နောက်ဆုံး ဆောင်းပါးများ စိုက်ပျိုးရေး မွေးမြူရေး ရေလုပ်ငန်း အထွေထွေ ဗဟုသုတ သတင်း နည်းပညာမိတ်ဖက်အဖွဲ့များ

အားလုံးကြည့်ရန် သစ်တောပုံတူ စိုက်ခင်းတည်ထောင်ခြင်း 21 ဂေဟစနစ် 62 အာဟာရနှင့် ကျန်းမာရေး 550 ပတ်ဝန်းကျင်ဆိုင်ရာ 139 အတွေးအမြင်ဆောင်းပါး 585 စိုက်ပျိုးရေး ဥပဒေများ 11 မွေးမြူရေး ဆောင်းပါးများ 263 ငွေကြေးစီမံခန့်ခွဲမှု 40 ကုန်သွယ်သုတ 8 အထွေထွေ 591

ငါးဝယ်ရင် အညာမမိစေဖို့ လတ်ဆတ်တဲ့ငါးကို စားဖိုမှူးတစ်ယောက်လို ဘယ်လိုရွေးမလဲ?

Thein Soe Min • 20/03/2026

မိသားစုအတွက် ဟင်းတစ်ခွက်ချက်ပြီဆိုရင် အရသာရှိဖို့က ပထမ၊ အာဟာရဖြစ်ဖို့က အဓိကပဲ မဟုတ်လား။ အထူးသဖြင့် ငါးဟင်းချက်တော့မယ်ဆိုရင် ငါးက လတ်မှသာ ဟင်းက ချိုပြီး ကျန်းမာတဲ့အဟာရတွေ အပြည့်အဝရှိစေမှာဖြစ်ပါတယ်။ ဈေးထဲမှာ ငါးရောင်းတဲ့သူတွေက "လတ်တယ်၊ အရှင်ပဲ" လို့ ပြောပေမဲ့ တကယ်တမ်း ဝယ်လာတဲ့အခါ အသားတွေပွပြီး အနံ့ထွက်နေတာမျိုး ကြုံဖူးကြမှာပါ။

ဒါကြောင့် ဒီနေ့မှာတော့ စားဖိုမှူးကြီးတွေ သုံးတဲ့နည်းအတိုင်း ငါးဝယ်တိုင်း အညာမမိစေမယ့် "လတ်ဆတ်တဲ့ငါး စစ်ဆေးနည်း (၇) ချက်" ကို မိသားစုအဟာရပြည့်ဝအောင် စောင့်ရှောက်ပေးနေရတဲ့သူတွေအတွက် ဝေမျှပေးချင်ပါတယ်။

၁။ မျက်လုံးကို အရင်ကြည့်ပါ

ငါးတစ်ကောင်ကို စကြည့်ပြီဆိုတာနဲ့ သူ့ရဲ့မျက်လုံးကို အရင်ကြည့်ပါ။ လတ်ဆတ်တဲ့ငါးရဲ့ မျက်လုံးဟာ ကြည်လင်နေရပါမယ်။ အကယ်၍ မျက်လုံးက နို့နှစ်ရောင်လို နောက်ကျိကျိဖြစ်နေရင် ဒါမှမဟုတ် ဖြူဝါဝါ ဖြစ်နေပြီဆိုရင်တော့ အဲဒီငါးက မလတ်တော့ဘူးလို့ မှတ်ပါနော်။

၂။ ပါးဟက်ကို ဖွင့်စစ်ပါ

ဒါကတော့ အိမ်ရှင်မတိုင်း လုပ်နေကျနည်းလမ်းလေးပါ။ ဒါပေမဲ့ သေချာအောင် ပါးဟက်ကို ဖြဲကြည့်လိုက်တဲ့အခါ လှပတဲ့ "ပန်းရောင်" ဒါမှမဟုတ် "အနီရောင်" သန်းနေရပါမယ်။ ညိုတိုတိုအရောင် ဖြစ်နေရင်တော့ လက်ရှောင်လိုက်တာ အကောင်းဆုံးပါပဲ။

၃။ အနံ့ကို သတိထားပါ

ငါးဆိုတာ ငါးညှီနံ့တော့ ရှိမှာပါပဲ။ ဒါပေမဲ့ သဘာဝအတိုင်းရှိတဲ့ ငါးအနံ့နဲ့ အမိုးနီးယား (Ammonia) လိုမျိုး စူးရှရှအနံ့ဆိုးထွက်တာဟာ မတူပါဘူး။ တကယ်လို့ အနံ့က စူးစူးဝါးဝါးကြီး နံနေပြီဆိုရင်တော့ အဲဒီငါးက ပုပ်ချင်နေပြီလို့ ပြောတာပါ။

၄။ ငါးရဲ့ တောင့်တင်းမှုကို ကိုင်ကြည့်ပါ

ငါးကို လက်နဲ့ကိုင်ကြည့်တဲ့အခါ ခန္ဓာကိုယ်က တောင့်တောင့်တင်းတင်း ရှိနေရပါမယ်။ လတ်ဆတ်မှု လျော့ကျသွားတဲ့ငါးတွေဟာ ကိုင်လိုက်တာနဲ့ အမြီးပိုင်းက အောက်ကို တွဲကျလာတတ်ပါတယ်။ ဒါကြောင့် တောင့်တောင့်ဖြောင့်ဖြောင့်ရှိတဲ့ ငါးကိုပဲ ရွေးဝယ်ပါ။

၅။ အသားကို ဖိကြည့်ပါ

ဒါကတော့ အသေချာဆုံးနည်းပါပဲ။ ငါးရဲ့အသားကို လက်နဲ့ ခပ်ဖွဖွလေး ဖိကြည့်ပါ။ ဖိလိုက်တဲ့နေရာက ချက်ချင်း အပြင်ကို ပြန်ကြွတက်လာရပါမယ်။ အကယ်၍ ဖိလိုက်တဲ့နေရာမှာ ချိုင့်ဝင်ပြီး အသားက ပြန်မတက်လာတော့ဘူးဆိုရင်တော့ အဲဒီငါးက အသားပွနေပြီး မလတ်ဆတ်တော့တာ သေချာပါပြီ။

၆။ အချွဲကို စစ်ဆေးပါ

ငါးမှာ သဘာဝအတိုင်း အချွဲလေးတွေ ရှိတတ်တာကတော့ အမှန်ပါပဲ။ ဒါပေမဲ့ အဲဒီအချွဲဟာ နှပ်ချေးလိုမျိုး စေးကပ်ကပ်ကြီး ဖြစ်နေတာမျိုး၊ ဒါမှမဟုတ် ကျောက်ကျော (Jelly) လို အိစက်စက် အသွင်အပြင်မျိုး ဖြစ်နေရင်တော့ မဝယ်သင့်ပါဘူး။

၇။ အကြေးခွံတွေ ကျပ်နေပါစေ

နောက်ဆုံးတစ်ချက်ကတော့ အကြေးခွံပါ။ လတ်ဆတ်တဲ့ငါးရဲ့ အကြေးခွံတွေဟာ ကိုယ်လုံးမှာ သေချာကျပ်တည်းစွာ ကပ်နေရပါမယ်။ လက်နဲ့နည်းနည်းလေး ပွတ်ကြည့်လိုက်ရုံနဲ့ အလွယ်တကူ ကွာကျလာတာမျိုးဟာ လတ်ဆတ်မှုမရှိတော့တဲ့ လက္ခဏာပါပဲ။

ဒီအချက်လေးတွေကို သေချာမှတ်ထားပြီး ဝယ်မယ်ဆိုရင်တော့ အစ်ကိုတို့အစ်မတို့ရဲ့ မိသားစုထမင်းဝိုင်းမှာ အလွန်လတ်ဆတ်ပြီး အာဟာရပြည့်ဝတဲ့ ငါးဟင်းတစ်ခွက်ကို စိတ်ချလက်ချ ချက်ပြုတ်နိုင်မှာ သေချာပါတယ်။ အားလုံးပဲ ကျန်းမာပျော်ရွှင်တဲ့ ထမင်းဝိုင်းလေး ပိုင်ဆိုင်နိုင်ကြပါစေ။

ဆောင်းပါးရှင်ဆရာမှ အစိမ်းရောင်လမ်းဆော့ဝဲသို့ ပေးပို့ထားသော အစိမ်းရောင်လမ်း၏ မူပိုင်ဆောင်းပါးဖြစ်သဖြင့် ဆောင်းပါးများ၊ သတင်းများ ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်ဟု” ထည့်ပေးပါရန် မေတ္တာရပ်ခံအပ်ပါသည်။

ဆက်စပ်ဆောင်းပါးများ

အထွေထွေ

အဘိဓမ္မာအခါတော်နေ့ဆုတောင်း (မြန်မာသက္ကရာဇ် ၁၃၈၈ ခုနှစ်)

Green Way

အထွေထွေ

အစိမ်းရောင်လမ်းကို ကူညီပံ့ပိုးနေသော ဆရာ၊ ဆရာမများသို့

Green Way

အထွေထွေ

ကိုယ်တိုင်ပြုလုပ်နိုင်တဲ့ homemade ကော်ဖီ scrub

စုမြတ်မြတ်မိုး

ဆက်စပ်မေးခွန်းများ

လေးစားရပါသော တောင်သူကြီးများခင်ဗျာ... ဖရဲစစိုက်မှာမို့ ဖရဲအထွက်ကောင်းတဲ့ စိုက်ပျိုးနည်းလမ်းဝေမျှပေးပါအုံး ခင်ဗျာ...တောင်သူကြီးများခကျန်းမာ ချမ်းသာကြပါစေ...ခင်ဗျာ။

U BHONE THWE HTAN • ဖြေကြားချက် 0 ခု

မင်္ဂလာပါ စိုက်ပျိုးရေးပညာရှင်များခင်ဗျာ။ ကျွန်တော့်စပါးခင်းမှာ ဂုတ်ကျိုးရောဂါ ဝင်နေပါတယ်။ လက်ရှိ စပါးက နို့ရည်ဝင်အဆင့်တော့ကျော် ဖြစ်ပါတယ်။ ရိတ်သိမ်းဖို့ ရက် ၂၅ခန့် လိုပါသေးတယ်။ စပါးခင်းတစ်ခင်းလုံး ရောဂါပျံ့နှံ့နေပါတယ်။ စပါးနှံ ၃၀% ခန့် ဂုတ်ကျိုးပြီး ဖြူခြောက်နေပါတယ်။ ရောဂါကလည်း နေ့စဉ် တိုးလာနေပါတယ်။ မေးချင်တာက— ၁။ ဒီအချိန်မှာ မှိုသတ်ဆေး ဖျန်းသင့်ပါသလား။ ၂။ ဖျန်းသင့်တယ်ဆိုရင် ဘယ်ဆေးအမျိုးအစား သုံးသင့်ပါသလဲ။ ၃။ ရိတ်သိမ်းဖို့ ရက် ၃၀ သာလိုတော့တဲ့အတွက် ဘယ်ဆေးက သင့်တော်ပါသလဲ။ ၄။ ကျန်ရှိနေတဲ့ စပါးနှံတွေကို ရောဂါမထပ်ပြန့်အောင် ကာကွယ်နိုင်ပါသလား။ အခုပုံက ရိုက်ထားတာ ၂ရက်ရှိပါပီဗျာ အကြံဉာဏ်ပေးကြပါဦးခင်ဗျာ။ ကျေးဇူးတင်ပါတယ်။

Nyi Nyi Aung • ဖြေကြားချက် 0 ခု

ဒီနှစ် ငရုပ်စျေးနဲ့ပြောင်းစျေးလေး ကောင်းနိုင်လားရှင့် မနှစ်က ငရုပ်စျေးလေးလောက်ရှိရင်အဆင်ပြေပါတယ် စျေးကောင်းရနိုင်လား ရှင့်မိတ်ဆွေတို့

Saung • ဖြေကြားချက် 0 ခု

မုိခါ မျိုး27ရက်သား 10ရက်သားခန့် တန်းရှင်း ရွေးချယ် ၊ 15ရက်သားကျော်ကယူနတီမှိုဆေးဖြန်းထားပြီး 25ရက်သားက(ပုံပါ) ပိုးသတ်ဆေးဖြန်းထားပါတယ် အပင်တွေ သေနေလို့ တစ်ချို့က ပုံပါအတိုင်းအညွှန့်ပုပ်ပုပ် သွားလို့ ပိုးကြောင့်လား မှိုကြောင့်လား ဖြေပေးပါဦး ဆရာတို့

Hlaing Min Tun • ဖြေကြားချက် 1 ခု

ဆရာပဲတီစိမ်းတွေကအရွက်တွေခြောက်ပြီးနွမါးကျသွားတယ်ဆရာမှိုကျတယ်ထင်ပြီးတော့မှိုဆေးတော့ဖြန်းထားတယ်ဆရာအကြံပေးပါအုံးမှိုကျမကျဆရာဆေးလဲညွန်ပါအုံးဆရာ

မောင်ခိုင်လင်းထွန်း • ဖြေကြားချက် 1 ခု

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

နောက်ဆုံး ဆောင်းပါးများ