှုကို ထိပ်တိုက်ရင်ဆိုင် နေရပါတယ်...။
ဒီတော့...
ကမ္ဘာ့မြေဆီလွှာဟာ သူတို့ရဲ့ဘဝတွေ၊ စားနပ်ရိက္ခာတွေအတွက် ဘယ်လောက်ထိ အရေးပါ အရာရောက်တယ်ဆိုတာကို လူသားတွေ ပိုမိုသိရှိနားလည်ပြီး ထိန်းသိမ်းစောင့်ရှောက်လာကြစေရေးဟာ အရေးကြီးတဲ့ကိစ္စတစ်ခု ဖြစ်လာပါတယ်။
ဒီ့အတွက် ကမ္ဘာ့မြေဆီလွှာနေ့ကို ကျင်းပပြီး အသိပညာပေး လှုံ့ဆော်သင့်ကြောင်း ကုလသမဂ္ဂ စားနပ်ရိက္ခာနှင့် စိုက်ပျိုးရေးအဖွဲ့က ၂၀၁၃ ခုနှစ်မှာ အဆိုပြုတင်ပြခဲ့လို့ နှစ်စဉ် ဒီဇင်ဘာ ၅ ရက်နေ့တိုင်းကို ကမ္ဘာ့မြေဆီလွှာနေ့ အဖြစ် သတ်မှတ်ကျင်းပသွားဖို့ ကုလသမဂ္ဂ အထွေထွေညီလာခံကနေ ဆုံးဖြတ်ပေးခဲ့ပါတယ်။
ဒါကြောင့်၂၀၁၄ ခုနှစ် ဒီဇင်ဘာ ၅ ရက်မှာ ပထမဆုံး ကမ္ဘာ့မြေဆီလွှာနေ့ကို ကျင်းပခဲ့ပြီး ဒီနေ့ ၂၀၂၃ ခုနှစ် ဒီဇင်ဘာ ၅ ရက်မှာတော့ ၁၀ ကြိမ်မြောက် ရှိလာပြီဖြစ်ပါတယ်။
ယခုနှစ်ကမ္ဘာ့မြေဆီလွှာနေ့ရဲ့ မျှော်မှန်းချက်ကတော့...
ရေရှည်တည်တံ့တဲ့ စိုက်ပျိုးရေးအခြေခံ စားနပ်ရိက္ခာတွေထုတ်လုပ်နိုင်ဖို့အတွက် မြေဆီလွှာနဲ့ရေထုကြား ဆက်နွှယ်မှုရဲ့ အရေးပါပုံကို ပိုမိုသိရှိနားလည်လာစေရေးပဲဖြစ်ပါတယ်။
ဆောင်ပုဒ်အနေနဲ့တော့.. ‘မြေဆီလွှာနဲ့ရေထု...ဘဝရဲ့ ရင်းမြစ်တစ်ခု’ လို့ ဆိုထားပါတယ်။
ဆိုတော့ လူတိုင်းအနေနဲ့ ဒီနေ့ကျရောက်တဲ့ ကမ္ဘာ့မြေဆီလွှာနေ့နဲ့အတူ... ကမ္ဘာ့ မြေဆီလွှာကြီး ရေရှည် ရှင်သန်ကျန်းမာစေဖို့..
- ကမ္ဘာမြေကြီးကို ညစ်ညမ်းစေမယ့် ပလတ်စတစ်နဲ့ တစ်ခါသုံးပစ္စည်းများအလွန်အကျွံသုံးစွဲစွန့်ပစ်မှုကို လျှော့ချခြင်း...
- စိုက်ပျိုးရေးတွင် ဓာတုသုံးစွဲမှုနှင့် မြေဆီလွှာပျက်စီးစေသည့် စိုက်နည်းစနစ်များကို တတ်နိုင်သမျှလျှော့ချခြင်း..
- သစ်တောများ မပြုန်းအောင်ထိန်းသိမ်းပြီး အပင်များ ပြန်လည်စိုက်ပျိုးခြင်း...
- မြို့ပြဧရိယာများရှိ အများပြည်သူဆိုင်ရာ အပန်းဖြေမြေနေရာများကို ဝိုင်းဝန်းထိန်းသိမ်းစောင့်ရှောက်ခြင်း..
- မြေဆီလွှာ၏အရေးပါမှုနဲ့ ထိန်းသိမ်းသင့်မှုကို တတ်နိုင်သမျှမျှဝေခြင်း...
စတာတွေနဲ့အတူ ဘဝအတွက် အရေးပါလှတဲ့ ကမ္ဘာ့မြေဆီလွှာကြီးကို ကယ်တင်မယ့်သူရဲကောင်းတွေ လုပ်ပေးကြပါလို့ Green Way ကနေ တိုက်တွန်းလိုက်ပါရစေ..။
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။
ဆက်စပ်မေးခွန်းများ
လေးစားရပါသော တောင်သူကြီးများခင်ဗျာ... ဖရဲစစိုက်မှာမို့ ဖရဲအထွက်ကောင်းတဲ့ စိုက်ပျိုးနည်းလမ်းဝေမျှပေးပါအုံး ခင်ဗျာ...တောင်သူကြီးများခကျန်းမာ ချမ်းသာကြပါစေ...ခင်ဗျာ။
U BHONE THWE HTAN • ဖြေကြားချက် 0 ခု
မင်္ဂလာပါ စိုက်ပျိုးရေးပညာရှင်များခင်ဗျာ။ ကျွန်တော့်စပါးခင်းမှာ ဂုတ်ကျိုးရောဂါ ဝင်နေပါတယ်။ လက်ရှိ စပါးက နို့ရည်ဝင်အဆင့်တော့ကျော် ဖြစ်ပါတယ်။ ရိတ်သိမ်းဖို့ ရက် ၂၅ခန့် လိုပါသေးတယ်။ စပါးခင်းတစ်ခင်းလုံး ရောဂါပျံ့နှံ့နေပါတယ်။ စပါးနှံ ၃၀% ခန့် ဂုတ်ကျိုးပြီး ဖြူခြောက်နေပါတယ်။ ရောဂါကလည်း နေ့စဉ် တိုးလာနေပါတယ်။ မေးချင်တာက— ၁။ ဒီအချိန်မှာ မှိုသတ်ဆေး ဖျန်းသင့်ပါသလား။ ၂။ ဖျန်းသင့်တယ်ဆိုရင် ဘယ်ဆေးအမျိုးအစား သုံးသင့်ပါသလဲ။ ၃။ ရိတ်သိမ်းဖို့ ရက် ၃၀ သာလိုတော့တဲ့အတွက် ဘယ်ဆေးက သင့်တော်ပါသလဲ။ ၄။ ကျန်ရှိနေတဲ့ စပါးနှံတွေကို ရောဂါမထပ်ပြန့်အောင် ကာကွယ်နိုင်ပါသလား။ အခုပုံက ရိုက်ထားတာ ၂ရက်ရှိပါပီဗျာ အကြံဉာဏ်ပေးကြပါဦးခင်ဗျာ။ ကျေးဇူးတင်ပါတယ်။
Nyi Nyi Aung • ဖြေကြားချက် 0 ခု
ဒီနှစ် ငရုပ်စျေးနဲ့ပြောင်းစျေးလေး ကောင်းနိုင်လားရှင့် မနှစ်က ငရုပ်စျေးလေးလောက်ရှိရင်အဆင်ပြေပါတယ် စျေးကောင်းရနိုင်လား ရှင့်မိတ်ဆွေတို့
Saung • ဖြေကြားချက် 0 ခု
မုိခါ မျိုး27ရက်သား 10ရက်သားခန့် တန်းရှင်း ရွေးချယ် ၊ 15ရက်သားကျော်ကယူနတီမှိုဆေးဖြန်းထားပြီး 25ရက်သားက(ပုံပါ) ပိုးသတ်ဆေးဖြန်းထားပါတယ် အပင်တွေ သေနေလို့ တစ်ချို့က ပုံပါအတိုင်းအညွှန့်ပုပ်ပုပ် သွားလို့ ပိုးကြောင့်လား မှိုကြောင့်လား ဖြေပေးပါဦး ဆရာတို့
Hlaing Min Tun • ဖြေကြားချက် 1 ခု
ဆရာပဲတီစိမ်းတွေကအရွက်တွေခြောက်ပြီးနွမါးကျသွားတယ်ဆရာမှိုကျတယ်ထင်ပြီးတော့မှိုဆေးတော့ဖြန်းထားတယ်ဆရာအကြံပေးပါအုံးမှိုကျမကျဆရာဆေးလဲညွန်ပါအုံးဆရာ
မောင်ခိုင်လင်းထွန်း • ဖြေကြားချက် 1 ခု
နောက်ဆုံး ဆောင်းပါးများ
ပတ်ဝန်းကျင်ဆိုင်ရာ သိပ္ပံပညာ (အပိုင်း-၆)
10/11/2026
နိုဝင်ဘာ ၉ မှ ၁၅ ရက်အတွင်း မြန်မာနိုင်ငံကို ခြိမ်းခြောက်နိုင်သည့် မုန်တိုင်းဖြစ်ပေါ်နိုင်ခြေ လုံးဝမရှိ
09/11/2026
အပင်ရဲ့ အစာချက်လုပ်မှုကို ထိခိုက်စေတဲ့ သရက်ခေါင်ညွန့်စားပိုး(သို့) သရက်ရွက်အိမ်ဖွဲ့ပိုး
09/11/2026
တစ်ပတ်စာ ဈေးကွက်သုံးသပ်ချက် (2-6.11.2026)
06/11/2026
စစ်ကိုင်းတိုင်း၊ ကချင်ပြည်နယ်နှင့် ရှမ်းပြည်နယ် (မြောက်ပိုင်း) ဒေသများအတွက် မိုးလေဝသခန့်မှန်းချက် (နိုဝင်ဘာ ၅ -၁၁အထိ)
06/11/2026
More from ဇင်ဘိုလွင်
အားလုံး
.jpg)
Farm Link Co.,Ltd
ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....