ငါးအမိုင်နိုအက်စစ် လက်တွေ့အသုံးချကြည့်ခြင်းနှင့် သတိပြုသင့်သည့်အချက်များ

14/09/2022 13:00 PM တွင် စုမြတ်မြတ်မိုး စုမြတ်မြတ်မိုး မှ ရေးသား

ငါးအမိုင်နိုအက်စစ်( Fish Amino Acid) သည် စိုက်ပျိုးရေးလုပ်ငန်းတွင် အပင်များအတွက် အော်ဂဲနစ်‌အားဆေးအဖြစ် တွင်ကျယ်စွာ သုံးလာကြသည်ကို သိရှိကြမည် ဖြစ်ပါသည်။ 

FAA ပြုလုပ်ရာတွင် ငါးအသား(သို့) အရေခွံများနှင့် အရိုးများကို ခုတ်ထစ်သန့်စင်ကာ ငါးတစ်ဆ၊  တင်လဲရည်နှစ်ဆ EM ရှိပါက အသင့်သုံး EM (instant EM)နှစ်ဆ ရောကာ လေလုံပုံးထဲတွင်တစ်လသိပ်ထားပြီးနောက် အရည်များကိုစစ်ယူကာ အပင်များအတွက် အားဆေးရည်အဖြစ်သုံးနိုင်ပါသည်။(EM က မထည့်လျှင်လည်းရပါသည်) 

စာရေးသူပြုလုပ်သောနည်းတွင်မူ.. 

  • ငါးအရေခွံများနှင့်အရိုးများ တစ်ပိဿာကို မီးဖိုပေါ်တွင်အရင်ကျိုပြီးနောက် ရလာသောငါးပြုတ်အဖတ်များ၊အရည်များကို တင်လဲရည် နှစ်လီတာ သို့မဟုတ် နှစ်ပိဿာ၊ အသင့်သုံးအီးအမ် နှစ်လီတာနှင့် အိမ်သုံးဆား လက်တစ်ဆုပ်စာပါရောထည့်ကာ တစ်လခန့်ကြာအောင် လေလုံသောပုံးတွင်ထည့်ကာ အချဉ်ဖောက်ပေးပါသည်။
  • အချဉ်စဖောက်သည့်ရက်မှစ၍ တစ်ပတ်ကြာလျှင် gas ထွက်လာသောကြောင့် အမိုင်နိုပုံးကို  နှစ်ရက်တစ်ခါ သို့မဟုတ် သုံးရက်တစ်ခါမွှေပေးပါသည်။ ပြီးနောက်လေလုံအောင်ပြန်ပိတ်ပါသည်။
  • တစ်လကြာသောအခါ အရည်သွေးပြည့်၀ပြီး စိတ်ချစွာသုံးနိုင်သော ငါးအမိုင်နိုကိုရပါသည်။
  • စာရေးသူအနေဖြင့် အရည်ကို အပင်များအတွက်သုံးကာ ငါးအဖတ်များကိုမူ မြေဆွေးပြုလုပ်ရာတွင်ပြန်လည်သုံးစွဲပါသည်။
  • ငါးကို အစိမ်းအတိုင်း အမိုင်နိုပြုလုပ်နိုင်သကဲ့သို့ ပြုတ်ပြီးလည်းပြုလုပ်နိုင်ပါသည်။ တောင်သူများအနေဖြင့် မိမိအဆင်ပြေရာနည်းလမ်းကို သုံးနိုင်ပါသည်။ 
  • သို့သော် ဓာတ်ခွဲခန်းအဖြေများအရ ပြုတ်ပြီးပြုလုပ်သော ငါးအမိုင်နိုတွင် ပိုတက်ဆီယမ် ပိုများသဖြင့် အသီးပွင့်အားကောင်းစေရန် ပိုမိုအသုံးပြုနိုင်ကြောင်းတွေ့ရပါသည်။

FAA အကျိုးပြုပုံများ

  • ငါးအမိုင်နိုအက်စစ်တွင် နိုက်ထရိုဂျင်အများဆုံးပါ၀င်သောကြောင့် မုန်ညှင်း ကန်စွန်း ဆလပ် ကိုက်လန်စသော အရွက်စားအပင်များတွင် အရွက်များ စိမ်းစိုလန်းဆန်းရန်အတွက် ရွက်ဖျန်းအဖြစ်အဓိက သုံးနိုင်ပါသည်။ FAA သုံးပါက နိုက်ထရိုဂျင်ဓာတ်မြေဩဇာသုံးစွဲမှုကို ၂၀ ရာခိုင်နှုန်းအထိ လျှော့ချပေးနိုင်ပါသည်။
  • ငါးအမိုင်နိုအက်စစ်သည် အပင်များတွင်ရွက်ဖျန်းအဖြစ်သုံးနိုင်ရုံသာမက မြေသားအတွင်းရှိအကျိုးပြု ပိုးမွှားများကိုတိုးပွားစေကာ မြေသား၏ စွမ်းရည်ကိုပါ တက်‌စေသဖြင့် မြေသားကိုလည်းဖျန်းပေးနိုင်ပါသည်။
  • မြေသား၏လုပ်ဆောင်ချက်တက်လာသောအခါ မြေသားမာကျစ်ခြင်း မရှိတော့ဘဲ မြေမွလာသောကြောင့် အပင်၏အမြစ်များ ပိုမိုသန်မာလာစေပါသည်။
  • မြေမွသောအခါ ရေ၀ပ်ခြင်းမရှိတော့သောကြောင့် အမြစ်ပုတ်ခြင်းကို ကာကွယ်ပေးပါသည်။ မြေသားတွင် လေ၀င်လေထွက်ကောင်းသောကြောင့် မြေဆီအတွင်းရှိ အပင်အတွက် အကျိုးပြု ဘက်တီးရီးယားများ ပေါက်ဖွားနှုန်းကို တိုးတက်စေကာ အပင်ကိုသန်စွမ်းစေပါသည်။
  • FAA သုံးထားသော အပင်များတွင် အသီးစောသီးခြင်း၊ အသီးအနှံ၏ အရည်သွေးနှင့်အရောင်အဆင်းပိုမိုလှပခြင်း၊ ခူးဆွတ်ပြီးနောက်တွင် သီးနှံများသည် သာမန်ဓာတုဆေးသုံးသော သီးနှံများထက် ပိုမိုအထားခံခြင်း၊ အရသာ ပိုချိုခြင်း၊ အလေးချိန်စီးခြင်းတို့ကို လက်တွေ့မြင်တွေ့နိုင်ပါသည်။
  • စပျစ်တွင် ငါးအမိုင်နိုကို အဖူးဖူးချိန်တွင်သုံးပါက အသီးတင်ခြင်း၊ အလေးချိန်စီးခြင်း၊ ရောဂါဒဏ်ခံနိုင်ခြင်းတို့ကိုတွေ့ရပါသည်။
  • စတော်ဘယ်ရီတွင်သုံးပါက အမြစ်အားကောင်းခြင်း၊ အသီးချိုခြင်း၊ အထွက်တိုးခြင်းတို့ကို ဖြစ်စေနိုင်ပါသည်။
  • အပင်အရွယ်စားနှင့်သက်တမ်းပေါ်မူတည်ကာ ငါးအမိုင်နိုကို ငါးဂါလန် ဆေးဖျန်းပုံးတစ်ပုံးလျှင် ပျှမ်းမျှ ၄၀ စီစီ (စတီးဇွန်း၄ဇွန်း) ကို ရေနှင့်ရောကာ ဖျန်းနိုင်ပါသည်။ မိမိသီးနှံပင်အရွယ်စားပေါ်မူတည်ပြီးဆေးအချိုးကို လိုတိုးပိုလျှော့ ချိန်ဆနိုင်ပါသည်။

သတိပြုသင့်သည့်အချက်များ

  • သတိပြုရန်မှာ ငါးအမိုင်နိုများလျှင် အပင်များလောင်တတ်ပါသည်။ ထို့ကြောင့် အပင်အရွယ်အစားပေါ်ချိန်ကာ ဆေးကို ဖျန်းရပါမည်။
  • ဖျူစေရီယမ်( Fusarium wilt ) မှိုရောဂါကျနေသောအပင်များတွင်မူ ရောဂါကျနေချိန် FAA ကို မသုံးသင့်ပါ။ ဖျူစေရီယမ်သည် နိုက်ထရိုဂျင်များသော မြေဩဇာသုံးလျှင်ရောဂါပိုမိုပြင်းထန်သဖြင့် ငါးအမိုင်နိုသည်လည်း နိုက်ထရိုဂျင် ပါ၀င်မှုများသောကြောင့် ထိုကာလတွင် မသုံးလျှင်ကောင်းပါသည်။
  • စာရေးသူအနေဖြင့် မိမိစိုက်ထားသော ခရမ်းချဉ်များတွင် ဖျူစေရီယမ်ကျနေသည်ကို  ဆေးဖျန်းရာတွင် ငါးအမိုင်နိုအား ပုံမှန်အတိုင်း ရောဖျန်းမိသဖြင့် မှိုရောဂါ ပိုမိုဆိုးရွားသွားကာ နောက်ဆုံးတွင် အပင်များအကုန် ပျက်စီးသည်အထိ လက်တွေ့ရင်ဆိုင်ခဲ့ရပါသည်။

အချုပ်ဆိုသော် ငါးမျိုးစုံကို ငါးအမိုင်နိုလုပ်ရန်သုံးနိုင်ပြီး ချွေတာလိုပါက ငါးအသားမသုံးဘဲ ငါးကြင်းအရေခွံနှင့် အရိုးများကိုသုံးကာ ထုတ်လုပ်ရရှိနိုင်ပါသည်။

ငါးအမိုင်နိုအက်စစ်သည် ကုန်ကျစရိတ်သက်သာကာ လူနှင့် အပင်များအတွက် ထိခိုက်မှုမရှိသော ဓာတုကင်းလွတ် မြေဩဇာဖြစ်သည့်အတွက် တောင်သူများအနေဖြင့် ကိုယ်တိုင်ပြုလုပ်ပြီး ယုံကြည်စိတ်ချစွာသုံးစွဲရန် အကြံပြုရေးသားအပ်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 


PROBIO ကြော်ငြာ
ကြက်/ဝက် မွေးမြူရေးလုပ်ငန်းတွေမှာ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) များအစား၊ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) များကို ဘာကြောင့်အစားထိုး အသုံးပြုသင့်တာလဲ။ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) ဆိုတာကတော့ လူ၊ တိရစ္ဆာန်တွေမှာကပ်တွယ်ပြီး ကျန်းမာရေးကို အန္တရာယ်ပြုနိုင်တဲ့ အဏုဇီဝပိုးမွှားတွေကို ကြီးထွားပြန့်ပွားမှု့လျော့ကျအောင် ရှင်းလင်းသုတ်သင်ပေးတဲ့ ဆေးတစ်မျိုးဖြစ်ပြီး အထူးသဖြင့် မွေးမြူရေးကဏ္ဍမှာ ၇၀-၈၀% အထိ အသုံးပြုလျက်ရှိကြပါတယ်။ ကြက်မွေးမြူရေးကဏ္ဍမှာဆိုရင် အဆိုပါ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေဟာ ကြက်တွေမှာဖြစ်ပွားတတ်တဲ့ အသက်ရှုလမ်းကြောင်းရောဂါ၊ အူလမ်းကြောင်းရောဂါ၊ အခြားသောဘက်တီးရီးယားများကြောင့်ဖြစ်တဲ့ ရောဂါတွေကိုကုသရာမှာ အလွန်ထိရောက်ပါတယ်။ သို့သော်ငြားလည်း ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေကိုအသုံးပြုတဲ့အခါ ဆေးမတိုးတော့တဲ့ အန္တရာယ်ရှိ အဏုဇီဝပိုးမွှားဗီဇပေါ်ထွက်လာနိုင်ပြီး ထိုမှတဆင့် အရေအတွက်အများအပြားအဖြစ်သို့ ပြန်လည်ပွားများလာကာ ပဋိဇီဝဆေးဆေးယဉ်ပါးမှု (𝐀𝐌𝐑) ကိုဦးတည်နိုင်စေပါတယ်။ ဒီနေရာမှာ အဆိုပါ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေအစား အစားထိုးအသုံးပြုသင့်တဲ့ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) အကြောင်းကို ထပ်မံအကြံပြုဝေမျှပေးပါရစေ။ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) ဆိုတာကတော့ မွေးမြူရေးတိရစ္ဆာန်တွေ ကျန်းမာရေးကောင်းမွန်စေဖို့အတွက် ရည်ရွယ်ပြီးထုတ်လုပ်ထားတဲ့ အကျိုးပြု အဏုဇီဝပိုးမွှားများဖြင့် ထုတ်လုပ်ထားတဲ့ဆေး (တနည်းအားဖြင့်) အစာ လို့လည်းဆိုနိုင်ပါတယ်။ ၂၀၀၂ ခုနစ်မှာ 𝐖𝐇𝐎 နဲ့ 𝐅𝐀𝐎 ကနေပြီးတော့မှ ပရိုဘိုင်အိုတစ်ဆိုတာ သက်ရှိအဏုဇီပိုးတွေပါဝင်သောဆေးဖြစ်ပြီး လုံလောက်တဲ့ ပမာဏ အထိ တိုက်ကျွေးမယ်ဆိုရင် ပဋိဇီဝဆေးတိုက်ကျွေးစရာမလိုပဲ မွေးမြူရေးတိရစ္ဆာန်တွေရဲ့ ကျန်းမာရေးကို ကောင်းမွန်စေကြောင်း အကြံပြုထားတာတွေရှိပါတယ်။ ဒါကြောင့် မွေးမြူရေးလုပ်ငန်းတွေမှာ အဆိုပါ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) ကို ပဋိဇီဝဆေးဝါးများအစား၊ အစားထိုးအသုံးပြုခြင်းက အန္တရာယ်ရှိအဏုဇီဝပိုးမွှားတွေရဲ့ ဆေးယဉ်ပါးမှု (𝐀𝐌𝐑) ဖြစ်ပွားနိုင်ချေ ရာခိုင်နှုန်းကိုလျော့ချနိုင်ပြီး မွေးမြူရေးတိရစ္ဆာန်တွေရဲ့ဇီဝကမ္မဖြစ်စဉ်များကို အနှောက်အယှက်ပြုခြင်းမှ ကာကွယ်နိုင်မှာဖြစ်ပါတယ်။ "စာရေးသားသူဒေါက်တာညွန့်ရွှေ (မွေးမြူ/ဆေးကု) " Myanmar Innovative Life Sciences Co., Ltd မှ ထုတ်လုပ်ဖြန့်ချိပြီး မြန်မာ 𝐅𝐃𝐀 ၏ ခွင့်ပြုချက်လိုင်စင်နဲ့အညီ ပြည်တွင်း၌ထုတ်လုပ်ကာ မြန်မာနိုင်ငံမွေးမြူရေးလုပ်ငန်းရှင်များကို အဆင်သင့်ကူညီပေးမယ့် အရည်အသွေးမြင့် အစာလမ်းကြောင်းအားဖြည့်ဆေး PROBIO က အသင့်ရှိနေပါတယ်။ အခုပဲဒီလင့်မှာ ပြည့်စုံစွာဖောင်ဖြည့်ပြီးဆက်သွယ်လိုက်ပါ- https://tinyurl.com/MILS-PROBIO 𝐏𝐑𝐎𝐁𝐈𝐎 မှ မွေးမြူရေးဆိုင်ရာကျွမ်းကျင်ဝန်ထမ်းတွေကနေ တိုက်ရိုက်ဆက်သွယ်ပြီး အကူအညီပေးမှာဖြစ်ပါတယ်။ 𝐏𝐑𝐎𝐁𝐈𝐎 ဖြန့်ချိရေးနှင့်ကိုယ်စားလှယ်ယူလိုသူများ တိုက်ရိုက်ဆက်သွယ်ရန်ရုံးချုပ်လိပ်စာ- အမှတ် (၁၆၅)၊ အောင်ဇေယျလမ်းသွယ် (၁) ၊ သီရိမင်္ဂလာလမ်း၊ အင်းစိန်မြို့နယ်၊ ရန်ကုန်မြို့။ Hotline: 09 263 709 553, 09 267 287 608, Email: enquiries@milsciences.com #MILS #PROBIO
Read more မွေးမြူရေး အကူအညီရယူရန် နှိပ်ပါ

ဆွေးနွေးချက်များ

ဆွေးနွေးရန်