လေပွေလှိုင်းအရှိန်ကြောင့် မိုးများ စရွာနေပြီဖြစ်ပြီး ရန်ကုန်၊ ပဲခူး၊ ဧရာဝတီတိုင်းများ ဆက်လာမည်

ထိုင်းပင်လယ်ကွေ့ကနေ ကပ္ပလီပင်လယ်ဘက်ကို ဖြတ်ဝင်နေတဲ့ လေပွေလှိုင်းအရှိန်ကြောင့် တနင်္သာရီတိုင်းနဲ့ မွန်ပြည်နယ်၊ ကရင်ပြည်နယ်တွေမှာ မိုးရွာသွန်းမှုများ စတင်နေပြီဖြစ်ပြီး နောက် ၁ ရက်ကနေ ၃ ရက်အတွင်း ဆိုရင်တော့ ရန်ကုန်၊ ပဲခူး၊ ဧရာဝတီတိုင်းတွေမှာပါ မိုးတွေရွာလာမှာဖြစ်တယ်လို့ နိုင်ငံတကာမိုးလေဝသ ထုတ်ပြန်ချက်တွေကို ကိုးကားပြီး မိုးလေဝသခန့်မှန်းပေးနေသူ ဦးဝင်းနိုင်က ပြောပါတယ်။

မနေ့ညပိုင်းက စတင်ဖြစ်ပေါ်ခဲ့တဲ့ Upper Air Cyclonic Circulation - UACC(လေပွေလှိုင်း)ဟာ ထိုင်းပင်လယ် ကွေ့ကနေ ကပ္ပလီပင်လယ်ပြင်ဘက်ကို တနင်္သာရီတိုင်း ဘုတ်ပြင်းမြို့အနီးကနေ ဖြတ်ကျော်ဝင်ရောက်ရန် အနောက်ဘက်ကို ရွေ့လျားနေတာဖြစ်တယ်လို့ သိရပါတယ်။

ဒီအရှိန်ကြောင့် ဒေသအများအပြားမှာ မိုးရွာသွန်းနိုင်မှုတွေဟာ ယခုလကုန်ပိုင်းထိ ရှိနေနိုင်တာဖြစ်တယ်လို့ ဦးဝင်းနိုင်က ခန့်မှန်းပါတယ်။ အဲ့ဒီလိုမိုးရွာနိုင်တဲ့အခြေအနေတွေနဲ့ပတ်သက်လို့ ဦးဝင်းနိုင်ထံ Green Way က ဆက်သွယ်မေးမြန်းထားတာတွေကို ဖော်ပြပေးလိုက်ပါတယ်။

လက်ရှိ လေပွေလှိုင်းအခြေအနေက ဘယ်လိုဖြစ်နေပြီလဲ?

“ သူက လမ်းကြောင်းဖြတ်တာကတော့ အက်ဒမန်ကျွန်းနဲ့ ကိုကိုးကျွန်းကြားထဲကနေပြီးတော့ ဖြတ်ထွက်မှာပေါ့နော်။ အဲ့လိုမျိုးပဲ နောက်ဆုံး update မှာတွေ့ထားတယ်။ အခု ၂ နာရီ ထိုးခါနီးမှာတော့ ဘုတ်ပြင်းပေါ်ကို ရောက်နေပြီ။ ၂၅ ရက်နေ့ မနက် (မနက်ဖြန်မနက်) ၃ နာရီကနေ ၅ နာရီ လောက်ဆို ကပ္ပလီပင်လယ်ပြင်ထဲကို ရောက်ပြီ။ ဘယ်နေရာလောက်ကို ရောက်မလဲဆိုတော့ မြိတ်ရဲ့အနောက်တောင်ဘက် မိုင် ၁၄၀ လောက်ကိုရောက်လာမှာ”

ဒီအရှိန်ကြောင့် မိုးရွာသွန်းနိုင်မှုတွေက ဘယ်လိုဖြစ်သွားနိုင်မလဲ?

“ အခုဒီလိုစပြီးသွားနေတဲ့အချိန်မှာကို တနင်္သာရီတိုင်းတစ်ခုလုံးမှာမိုးတွေရွာနေပြီဆိုပြီးပြနေပြီ။ ကော့သောင်း၊ မြိတ်၊ ထားဝယ်၊ မော်လမြိုင်အထိပေါ့။ ကရင်ပြည်နယ် မွန်ပြည်နယ်အထိပေါ့။ မိုးတွေ ရွာနေပြီ။ မိုးများတာ ကတော့ မြိတ်နဲ့ကော့သောင်းကြား မိုးများမယ်။ ပြီးတော့ ထားဝယ်မှာမိုးများမယ်။ ခု ၂၄ နာရီအတွင်း ရွာနိုင်တဲ့ အခြေအနေက ၁ လက်မလောက်ရှိတယ်။ မြိတ်နဲ့ကော့သောင်းကြားမှာတော့ ခု ၂၄ နာရီအတွင်းကို ၁ လက်မခွဲ လောက်ထိ ရွာ့မယ့်အနေအထားမျိုးတွေ့တယ်”

နောက်ထပ် မိုးတွေဆက်ရွာနိုင်တာတွေက ဘယ်ဒေသတွေ ဖြစ်မလဲ?

“ နောက် ၂၄ နာရီကနေ ၃ ရက်အတွင်းဆိုရင်တော့ ခုန မြိတ်နဲ့ ကော့သောင်းကြားက မိုးရေချိန်က ၁ လက်မခွဲကနေ ၁.၈၅ လောက်ထိတက်လာတယ်။ ထားဝယ်မှာလည်း ၁ လက်မအောက်ကနေ ၁.၈ လောက်ထိ တက်လာတယ်။ ဆိုတော့ တနင်္သာရီတောင်ပိုင်းကတော့ မိုးဆက်များမယ်။ ပြီးရင် ပဲခူးတိုင်းအရှေ့ခြမ်း၊ အနောက်ခြမ်း၊ ရန်ကုန်တိုင်း၊ ဧရာဝတီတိုင်း တွေမှာ မိုးများလာမယ်။ ပြီးတော့မှ ကယားပြည်နယ်။ အဲ့မှာတော့ အရမ်းမများဘူး။ ၀.၅ လောက်ပဲ။ ပြီးရင် ရှမ်းပြည်နယ် အရှေ့ခြမ်း တာချီလိတ်အဖျားထိ မိုးရွာနိုင်တယ်။ ရှမ်းပြည်နယ်တောင်ပိုင်းကတော့ နမ့်စမ်နဲ့ မိုင်းရှူးအထိပဲ။ အလယ်ပိုင်းကတော့ အဲ့ဒီအချိန်အတွင်း မရောက်သေးဘူး”

“ နောက် ၅ ရက်လောက်ကျတော့မှ မိတ္ထီလာ၊ ကျောက်ပန်းတောင်း၊ ညောင်ဦး အဲ့ဒီနေရာတွေကို ရောက်လာ မယ်။ ၅ ရက် ကနေ ၁၀ ရက်အတွင်းဆိုရင် မန္တလေးတို့ဘာတို့ကတော့ တော်တော်ပါးပါးလေးလောက်ပဲ။ ရှမ်းပြည်နယ် မြောက်ပိုင်းကလည်း လားရှိုးအထိ ပါလာတယ်။ ပြီးတော့မှ ချင်းပြည်နယ်တောင်ပိုင်းအထိ မိုးရောက်လာတယ်။ ရခိုင်ပြည်နယ်ကတော့ တောင်ပိုင်းပဲပါမယ်။ ကျောက်ဖြူ၊ အမ်းအထိလောက်ပဲ မိုးများမယ်။ မြောက်ပိုင်း စစ်တွေတို့ မြောက်ဦးတို့ဘက်တော့ မများဘူး”

#(ဆရာဦးဝင်းနိုင်အနေဖြင့် Windy App ရှိ ကမ္ဘာလုံးဆိုင်ရာမိုးလေဝသ Model များဖြစ်သည့် ECMWF Model နှင့် GFS Model ခန့်မှန်းချက်များကို အသုံးပြု၍ ကြိုတင်ခန့်မှန်းခြင်း ဖြစ်ပါသည်)

Photos Crd_ U Win Naing

#(မိမိဒေသ မြို့နယ်တစ်ခုချင်းအလိုက် အသေးစိတ်မိုးလေဝသအခြေအနေများကို သိလိုပါက Green Way app ရှိ ‘ မေးကြ၊ ဖြေကြ ဒေသအလိုက် မိုးလေဝသ’ အဖွဲ့တွင် အခမဲ့အဖွဲ့ဝင်ပြီး ဆရာနှင့် တိုက်ရိုက်မေးမြန်းနိုင်ပါသည်)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...