ရန်ကုန် ကြက်၊ ဘဲဈေးကွက်တွင် အသားတိုးကြက်ဈေးကျပြီး ဘဲဈေးနှုန်း မြင့်တက်

AMIA • 13/10/2026

ရန်ကုန်တိုင်းဒေသကြီး၊ မင်္ဂလာတောင်ညွန့်မြို့နယ်ရှိ ကြက်၊ ဘဲဈေးကွက်တွင် ယခု အောက်တိုဘာလ၌ အသားတိုးကြက်၊ ဆီမီးကြက်နှင့် ကြက်နီမ ဈေးကျပြီး ဗမာကြက်ဈေးငြိမ်ကာ ဘဲဈေးနှုန်းမှာတော့ မြင့်တက်လာကြောင်း သိရသည်။

ယခု အောက်တိုဘာလ ၁၂ ရက်နေ့ ရန်ကုန် ကြက်၊ ဘဲဈေးကွက်တွင် အသားတိုးကြက် ခြံဖမ်းဈေးသည် တစ်ပိဿာလျှင် ပျမ်းမျှ ကျပ် ၈,၅၀၀ မှ ၉,၄၅၀ အတွင်း ရှိပြီး ဒိုင်ရောင်းဈေးသည် ပျမ်းမျှ ကျပ် ၁၀,၃၀၀ မှ ၁၀,၇၀၀ ရှိကာ ဆီမီးကြက် ဒိုင်ရောင်းဈေးသည် ကျပ် ၁၄,၀၀၀ ရှိကြောင်း သိရသည်။

ကြက်နီမသည် ခြံဖမ်းဈေး ပျမ်းမျှ ကျပ် ၁၁,၀၀၀ ရှိပြီး ဗမာကြက်အကြီး ခြံဖမ်းဈေးသည် ပျမ်းမျှ ကျပ် ၂၃,၀၀၀ ရှိကြောင်း သိရသည်။

ဘဲခြံဖမ်းဈေးသည် ပျမ်းမျှ ကျပ် ၂၀,၀၀၀ မှ ၂၄,၀၀၀ ရှိပြီး ဒိုင်ရောင်းဈေးသည် ပျမ်းမျှ ကျပ် ၂၇,၀၀၀ ရှိကြောင်း သိရသည်။

ယခင် စက်တင်ဘာလတွင် ဖြစ်ပေါ်ခဲ့သည့် အသားတိုးကြက်၊ ဆီမီးကြက်၊ ကြက်နီမ၊ ဗမာကြက်နှင့် ဘဲဈေးကွက်တို့နှင့် ယှဉ်ပါက တစ်ပိဿာလျှင် ရာဂဏန်းမှစတင်ကာ ကျပ် ၁,၀၀၀ ဝန်းကျင်အထိ ဈေးကျဆင်းခဲ့ခြင်း ဖြစ်သည်။

"အသားတိုးကြက်ကတော့ ရာဂဏန်းလောက် ကျတယ်။ ကြက်နီမက ၁,၀၀၀ ကျတယ်။ ဘဲက ၂,၀၀၀ လောက် တက်တယ်။" ဟု ကြက်၊ ဘဲဈေးမှ အသားတိုးကြက် ရောင်းချသူ တစ်ဦးက ပြောသည်။

ယခင် စက်တင်ဘာလအတွင်းက ကြက်၊ ဘဲဈေးကွက်၌ အသားတိုးကြက် ခြံဖမ်းဈေးသည် ပျမ်းမျှ ကျပ် ၈,၆၈၂ မှ ၉,၃၃၆ အတွင်း ရှိခဲ့ပြီး ဒိုင်ရောင်းဈေးသည် ပျမ်းမျှ ကျပ် ၉,၈၈၂ မှ ၁၀,၄၆၄ ရှိကာ ဆီမီးကြက် ဒိုင်ရောင်းဈေးသည် ကျပ် ၁၅,၀၀၀ ရှိခဲ့ကြောင်း သိရသည်။

ကြက်နီမသည် ခြံဖမ်းဈေး ပျမ်းမျှ ကျပ် ၁၃,၉၀၀ ရှိပြီး ဗမာကြက်အကြီး ခြံဖမ်းဈေးသည် ပျမ်းမျှ ကျပ် ၂၃,၀၀၀ ရှိခဲ့ကြောင်း သိရသည်။

ဘဲ ခြံဖမ်းဈေးသည် ပျမ်းမျှ ကျပ် ၁၉,၂၂၇ မှ ၂၂,၃၁၈ ရှိပြီး ဒိုင်ရောင်းဈေးသည် ပျမ်းမျှ ကျပ် ၂၆,၀၇၁ ရှိခဲ့ကြောင်း သိရသည်။

"ကြက်နီမတို့ ဆီမီးကြက်က သိပ်မစားကြဘူး။ အသားတိုးနဲ့ ဗမာကြက် စားကြတယ်။ ဗမာကြက်ကလည်း ခြံဖမ်းဈေးနဲ့ အသားဈေးက ကွာတော့ အစားနည်းတယ်။ အသားတိုးကြက်က စားသုံးမှု အများဆုံးပဲ။" ဟု ကြက်သားရောင်းချသူ ဈေးသည် ဒေါ်အေးအေးက ပြောသည်။

ပြီးခဲ့သည့် စက်တင်ဘာလ ရက်ပေါင်း ၂၂ ရက်အတွင်းတွင် ရန်ကုန် ကြက်၊ ဘဲဈေးသို့ အသားတိုးကြက်နှင့် ဥစားကြက် (စီပီ) ကားအစီးရေ ၇၁၆ စီးအထိ ဝင်ရောက်မှု ရှိခဲ့ကြောင်း သိရသည်။

ယင်းထဲတွင် အသားတိုးကြက် ကားအစီးရေ ၅၁၆ စီးနှင့် ဥစားကြက် (စီပီ) ကားအစီးရေ ၂၀၀ ဝင်ရောက်ခဲ့ခြင်းဖြစ်ပြီး ကြက်၊ ဘဲဈေး၌ အသားတိုးကြက်သည် ရောင်းအား အကောင်းဆုံးနှင့် ဝင်ရောက်မှု အများဆုံး ဖြစ်သည်။

အသားတိုးကြက်သည် ပိဿာချိန်နှင့်ဆိုလျှင် တစ်ရက်လျှင် ပိဿာချိန် ၆၀,၀၀၀ ဝန်းကျင် ပုံမှန်နီးပါး ဝင်ရောက်မှု ရှိကြောင်း သိရသည်။

AMIA (ဈေးကွက်နှင့် သတင်းအေဂျင်စီ)မှ အစိမ်းရောင်လမ်းဆော့ဝဲသို့ ပေးပို့ထားသော အစိမ်းရောင်လမ်း၏ မူပိုင်ဆောင်းပါးဖြစ်သဖြင့် ဆောင်းပါးများ၊ သတင်းများ ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်ဟု” ထည့်ပေးပါရန် မေတ္တာရပ်ခံအပ်ပါသည်။

ဆက်စပ်အကြောင်းအရာ၊ မေးခွန်းများနှင့် ဆောင်းပါးများကို ဆက်လက်ဖတ်ရှုနိုင်ပါသည်။

အကြောင်းအရာ 1

သားငါးဈေးနှုန်းများ

Myo min Swe

လွန်ခဲ့သော ၁ လ က

ဗမာကြက်တွေမွေးထားတယ်မကြာမကြာတင်ပေးပါဗျ ဘယ်ဒိုင်မှာသွင်းရင်အဆင်ပြေမလဲခရမ်းကပါ

ဆက်စပ်ဆောင်းပါးများ

မွေးမြူရေးသတင်း

စားကျက်မြေ ရှားလာသဖြင့် တနိုင်တပိုင် ဘဲမွေးမြူမှု နည်းလာ

AMIA

မွေးမြူရေးသတင်း

ဘဏ္ဍာနှစ်ဝက်အတွင်း ပြည်ပသို့ ရေထွက်ကုန် တင်ပို့မှု တန်ချိန် ၃ သောင်းကျော် လျော့ကျ

AMIA

မွေးမြူရေးသတင်း

အသား၊ ငါးဈေးများ ဆက်တိုက်မြင့်တက်ခြင်းကြောင့် ရောင်းအား သိသိသာသာ လျော့ကျနေ

AMIA

ဆက်စပ်မေးခွန်းများ

မုိခါ မျိုး27ရက်သား 10ရက်သားခန့် တန်းရှင်း ရွေးချယ် ၊ 15ရက်သားကျော်ကယူနတီမှိုဆေးဖြန်းထားပြီး 25ရက်သားက(ပုံပါ) ပိုးသတ်ဆေးဖြန်းထားပါတယ် အပင်တွေ သေနေလို့ တစ်ချို့က ပုံပါအတိုင်းအညွှန့်ပုပ်ပုပ် သွားလို့ ပိုးကြောင့်လား မှိုကြောင့်လား ဖြေပေးပါဦး ဆရာတို့

Hlaing Min Tun • ဖြေကြားချက် 1 ခု

ဆရာပဲတီစိမ်းတွေကအရွက်တွေခြောက်ပြီးနွမါးကျသွားတယ်ဆရာမှိုကျတယ်ထင်ပြီးတော့မှိုဆေးတော့ဖြန်းထားတယ်ဆရာအကြံပေးပါအုံးမှိုကျမကျဆရာဆေးလဲညွန်ပါအုံးဆရာ

မောင်ခိုင်လင်းထွန်း • ဖြေကြားချက် 1 ခု

ကျွန်တော်ပဲတီိစိမ်းအခင်းအပင်တွေညိုးသေနေပါတယ်မြေကြီးကလည်းအလွန်စိုနေပါတယ်ပဲပင်ဆက်မသေအောင်ဘယ်လိုကာကွယ်ကုသရမလဲဆရာ

လက်တွေ့တောင်သူ • ဖြေကြားချက် 1 ခု

ဆင်းသုခစပါးအရွက်တွေအဝါရောင်ဖြစ်နေလို့ပြန်ကောင်းအောင်ဘယ်လိုလုပ်ရမလဲ

Hein Hein Htet • ဖြေကြားချက် 1 ခု

ဒီနှစ်ပဲရာသီမှာပဲတီစိမ်းစျေးကောင်းနိုင်ပါမလားဆရာတို့ပဲတီစိမ်းကိုတော့ဝယ်လောက်ပါတယ်နော်

လက်တွေ့တောင်သူ • ဖြေကြားချက် 2 ခု

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

နောက်ဆုံး ဆောင်းပါးများ