မိုးသက်လေပြင်းကျနိုင်သည့်ဒေသများထဲတွင် အလယ်ပိုင်းဒေသများ ပါဝင်လာ

မနေ့ည မတ်လ ၉ ရက် ည ၈ နာရီခွဲအချိန်မှာရရှိတဲ့ ECMWF Forecast Model ရဲ့ ကြိုတင်ခန့်မှန်း ချက်အရ မတ်လ ၁၃ ရက်နေ့မှာ မိုးသက်လေပြင်းကျနိုင်တဲ့ဒေသတွေထဲ မြန်မာပြည်အလယ်ပိုင်းဒေသ တွေဖြစ်တဲ့ မန္တလေးတိုင်းနဲ့ စစ်ကိုင်းတိုင်းတို့ပါဝင်လာတယ်လို့ နိုင်ငံတကာမိုးလေဝသထုတ်ပြန်ချက် တွေကို ကိုးကားပြီးမိုးလေဝသခန့်မှန်းသူ ဦးဝင်းနိုင်က ပြောပါတယ်။

မန္တလေးတိုင်းနဲ့ စစ်ကိုင်းတိုင်းထဲက - ရွှေဘို၊ ဝက်လက်၊ မန္တလေး၊ တံတားဦး၊ မြစ်သား၊ ကျောက်ဆည်၊ နထိုးကြီး၊ မြင်းခြံ၊ မြင်းမူ၊ မလှိုင်၊ ဝမ်းတွင်း၊ တောင်သာနဲ့ ရေစကြိုမြို့နယ်များမှာ မတ်လ ၁၃ ရက် ညနေပိုင်း"မှာ မိုးသက်လေပြင်းကျရောက်နိုင်ပြီး လေပြင်းတစ်နာရီ ၁၅ မိုင်ကနေ ရုတ်တရက် ဆောင့် တိုက်တဲ့လေပြင်း - wind gust တစ်နာရီမိုင် ၅၀ နီးပါးခန့်အထိ တိုက်နိုင်ကြောင်း တွေ့ရပါတယ် လို့ ဦးဝင်းနိုင်က ပြောထားတာပါ။ အဲ့ဒီထဲက ဒေသအချို့မှာတော့ စစ်ဘေးရှောင်နေရသူတွေ ရှိနေတာ ဖြစ်တယ်လို့ သိရပါတယ်။

“ အခုည update အတိုင်းဆို ၁၃ ရက်နေ့ မနက်ပိုင်းမှာ ပဲခူးတိုင်းအနောက်ခြမ်းနဲ့ ဧရာဝတီလဲ မိုးသက် လေပြင်းကျနိုင်မဲ့ဒေသထဲပါတယ်။ အလယ်ပိုင်းတွေလောက်တော့ မများဘူးပေါ့။ သတိထားရမဲ့ နေ့ တစ်နေ့ဖြစ်လာနိုင်တယ်” လို့ ဦးဝင်းနိုင်က မနေ့ညပိုင်း (မတ် ၉) တုန်းက Green Way ကို ပြောထားပါတယ်။

ထိုင်းနိုင်ငံဘက်ကနေ ဖြတ်ဝင်လာမဲ့ အရှေ့မြောက်ဘက်က လေဖိအားများရပ်ဝန်းကြီးနဲ့ လေပွေလှိုင်းများရွေ့လျားဝင်ရောက်လာနိုင်မဲ့အခြေ အနေတွေကြောင့် အချိန်အခါမဟုတ်မိုးရွာသွန်းမှုတွေရှိလာနိုင်တာဖြစ်ပြီး ယခင်ရက်တွေက ခန့်မှန်း ချက်တွေအရတော့ ရန်ကုန်နဲ့ ပဲခူးတိုင်းတို့လောက်သာ မိုးများနိုင်တာဖြစ်ပေမဲ့ နောက်ဆုံးမိုးလေဝသ ထုတ်ပြန်ချက်တွေအရတော့ သက်ရောက်နိုင်မှုတွေထဲမှာ အလယ်ပိုင်းဒေသတွေပါ ပါဝင်လာတာ ဖြစ်ပါတယ်။

ကြိုတင်ပြင်ဆင်မှုလုပ်ရမဲ့သူများ လုပ်ချိန်ရဖို့ Green Way အနေနဲ့ နောက်ဆုံးအခြေအနေတွေကို ဦးဝင်းနိုင်ထံမေးမြန်းပြီး တောက်လျှောက်တင်ပေးသွားမှာဖြစ်ပြီး ဒီနေ့ညနေပိုင်း Update အခြေအနေကိုလည်း ဆက်လက်ဖော်ပြပေးသွားမှာဖြစ်ပါတယ်။

Photos Crd_U Win Naing

#(ဆရာဦးဝင်းနိုင်အနေဖြင့် Windy App ရှိ ကမ္ဘာလုံးဆိုင်ရာမိုးလေဝသ Model များဖြစ်သည့် ECMWF Model နှင့် GFS Model ခန့်မှန်းချက်များကို အသုံးပြု၍ ကြိုတင်ခန့်မှန်းခြင်း ဖြစ်ပါသည်)

#(မိမိဒေသ မြို့နယ်တစ်ခုချင်းအလိုက် အသေးစိတ်မိုးလေဝသအခြေအနေများကို သိလိုပါက Green Way app ရှိ ‘ မေးကြ၊ ဖြေကြ ဒေသအလိုက် မိုးလေဝသ’ အဖွဲ့တွင် အခမဲ့အဖွဲ့ဝင်ပြီး ဆရာနှင့် တိုက်ရိုက်မေးမြန်းနိုင်ပါသည်)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်