သင်္ဘောပင် ဖိုမလိင်စုံ ခွဲခြား အသီးတင်စေလိုသော်..

သင်္ဘောစိုက်ပျိုးရာတွင် များသောအားဖြင့် သင်္ဘောသီး၏ အစေ့များမှ မျိုးချန်၍ စိုက်တတ်ကြသည်။ သို့ရာတွင် သင်္ဘောသီး အတွင်းတွင် အဖိုပင်ဖြစ်လာမည့်အစေ့များ၊ အမပင်ဖြစ်လာမည့်အစေ့များ၊ လိင်စုံပင်များ စသည်ဖြင့် ရှိတတ်သည်။ ထို့ကြောင့် အပင်၏ လိင်ပေါ်မူတည်၍ အပင်တိုင်းအသီး မသီးပါ။

သင်္ဘောပင်၏ သဘာဝအရ အကြမ်းဖြင်းအားဖြင့် လိင် အမျိုးအစားသုံးမျိုးရှိသည်။ 

အဖိုပင် 

သင်္ဘောအဖိုပင်မှာ ပုံမှန်အနေအထားအရ အသီးမတင်ပါ။ ပန်းခိုင်ရိုးတံများမှာ အလွန်ရှည်လျားပြီးအပင်မှ ပင်စည်အရွက်များနဲ့အပြိုင် ဖြာထွက်နေတတ်သည်။ ပန်းပွင့်မှာလည်း သေးငယ်၍ အောက်ခံသန္ဓေအိမ်မပါပါ။ အပွင့်ထဲတွင်လည်း ပန်းဝတ်မှုံအိတ် အဝါရောင်အဖတ် ဆယ်ခုပါရှိသည်။

အမပင်

အသီးသီးနိုင်သောအပင်ဖြစ်သည်။ အမပွင့်ခိုင်များမှာ အရွက်ထိပ်ထိ မထွတ်ပါ။ အမပွင့်များမှာ ပင်စည်နဲ့ကပ်၍ထွက်သည်။ အပွင့်အရွယ်အစားကြီး၍ အပွင့်အောက်တွင် ဖောင်းနေသောသန္ဓေအိမ်ပါရှိသည်။ အမပွင့်များကိုသယ်ဆောင်ထားသော ရိုးတံတိုသည် အဖိုပင်မှ ဝတ်မှုံကူးခြင်းမရှိဘဲ အမပင်တစ်ပင်တည်းထားလျှင် သီးလာသောအသီးမှာ အစေ့များမပါတတ်ပါ။ အကယ်၍ ဝတ်မှုံကူးပြီး အသီးရလာပါက အသီးတွင် အစေ့များပါပြီး ပုပုဝိုင်းဝိုင်းပုံစံ ရှိသည်။

လိင်စုံပင် 

သင်္ဘောလိင်စုံပင်ကို နှစ်မျိုးခွဲခြားနိုင်သည်။

၁။ အဖိုပွင့် အမပွင့်သီးခြားစီ နှစ်မျိုးလုံးပါသောအပင် 

ဤအပင်တွင် အဖိုအင်္ဂါပါသော အဖိုပွင့်နှင့် အမအင်္ဂါပါသော အမပွင့်သပ်သပ်စီခြား၍ တစ်ပင်တည်းတွင်အတူပွင့်သည်။ ထို့ကြောင့် ဝတ်မှုံကူးလွယ်သည်။ အသီးသီးမြန်သည်။ ပြွန်ပုံစံ ရှည်ရှည်အပွင့်များကိုထုတ်သည်။ အပွင့်အောက်တွင် သန္ဓေအိမ်ပါသည်။

၂။ တစ်ပွင့်တည်းတွင့် အဖိုအင်္ဂါရော အမအင်္ဂါပါ ပါသောအပင် 

ဤအပင်တွင် အဖို အမ အပွင့်သီးသန့် ခွဲမပါနေပဲ အပွင့်တစ်မျိုးသာပွင့်ပြီး ထိုအပွင့်တွင် လိင်နှစ်မျိုးလုံးပါသည်။ ထိုအတွက့်အသီးအများဆုံးရနိုင်သောအပင်ဖြစ်သည်။ အပွင့်ကိုခွဲကြည့်ပါက အဖိုဝတ်မှုံအိတ်ဖတ်ရော၊ အမဝတ်မှုံခံတိုင်နှင့် သန္ဓေအိမ်ရော နှစ်မျိုးလုံး တစ်ပွင့်တည်းတွင်ပါသည်။

မိမိတို့စိုက်ပျိုးထားသော အပင်များ၏ လိင်အမျိုးစားပေါ်လိုက်ပြီး သင်္ဘောပင်ကို အသီးတင်အောင် အောက်ပါအတိုင်းဆောင်ရွက်သင့်သည်။ 

အဖိုပင်ဆိုလျှင် အပင်ခြေကို သပ်ရိုက်၍ (အပင်မသေလောက်သောအနေအထားဒဏ်ရာပေးခြင်း) လည်းကောင်း၊ အမပင်နှင့်အတူစိုက်ပေး၍သော်လည်ကောင်း အသီးရရှိစေနိုင်သည်။

လိင်စုံဖြစ်ပါက အထူးတလည် ဝတ်မှုံကူးပေးရန်မလိုပါ။

ဈေးကွက်ထဲတွင် မျိုးစေ့ကုမ္ပဏီများမှာ သင်္ဘောအစေ့များကို လိင်စုံပင်သီးသန့်ရွေးချယ် အသီးသီးနိုင်ပြုပြင်ဖန်တီးပြီးထုတ်လုပ်သော အစေ့များလည်းရှိသည်။ ယုံကြည်စိတ်ချရသော အစေ့များကို ဈေးကွက်မှ  ဝယ်ယူပြီးလည်း စိုက်ပျိုးနိုင်သည်။

ဖုန်းမာန်တိုး (ရေဆင်းရနံ့)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more